សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តម្លៃលក់រាយប្រេងឥន្ធនៈនៅកម្ពុជាចាប់ពីថ្ងៃទី១៦ ដល់ថ្ងៃទី២៨ ខែកុម្ភៈ ឆ្នាំ២០២២ នឹងត្រូវលក់ក្នុងតម្លៃ ៤ ៧០០រៀល/១លីត្រ សម្រាប់សាំងធម្មតា EA92 និង ៤.៤៥០រៀល/លីត្រ សម្រាប់ប្រេងម៉ាស៊ូត ពោលគឺតម្លៃលក់រាយសាំងធម្មតា និងប្រេងម៉ាស៊ូតកើនឡើង ២០០ រៀលដូចគ្នា។ នេះបើយោងតាមសេចក្តីជូនដំណឹងរបស់ក្រសួងពាណិជ្ជកម្ម នៅថ្ងៃទី១៦ ខែកុម្ភៈ ឆ្នាំ២០២២។
នៅក្នុងសេចក្តីជូនដំណឹងបានឱ្យដឹងថា ផ្អែកតាមតម្លៃមធ្យមប្រេងឥន្ធនៈលើទីផ្សាអន្តរជាតិ ថ្លៃលក់រាយប្រេងឥន្ធនៈចាប់ពីថ្ងៃទី១៦ ដល់ថ្ងៃទី២៨ ខែកុម្ភៈ ឆ្នាំ២០២២ នឹងត្រូវលក់ក្នុងតម្លៃ ៤.៨៦០រៀល/១លីត្រ សម្រាប់សាំងធម្មតា EA92 និង ៤.៦១០រៀល/លីត្រ សម្រាប់ប្រេងម៉ាស៊ូត។
សេចក្តីជូនដំណឹងដដែលបានឱ្យដឹងថា ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៤សេនដុល្លារ/លីត្រ ។ ដូច្នេះ ថ្លៃលក់រាយប្រេងឥន្ធនៈសម្រាប់អនុវត្តចាប់ពីថ្ងៃទី១៦ ដល់ថ្ងៃទី២៨ ខែកុម្ភៈ ឆ្នាំ២០២២ នឹងចុះមក ៤.៧០០ រៀល/លីត្រ សម្រាប់សាំងធម្មតា EA92 និង ៤.៤៥០រៀល/លីត្រ សម្រាប់ប្រេងម៉ាស៊ូត ។
កាលពីថ្ងៃទី២ ខែកុម្ភៈ ឆ្នាំ ២០២២ ក្រសួងពាណិជ្ជកម្ម បានចេញសេចក្តីជូនដំណឹងថា ថ្លៃប្រេងឥន្ធនៈ ត្រូវលក់រាយតាមស្ថានីយចាប់ពីថ្ងៃទី២ ដល់ថ្ងៃទី១៥ ខែកុម្ភៈ ឆ្នាំ២០២២ ដោយសាំងធម្មតាត្រូវបានលក់តម្លៃ ៤ ៥០០រៀល ក្នុងមួយលីត្រ និងម៉ាស៊ូតលក់ក្នុងតម្លៃ ៤ ២៥០រៀល ក្នុង១លីត្រ។ ដូច្នេះ បើធៀបនឹងការថ្លៃប្រេងឥន្ធនៈលក់រាយតាមស្ថានីយចាប់ពីថ្ងៃទី១៦ ខែកុម្ភៈ ឆ្នាំ២០២២ លក់រាយសាំងធម្មតា និងប្រេងម៉ាស៊ូតកើនឡើង ២០០ រៀលដូចគ្នា។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចអន្តរជាតិនៃរាជបណ្ឌិត្យសភាកម្ពុជាធ្លាប់ថ្លែងប្រាប់ថា ជាទូទៅ ប្រជាជនមានការយល់ច្រឡំ រហូតដល់មានការដាក់បន្ទុកទៅលើរាជរដ្ឋាភិបាលថា ការដាក់លក់ប្រេងសាំងក្នុងតម្លៃខ្ពស់នាអំឡុងពេលដែលទើបតែបើកប្រទេសឡើងវិញ ធ្វើឱ្យប្រជាជនមានការលំបាកចំពោះការចំណាយលើប្រេង។ នេះគឺព្រួយបារម្ភរបស់ប្រជាជន។
លោកបណ្ឌិតបានថ្លែងដូច្នេះថា ៖
“ជាពិត ការកំណត់តម្លៃប្រេង គឺផ្អែកលើតម្លៃប្រេងលើទីផ្សារអន្តរជាតិ ព្រោះយើងដឹងគ្រប់គ្នាហើយថា ប្រទេសកម្ពុជាមិនមែនជាប្រទេសផលិតប្រេងបាននោះទេ តែជាប្រទេសដែលនាំប្រេងចូល ដើម្បីប្រើប្រាស់សម្រាប់ដំណើរការផលិតកម្ម និងឧស្សាហកម្មផ្សេងៗ។ នាប៉ុន្មានទសវត្សរ៍កន្លងមកនេះ គឺប្រទេសកម្ពុជានាំចូលប្រេងទាំងស្រុងតែម្តង”
លោកបណ្ឌិតបានថ្លែងបន្តថា ៖
“ការកំណត់អត្រាលក់ ឬតម្លៃប្រេងនៅកម្ពុជា គឺផ្អែកទៅតាមតម្លៃប្រេងនៅលើទីផ្សារអន្តរជាតិ និងទៅលើតម្លៃផលិតកម្មនៃការផលិតប្រេង ជាពិសេសប្រទេសជាអ្នកផលិតប្រេង ឬអ្នកនាំប្រេងចេញរបស់ពិភពលោក ដែលយើងហៅ OPEC ឬ OPEC+ ជាអ្នកកំណត់តម្លៃប្រេង មិនមែនរដ្ឋាភិបាលកម្ពុជាមានលទ្ធភាពអាចកំណត់តម្លៃប្រេងឲ្យឡើងខ្ពស់ ឬចុះទាបដូចការលើកឡើងរបស់មនុស្សមួយចំនួនតូចនោះទេ”
គួររំលឹកផងដែរថា ក្រសួងពាណិជ្ជកម្មធ្លាប់បានបញ្ជាក់ដែរថា ក្រសួងពាណិជ្ជកម្មមិនមែនជាអ្នកកំណត់ថ្លៃលក់រាយប្រេងឥន្ធនៈនៅកម្ពុជានោះទេ គឺក្រសួងគ្រាន់តែស្រង់តម្លៃឡើង-ចុះ នៃប្រេងតាមទីផ្សារអន្តរជាតិ មកគណនាតាមប្រកាសដូចមានក្នុងឯកសារយោងខាងលើតែប៉ុណ្ណោះ។ អាស្រ័យហេតុនេះ សូមសាធារណៈជនមេត្តាជ្រាបជាព័ត៌មាន ហើយសូមឲ្យគ្រប់ស្ថានីយលក់រាយប្រេងឥន្ធនៈទាំងអស់ប្រតិបត្តិតាមការចាំបាច់៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content