សមាគម​មីក្រូហិរញ្ញវត្ថុ​ព្រួយបារម្ភការកើនឡើង​កម្ចីក្រៅផ្លូវការ​បន្ទាប់ពីមានការ​ផលិតរឿងបង្ខូចកេរ្តិ៍ឈ្មោះ​មន្ត្រី​ឥណទាន​

ភ្នំពេញ ៖ យើងសង្កេតឃើញថា​ ក្នុងរយៈពេលថ្មីៗនេះ មានក្រុមអ្នកផលិតមាតិការ​សង្គម​មួយចំនួន​ក៏ដូចជា​អ្នកលេង​បណ្ដាញសង្គម​ផ្សេងទៀត​បាន​ផលិត​និងបង្ហោះ​រឿង​បង្ខូចកេរ្តិ៍ឈ្មោះមន្ត្រីឥណទាន​​របស់គ្រឹះ​ស្ថាន​មីក្រូហិរញ្ញវត្ថុ ​និងធនាគារឯកជនស្របច្បាប់​។ សមាគមមីក្រូហិរញ្ញវត្ថុ​កម្ពុជាបានបង្ហាញពីការព្រួយបារម្ភចំពោះ​ការកើនឡើង​នៃ​កម្ចីក្រៅផ្លូវ​ការ​នៅពេលមានការ​បង្ខូច​កេរ្តិ៍ឈ្មោះមន្ត្រីឥណទានតាមរយៈរូបភាពទាំង​នេះ។​​

លោក​ កាំង តុង​ងី ប្រធាននាយកដ្ឋានទំនាក់ទំនង និងជាអ្នកនាំពាក្យសមាគមមីក្រូហិរញ្ញវត្ថុកម្ពុជាបានមា​ន​ប្រ​សាសន៍​ប្រាប់ AMS តាមទូរសព្ទឱ្យដឹងថា សមាគម​មានការ​ព្រួយបារម្ភ​ចំពោះការ​កើនឡើង​នៃកម្ចី​ក្រៅ​ផ្លូវការ​នៅក្នុង​ប្រទេស​កម្ពុជា នៅពេល​មានការ​បង្ហោះព័ត៌មាន​ពីក្រុម​អ្នកផលិត​មាតិកា​សង្គម​បង្ខូច​កេរ្តិ៍ឈ្មោះរបស់​មន្ត្រី​ឥណ​ទាន​។

លោកបន្តថា​ ៖

“នៅពេល​មានការ​បង្ហោះ​បង្ខូចកេរ្តិ៍ឈ្មោះបែបនេះ អាច​ធ្វើឱ្យ​ពលរដ្ឋ​កម្ពុជា​មួយចំនួន​យល់​ច្រលំ​ ​និងថា​មន្ត្រីឥណទានអាក្រក់​បែបនេះ អាក្រក់បែបនោះ និងធ្វើឱ្យ​ពួកគាត់​បាត់បង់ទំនុកចិត្ត​មកលើ​គ្រឹះស្ថាន​មីក្រូហិរញ្ញវត្ថុ និងធនាគារឯកជនស្របច្បាប់ ឬក៏ស្ថាប័ន​ផ្ដល់​កម្ចី​ផ្លូវការ​នៅកម្ពុជា ដោយពួកគាត់នឹង​អាច​ងាកទៅរក​កម្ចី​ក្រៅផ្លូ​វ​ការ​ដែលមានការប្រាក់ខ្ពស់ និងប្រឈមហានិភ័យ។​”

