សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពោធិ៍សាត់ ៖ ចម្លាក់ថ្មកែវ និងថ្មធម្មជាតិជាច្រើនប្រភេទនៅខេត្តពោធិ៍សាត់ មានភាពល្បីល្បាញជាច្រើនឆ្នាំមកហើយ ហើយរហូតមកដល់ពេលបច្ចុប្បន្ន សិល្បៈចម្លាក់នេះបានរងផលប៉ះពាល់យ៉ាងខ្លាំងដោយសារបញ្ហាហិរញ្ញវត្ថុបណ្តាលមកពីតម្រូវការទីផ្សារទាប។
មន្ទីរវប្បធម៌ និងវិចិត្រសិល្បៈខេត្តពោធិ័សាត់បានលើកឡើង និងបង្ហាញពីក្តីបារម្ភចំពោះការកែច្នៃខ្លះបានប្រាសចាកពីទម្រង់ដើមដែលជាស្នាដៃបញ្ជាក់ពីអត្តសញ្ញាណប្រចាំខេត្ត ហើយនឹងបញ្ហាធំមួយទៀតនោះ គឺការធ្វើចំណាកស្រុកទៅធ្វើជាងចម្លាក់នៅប្រទេសថៃ ដើម្បីទទួលបានកម្រៃជួយជីវភាពគ្រួសារបានកាន់តែល្អប្រសើរ។
ជាដំណោះស្រាយបញ្ហា មន្ទីរតែងតែរៀបចំសិក្ខាសាលា និងផ្តល់គ្រូបង្រៀនផ្នែកសិល្បៈចម្លាក់ជាប្រចាំទៅដល់ម្ចាស់អាជីវកម្ម ក៏ដូចអ្នកដាប់ចម្លាក់ផ្ទាល់ដើម្បីជួយពួកគេយល់ច្បាស់ពីមូលដ្ឋានក្បាច់ចម្លាក់ខ្មែរ។
លោក ឡាច ផេងលី ប្រធានមន្ទីរវប្បធម៌ និងវិចិត្រសិល្បៈខេត្តពោធិ៍សាត់ បានមានប្រសាសន៍ ៖
“ខ្ញុំចង់រក្សាអាជីពនេះឱ្យនៅគង់វង្សក្នុងប្រទេសកម្ពុជា។ មិនមែនត្រឹមតែថៃទេ ដែលជាងចម្លាក់ខ្មែរយើង ទៅស៊ីឈ្នួលដាប់ឆ្លាក់ កន្លងមក អ្នកជំនាញចម្លាក់យើងក៏ធ្លាប់មានទៅធ្វើជាជាងចម្លាក់នៅប្រទេសបារាំងដែរ។ វាមិនជារឿងគួរព្រួយបារម្ភពេកទេថាខ្លាចបាត់បង់ទៅជាស្នាដៃគេ ព្រោះអាជីពមួយនេះខ្មែរអ្នកធ្វើ ក្បាច់ឆ្លាក់ ចម្លាក់ ក៏នៅតែចេញពីបេះដូងខ្មែរ វានៅតែគេមើលដឹងថាជារបស់ខ្មែរបើទោះមានវត្តមាននៅស្រុកគេក៏ដោយ”
យ៉ាងណាក៏ដោយ លោក ឡាច ផេងលី ប្រធានមន្ទីរវប្បធម៌ និងវិចិត្រសិល្បៈ បានបញ្ជាក់ផងដែរថា ពេលទៅដល់ប្រទេសថៃគាត់ពិតជារកចំណូលបានច្រើន ព្រោះប្រទេសថៃទទួលស្គាល់ក្បាច់រចនារបស់កម្ពុជាណាស់ ហើយរាល់ចម្លាក់ទាំងនោះគឺមានទីផ្សារល្អ។
លោកបានបន្តថា ៖
“យើងពិតជាមានមោទនភាពណាស់ដែលខេត្តពោធិ៍សាត់របស់យើងមានថ្វីដៃពូកែផ្នែកចំលាក់ រតនៈសម្បត្តិ ដែលក្នុងនោះមានចម្លាក់ថ្មកែវផងដែរ។ ចម្លាក់ទាក់ទងនឹងអប្សរា រូបព្រះបដិមា និងសម្ភារៈប្រើប្រាស់ផ្សេងៗ ប៉ុន្តែអ្វីដែលគេនិយមធ្វើគឺព្រះបដិមា និងចម្លាក់ព្រះនរាយណ៍”
