សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពពី The Economic Times បានបង្ហាញថា តម្លៃមាសបានឡើងថ្លៃកាលពីថ្ងៃព្រហស្បតិ៍កន្លងទៅនេះ ដោយខិតជិតដល់ចំណុចកំពូលរយៈពេល៨សប្តាហ៍ជាប់ៗគ្នា។
ទីផ្សារមាសឡើងថ្លៃដល់ ១ ៩៧៨ ដុល្លារក្នុងមួយអោន បើធៀបទៅនឹងកាលពីដើមខែកក្កដានេះ ទីផ្សារមាសមានតម្លៃ ១ ៩១០ ដុល្លារក្នុងមួយអោន។ លើសពីនេះ ការធ្លាក់ចុះនៃសន្ទស្សន៍ប្រាក់ដុល្លារបានធ្វើឲ្យមាសមានតម្លៃថោកសម្រាប់អ្នកកាន់រូបិយប័ណ្ណផ្សេងទៀត។ ស្របពេលនេះដែរ អ្នកវិនិយោគកំពុងទន្ទឹងរង់ចាំមើលការប្រជុំរបស់ធនាគារកណ្តាលអាមេរិកនៅសប្តាហ៍ក្រោយនេះ ដោយពួកគេសង្ឃឹមថាអត្រាការប្រាក់នៅត្រឹមចន្លោះ ៥,២៥ និង ៥,៥ ភាគរយ។
បន្ទាប់ពីអតិផរណារបស់សហរដ្ឋអាមេរិកកើនឡើងក្នុងរយៈពេលពីរឆ្នាំកន្លងមកនេះ ប្រាក់ដុល្លារអាមេរិកបានបន្តស្ថិតក្រោមសម្ពាធនៃការលក់ចេញ ខណៈដែលទីផ្សារមិនរំពឹងថាធនាគារកណ្តាលនឹងដំឡើងអត្រាការប្រាក់នាពេលខាងមុខនោះលឿននោះទេ ហើយអ្នកវិនិយោគកំពុងយកប្រាក់ទៅវិនិយោគទ្រព្យសកម្មផ្សេងទៀតរួមទាំងមាស និងភាគហ៊ុនផងដែរ។
ស្របពេលដែលមាសត្រូវបានចាត់ទុកថាជាគ្រឿងមានតម្លៃសម្រាប់ទប់ទល់នឹងអតិផរណា ប៉ុន្តែវាមិនសូវទទួលបានការចាប់អារម្មណ៍នៅលើទីផ្សារបច្ចុប្បន្ននេះ ដែលអាចបង្ហាញថាជាសញ្ញាអវិជ្ជមាន។ ទោះជាយ៉ាងណាក៏ដោយ តម្លៃមាសនៅទូទាំងពិភពលោកបានធ្លាក់ចុះជិតដល់កម្រិតទាបក្នុងរយៈពេល ៤ ខែកន្លងមកនេះ ខណៈដែលអ្នកវិនិយោគសង្ឃឹមថាតម្លៃនឹងធ្លាក់ចុះត្រឹមកម្រិត ១ ៩០០ ដុល្លារក្នុងមួយអោន និង កំពុងរង់ចាំមើលទិន្នន័យតួលេខអតិផរណាសំខាន់ៗរបស់សហរដ្ឋអាមេរិក៕
Account
Security
Favourite Content