លោក​ កាំង តុង​ងី ​បានមានប្រសាសន៍បន្តថា ៖​

“សមាគម​មីក្រូហិរញ្ញវត្ថុ​នឹង​បន្ត​តាមដាន​ចំពោះ​ទំព័រ​ហ្វេសប៊ុក​មួយ​ចំនួន​ដែល​បន្ត​ផុស​ព័ត៌មាន​មិនពិត បង្ខូចកេរ្តិ៍ឈ្មោះ​មន្ត្រីឥណទាន​ និង​បន្ត​តាមដាន​ក្រុម​អ្នកផលិត​មាតិកា​សង្គម​​ថតរឿងដែលនាំឱ្យប៉ះពាល់​ដល់សេចក្ដីថ្លៃថ្នូររបស់មន្ត្រីឥណទានតាមគ្រឹះស្ថានហិរញ្ញវត្ថុ​នានា​ក្នុ​ង​ប្រ​ទេស។ ជាការ​គោលការណ៍របស់យើង បើបានឃើញពួកគាត់​បង្ហោះព័ត៌មាន ​ឬរឿង​ដែល​ប៉ះពាល់​ដល់​​មន្ត្រីឥណទាន យើងគ្រាន់តែ​ហៅគាត់អប់រំ​ណែនាំ និងផ្សព្វផ្សាយ​ពីចំណេះដឹងហិរញ្ញវត្ថុ​ដល់​ប្រជា​ព​ល​រដ្ឋ​ ប៉ុន្តែបើសិនជា​ផេកទាំងនោះនៅបន្ត​ធ្វើរឿងដដែលទៀត យើង​នឹង​ចាត់​វិធានការ​តាម​ផ្លូវច្បាប់​។​”

លោក​បញ្ជាក់ថា គោលការណ៍រ​បស់​សមាគម​គឺចង់ឱ្យ​ពលដ្ឋ​ទទួលបាន​នូវ​ឥណទាន​ពី​ស្ថាប័ន​ផ្លូវការ ដែល​ទទួ​ល​បា​នអាជ្ញាប័ណ្ណ​ពី​ធនាគារ​ជាតិនៃកកម្ពុជា ដោយមិនចង់ឱ្យ​ពួកគាត់ប្រើប្រាស់​កម្ចីក្រៅផ្លូវការដែល​អាច​នាំឱ្យ​មានបំណុលវ័ន្តក ហើយជាក់ស្ដែង​អ្នក​ប្រើ​កម្ចីក្រៅផ្លូវការ​មួយចំនួន​ក៏បានជួ​បប្រទះ​នឹង​ជម្លោះ​រហូតដល់​មាន​ការ​ប្រើប្រាស់​ហិង្សា និងមានករណីខ្លះទៀត​កូន​បំណុល​ឈានដល់​ការធ្វើអត្តឃាត​ដោយសារ​តែមិ​នមា​នល​ទ្ធភាពសងបំណុល​ទៅ​ម្ចាស់បំណុល។​

សូមបញ្ជាក់ថា កន្លងមកនេះ មានក្រុមផលិត​វីឌីអូរកលុយ​តាមអនឡាញ ​ឬហៅថា MMO មួយចំនួន​បានផលិត​រឿង​​និយាយពី​មន្ត្រីឥណទានក្នុង​រូប​ភាពធ្វើឱ្យ​ប៉ះពាល់ដល់មន្ត្រីឥណទាន​​ពីស្ថាប័ន​នានា​​​ក្នុង​ប្រទេស​កកម្ពុជា និងបានធ្វើឱ្យ​ពលរដ្ឋ​យល់​ច្រលំ ​និងស្អប់មន្ត្រីឥណទាន ប៉ុន្តែធាតុពិត​មន្ត្រីឥណទាន​នីមួយ​ៗ សុទ្ធតែទទួលបានការ​បណ្ដុះ​បណ្ដាលពីក្រម​ប្រតិបត្តិ​របស់​ស្ថាប័ន​ហិរញ្ញវត្ថុ​ត្រឹមត្រូវ ​ដើម្បីជៀសវាង​បញ្ហា​ណា​មួយកើត​ឡើង​ចំពោះពលរដ្ឋ​ ក៏ដូចជាមន្ត្រីឥណទានទាំ​ងនោះ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