លោក លោក សុខ វិចិត្រ ដែលជាជាងចម្លាក់ និងជាម្ចាស់សហគ្រាសចម្លាក់ថ្មដាប់នៅក្នុងខេត្តពោធិ៍សាត់បានមានប្រសាសន៍ថា ៖
“ខ្ញុំចាប់ផ្តើមការងារមួយនេះជាង១០ឆ្នាំមកហើយ នៅពេលនេះសហគ្រាសរបស់ខ្ញុំក៏បន្លែមការកែច្នៃរបស់ផ្សេងៗទៀតជាច្រើនដែលមានដូចជា ការផលិតថ្មម៉ាប ក្រឡឹងសម្រាប់លម្អរផ្ទះ”
លោកថា ៖
“យើងផលិតចម្លាក់សព្វថ្ងៃគឺគោរពតាមការណែនាំរបស់ក្រសួង ដែលគាត់បានផ្តល់សៀវភៅណែនាំពីគំរូ ខ្នាតព្រះបដិមា។ ខាងក្រសួងតែងតែអញ្ជើញពួកខ្ញុំទៅចូលរួមសិក្ខាសាលា គាត់បានពន្យល់ពីក្បួនខ្នាតរបស់ចម្លាក់។ ចម្លាក់គឺវាមានលាយគ្នារវាងបុរាណនិងសម័យ ឬមានការផ្លាស់ប្តូរទៅតាមសម័យកាល អាស្រ័យទៅលើអ្នក បញ្ជាទិញ យើងអាចច្នៃទៅតាមពួកគាត់។ ខ្ញុំអាចធ្វើបាន៩០%ទៅតាមការណែនាំរបស់អ្នកបញ្ជាទិញ ឬតាមរូបថតដែលពួកគាត់ប្រគល់ឱ្យទុកជាគំរូ៕”
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Putin ធ្វើទស្សនកិច្ចលើកដំបូងបង្អស់ទៅកាន់ប្រជុំកោះ Kuril តំបន់ជម្លោះដ៏រ៉៉ាំរ៉ៃជាមួយជប៉ុន
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ប្រធានាធិបតីរុស្ស៊ី លោក Vladimir Putin បានធ្វើទស្សនកិច្ចជាលើកដំបូងបង្អស់របស់លោកទៅកាន់ប្រជុំកោះ Kuril ក្នុងអំឡុងពេលធ្វើដំណើរទស្សនកិច្ចការងារនៅតំបន់ស៊ីបេរី និងចុងបូព៌ា
អាម៉េរិកបង្ខំក្រុមហ៊ុនអាវុធធំៗ ដាក់ផែនការបង្កើនផលិតកម្មក្នុងរយៈពេល ២១ ថ្ងៃ
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ក្រសួងការពារជាតិអាម៉េរិក បានទុកពេលត្រឹម ២១ ថ្ងៃ ឱ្យក្រុមហ៊ុនផលិតអាវុធធំៗ ដាក់ជូនផែនការលម្អិតសម្រាប់ពន្លឿនការផលិតសព្វាវុធសំខាន់ៗ ខណៈស្តុកមីស៊ីលរបស់អាម៉េរិកបានធ្លាក់ចុះយ៉ាងខ្លាំង បន្ទាប់ពីការប្រើប្រាស់សព្វាវុធក្នុងប្រតិបត្តិការយោធានៅមជ្ឈិមបូព៌ានាពេលថ្មីៗនេះ
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកជំនាញ មើលឃើញសេដ្ឋកិច្ចកម្ពុជាបន្តរឹងមាំ ទោះស្ថិតក្នុងវិបត្តិសេដ្ឋកិច្ចសកលក៏ដោយ
អ្នកជំនាញសេដ្ឋកិច្ចវិស័យឯកជនព្រមានពីការចំណាយរបស់ពលរដ្ឋអាម៉េរិកកើនឡើងខ្ពស់ ខណៈមន្ត្រីរដ្ឋាភិបាលនិយាយថា ជាសញ្ញាល្អរបស់សេដ្ឋកិច្ច
Account
Security
Favourite Content