សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្រីតុកកែ ជាត្រីសមុទ្រមួយប្រភេទដែលគេស្គាល់ជាទូទៅថា ជាត្រីដែលមានតម្លៃខ្ពស់ ហើយគេនិយមទទួលទានដោយសារតែវាមានរសជាតិឆ្ងាញ់ និងអាចច្នៃចម្អិនជាម្ហូបបានច្រើនមុខ។ ដោយសារតែតម្រូវការទីផ្សារមានភាពទូលំទូលាយ និងមានតម្លៃថ្លៃ ប្រជាជនរស់នៅភូមិកោះស្ដេច ខេត្តកោះកុង បានចាប់ផ្ដើមចិញ្ចឹមត្រីតុកកែ ដើម្បីផ្គត់ផ្គង់ទីផ្សារ និងបង្កើនសេដ្ឋកិច្ចរកចំណូលចូលគ្រួសារបន្ថែមពីលើការនេសាទ និងការដឹកភ្ញៀវទេសចរកម្សាន្ត។
លោក គាត ផានី ជាប្រជាពលរដ្ឋម្នាក់ដែលកំពុងចិញ្ចឹមត្រីតុកកែ រស់នៅភូមិកោះស្ដេចបានប្រាប់ឱ្យដឹងថា បច្ចុប្បន្ននេះ ក្រៅពីការនេសាទ និងដឹកភ្ញៀវរាល់ថ្ងៃលោកក៏មានចិញ្ចឹមត្រីតុកកែផងដែរ ដែលបានមកពីការនេសាទសល់កូនត្រីតូចៗ លុះដល់ពេលវាធំក៏ចាប់យកទៅលក់នៅលើទីផ្សារ ។
លោកបានបញ្ជាក់ថា ៖
“សព្វថ្ងៃនេះ យើងចិញ្ចឹមត្រីតុកកែមាន ៣ ប្រភេទគឺ ត្រីតុកកែក្រហម គេហៅថាអាយ៉ាំ ត្រីតុកកែអុចខ្មៅ ឬអាកៅ និងមួយប្រភេទទៀតគេហៅថា អាកៅកេ ហើយពូជទាំងអស់នេះគឺធម្មជាតិពិតៗមិនបាននាំចូលមកពីណានោះទេ ពោលគឺដោយសារយើងនេសាទបានដោយខ្លូនឯង ហើយយកមកចិញ្ចឹម និងដាក់ចំណីដោយខ្លួនឯងផ្ទាល់។”
លោកបានបញ្ជាក់ទៀតថា ៖
“ចំពោះត្រីប្រភេទអាយ៉ាំ យើងមាន ៣០០ក្បាល, អាកៅមានប្រមាណ ៥០ក្បាល និងអាកៅកេក៏មានប្រមាណ ៥០-៦០ក្បាលផងដែរ ដោយជាធម្មតាយើងចាប់លក់ឱ្យឈ្មួញក្នុងតំបន់ ទើបគេយកទៅលក់បន្តក្នុងក្រុង ហើយត្រីដែលយើងអាចលក់បាន គឺត្រីធំដល់ទម្ងន់ដែលត្រូវលក់ ពោលគឺប្រភេទអាយ៉ាំចាប់ពី ៦ខាំឡើង, ប្រភេទអាកៅចាប់ពី ៥ខាំឡើង និងប្រភេទកៅកេចាប់ពី ៣ខាំឡើងទៅ ក្រៅពីនេះយើងចិញ្ចឹមបន្តរហូតដល់គ្រប់អាយុទើបចាប់លក់ទៀត។”
ដោយឡែក ពាក់ព័ន្ធនឹងការមើលថែវិញ លោក ផានី បានរៀបរាប់ថា ត្រីប្រភេទនេះ ត្រូវការចាប់វាលាងទឹកសាបជាប្រចាំ គឺទុកប្រមាណ ៧-៨ថ្ងៃ ចាប់វាលាងទឹកសាបម្ដង បើពុំដូច្នោះទេ វាអាចងាប់ ដោយសារមានចៃ ឬទៀកស៊ីខ្លួនត្រី។ ក្រៅពីនេះ ការចិញ្ចឹមត្រីតុកកែក៏អាចជួបនូវផលលំបាកមួយចំនួនទៀតផងដែរ រួមមានបញ្ហាទឹក ដែលអាចមានកករអណ្ដែតឡើងដោយសារការសាងសង់ ឬខែខ្លះមានរលកខ្លាំងក៏អាចធ្វើឱ្យត្រីតុកកែងាប់បានដែរ លើកលែងតែរដូវរស្សាដែលមានភាពងាយស្រួលក្នុងការចិញ្ចឹមជាងរដូវក្ដៅ៕
Account
Security
Favourite Content