សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Weforum បានបង្ហាញថា កម្មវិធីមធ្យោបាយធ្វើដំណើរ HerRyde ត្រូវការតែអ្នកបើកបរស្រីតែប៉ុណ្ណោះ ដើម្បីជួយសម្រួលដល់អ្នកដំណើរជាស្ត្រី។ HerRyde ចាប់ផ្តើមដំណើរការនៅទីក្រុង Abuja ប្រទេសនីហ្សេរីយ៉ាកាលពីឆ្នាំ ២០២២ កន្លងទៅនេះ។
HerRyde ចាប់ផ្តើមជាមួយនឹងអ្នកបើកបរស្រីចំនួន ១០ នាក់ប៉ុណ្ណោះ ហើយនៅក្នុងខែដំបូង សេវាធ្វើដំណើរមានទៅដល់ចំនួន ៥០០ គោលដៅ។ ស្ថាបនិកកម្មវិធី Monsurah Alli-Oluwafuyi ជាស្ត្រីជនជាតិនីហ្សេរីយ៉ាបានបើកដំណើរការកម្មវិធីនេះ ដើម្បីសម្រួលដល់ភាពលំបាករបស់ស្ត្រី។ នីហ្សេរីយ៉ា មិនមានរបាយការណ៍ណាមួយរាយការណ៍អំពីគ្រោះថ្នាក់ចំពោះស្ត្រីពីការប្រើប្រាស់កម្មវិធីមធ្យោបាយធ្វើដំណើរនោះទេ ប៉ុន្តែប្រព័ន្ធផ្សព្វផ្សាយក្នុងស្រុកបានរាយការណ៍ពីហេតុការណ៍ រួមមាន ការឆក់ប្លន់ ការរំលោភផ្លូវភេទ និងការបៀតបៀនជាដើម។
លើសពីនេះ ស្ត្រីនីហ្សេរីយ៉ា ៣ នាក់ទៀតដែលជាសហស្ថាបនិកកម្មវិធីនេះក៏បានបំផុសគំនិតក្នុងការបង្កើតកម្មវិធី HerRyde កើតចេញពីបទពិសោធន៍ផ្ទាល់របស់ពួកគេពាក់ព័ន្ធនឹងករណីចាប់រំលោភលើរាងកាយ ផ្លូវភេទ និងពាក្យសំដីផងដែរ។ ដូច្នោះហើយ ពួកគេបានសម្រេចចិត្តបង្កើតកម្មវិធីមធ្យោបាយធ្វើដំណើរសម្រាប់តែអ្នកបើកបរ និងអ្នកជិះជាស្ត្រីតែប៉ុណ្ណោះ ដើម្បីការពារសុវត្ថិភាពរបស់ពួកគេក្នុងគោលបំណងបញ្ឈប់ការគំរាមកំហែង ឬ ការបៀតបៀនផ្សេងៗមកលើស្រ្តី។
ស្របពេលនេះដែរ HerRyde ក៏នឹងពង្រីកឱកាសការងារ និងរកចំណូលសម្រាប់អ្នកបើកបរស្ត្រីផងដែរ។ Adetutu Patricia Oni ជាអ្នកបើកបរម្នាក់ និងយាយថា គាត់ជាអ្នកបើកបរសម្រាប់កម្មវិធីមធ្យោបាយធ្វើដំណើរអស់រយៈពេល ៣ ឆ្នាំមកហើយ ប៉ុន្តែ HerRyde បានធ្វើឱ្យការងាររបស់គាត់កាន់តែប្រសើរឡើង។ កាលពីមុន ពួកគាត់ទទួលបានការរើសអើងច្រើនណាស់ ជាពិសេសអតិថិជនបុរស ដោយសារពួកគេមិនចង់ជិះជាមួយអ្នកបើកបរជាមនុស្សស្រី។ លើសពីនេះ HerRyde គ្រោងនឹងពង្រីកកម្មវិធីរបស់ខ្លួនបន្ថែមទៀតនៅក្នុងប្រទេសនីហ្សេរីយ៉ា និងបង្កើតឱកាសការងារបន្ថែមទៀតសម្រាប់អ្នកបើកបរស្ត្រីនៅក្នុងវិស័យមួយនេះ៕
Account
Security
Favourite Content