សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជាការពិត ការទំនាក់ទំនង និងជជែកគ្នានៅតែជារឿងសំខាន់ ដើម្បីបញ្ចៀសនូវការយល់ច្រឡំ ឬការឈ្លោះប្រកែកណាមួយ។ នៅក្នុងវិស័យធនាគារ ឬគ្រឹះស្ថានហិរញ្ញវត្ថុផ្ដល់កម្ចីទៀតសោត ការជជែកគ្នាក៏កាន់តែសំខាន់ថែមទៀត ដោយវាជាដំណោះស្រាយដ៏ល្អសម្រាប់ទាំងភាគីផ្ដល់កម្ចី និងភាគីអតិថិជនផ្ទាល់។
ឧទាហរណ៍ជាក់ស្ដែង បញ្ហាមួយអាចកើតឡើងប្រសិនបើអតិថិជនមិនមានលទ្ធភាពសងទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។
ពីអ្នកជំនាញបានលើកឡើងថា ជម្លោះអាចនឹងដោះស្រាយបានប្រសិនបើភាគីទាំងពីរបានជួបទល់មុខគ្នា ដើម្បីជជែកគ្នា និងស្វែងយល់ពីគ្នាទៅវិញទៅមក។
«បើទោះបីជាករណីមួយចំនួន អតិថិជនតម្រូវឱ្យដាក់ទ្រព្យធានាដើម្បីទទួលបានកម្ចីក៏ដោយ ប៉ុន្តែគ្រឹះស្ថានផ្ដល់កម្ចីគឺនឹងប្រឹងឱ្យអស់ពីលទ្ធភាពក្នុងការចរចារកដំណោះស្រាយ ដោយចៀសវាងនូវការអនុវត្តនិតិវិធីប្ដឹងទៅតុលាការដើម្បីដាក់ទ្រព្យធានាឡៃឡុង»។
នេះបើតាមប្រសាសន៍របស់លោក ប៉ា ប៉ុណ្ណារិទ្ធី សមាជិកក្រុមប្រឹក្សាភាបាលនៃគ្រឹះស្ថានមីក្រូហិរញ្ញវត្ថុ ម៉ាក់ស៊ីម៉ា ភីអិលស៊ី និងជាសមាជិកក្រុមប្រឹក្សាភិបាលនៃសមាគមន៍មីក្រូហិរញ្ញវត្ថុកម្ពុជា។
បើតាមអ្នកជំនាញរូបនេះ ធនាគារ ឬមីក្រូហិរញ្ញវត្ថុនីមួយ មាននិតិវិធីក្នុងការដោះស្រាយបញ្ហារៀងៗខ្លួន ហើយមិនមានគ្រឹះស្ថានណាមួយដែលចង់រឹបអូសទ្រព្យធានារបស់អតិថិជននោះទេ។
លោកបន្តមានប្រសាសន៍ទៀតថា៖
«ដំណោះស្រាយគឺមានច្រើន ដរាបណាភាគីទាំងពីរបើកចិត្តទូលាយក្នុងការជជែកគ្នាដោយសន្តិវិធី ដើម្បីរកដំណោះស្រាយ។»
យ៉ាងណាក៏ដោយ លោកនៅតែលើកទឹកចិត្តឱ្យភាគីទាំងពីប្រកាន់ខ្ជាប់នូវទំនួលខុសត្រូវរៀងខ្លួន ជាពិសេសគោរពទៅតាមកិច្ចសន្យារដែលបានព្រមព្រៀងគ្នាមុនទទួលកម្ចី ហើយប្រសិនបើមានករណីណាដែលមិនអាចដោះស្រាយបាន លោកមិនលើកទឹកចិត្តឱ្យប្រើប្រាស់និតិវិធីប្ដឹងដល់តុលាការនោះទេ ខណៈដែល សមាគមធនាគារកម្ពុជា និងសមាគមមីក្រូហិរញ្ញវត្ថុកម្ពុជា នៅតែចាំជួយសម្របសម្រួលវិវាទផងដែរ ៕
Account
Security
Favourite Content