សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ចាម ៖ ស្លឹកគ្រៃ ជាប្រភេទដំណាំងាយស្រួលដាំ ទទួលបានផលល្អប្រសើរជាងដំណាំផ្សេងៗទៀត និងមានតម្រូវការច្រើនក្នុងការប្រើជាគ្រឿងផ្សំសម្លរម្ហូបអាហារប្រចាំថ្ងៃរបស់ប្រជាជនខ្មែរ ហើយក៏អាចយកប្រើជាឱសថបំប៉នសុខភាព និងព្យាបាលជំងឺផងដែរ។ ជាមួយគ្នានេះ ដោយសារសម្លឹងឃើញពីភាពល្អប្រសើរនៃទីផ្សារ គួបផ្សំនឹងស្ថានភាពដីក្នុងតំបន់មានអំណោយផលផងនោះ ប្រជាកសិករក្នុងសហគមន៍កសិកម្ម «សំបូរមានជ័យ» ខេត្តកំពង់ចាមបានបន្តជំរុញការដាំដំណាំស្លឹកគ្រៃបន្ថមទៀតស្របតាមផែនការរបស់ខ្លួន។
លោក អេង ថុង ប្រធានសហគមន៍កសិកម្ម «សំបូរមានជ័យ» ស្ថិតនៅក្នុងភូមិសំបូរ ឃុំសូភាស ស្រុកស្ទឹងត្រង់ ខេត្តកំពង់ចាម បានមានប្រសាសន៍ប្រាប់ AMSថា ស្លឹកគ្រៃ គឺជាប្រភេទដំណាំដែលងាយស្រួលដាំ និងផ្តល់ផលលឿន ពោលគឺចំណាយពេលត្រឹម៣ខែក្រោយការដាក់ដាំគឺអាចប្រមូលផលនាំទៅកាន់ទីផ្សារបាន។
លោកបានបន្តឱ្យដឹងថា មុននឹងដាំស្លឹកគ្រៃ គេត្រូវជ្រើសរើសយកពូជល្អៗ គល់ធំៗយកមកកាត់ឫសចាស់ចោល ហើយយកទៅផ្សាំបណ្តុះឫសថ្មីនៅលើដីដែលមានសំណើម ឬស្រោចទឹកពីលើជាប្រចាំ។ នៅពេលផ្សាំបានចន្លោះពី ៤ថ្ងៃ ទៅ១សប្តាហ៍ ស្លឹកគ្រៃចាប់ផ្តើមដុះឫសថ្មី ហើយអាចយកទៅដាក់ដាំបាន ដោយគេដាំមួយគុម្ពតែ ១ដើម ឬ២ដើម(១គល់ ឬ ២គល់) ហើយត្រូវដាំជាជួរឱ្យត្រង់ស្មើក្នុងចន្លោះឆ្ងាយពីគ្នា ៣ – ៤សង់ទីម៉ែត្រ អាស្រ័យទៅតាមសណ្ឋានដី។
លោកប្រធានសហគមន៍រូបនេះបានអះអាងថា ៖
« ដំណាំស្លឹកគ្រៃនេះ ក្នុង ១ឆ្នាំយើងអាចដាំវាបានពី ៣ – ៤ដង។ ចំណែកតម្លៃរបស់វាសម្រាប់ការបោះដុំទៅឱ្យឈ្មួញកណ្តាលដែលទៅយកដល់ចម្ការ គឺស្ថិតក្នុងចន្លោះពី ៩០០រៀល ទៅ ១ ២០០រៀលក្នុង ១គីឡូក្រាម។ ស្លឹកគ្រៃបានតម្លៃខ្ពស់នៅរដូវប្រាំង ប៉ុន្តែធ្លាក់ថ្លៃនៅរដូវវស្សា ដោយសាររដូវវស្សាមានភ្លៀងធ្លាក់ច្រើន ស្លឹកគ្រៃដុះលូតលាស់ល្អមិនចាំបាច់ចំណាយលុយទិញប្រេងបូមទឹកស្រោចដូចរដូវប្រាំងនោះទេ(ចំណាយទុនតិច)»
លោកបានបញ្ជាក់ថា បើលក់ក្នុងតម្លៃខាងលើ សហគមន៍អាចទទួលបានប្រមាណ ៨ ៤០០ ០០០រៀល (៨លាន៤សែនរៀល) ក្នុង១ថ្ងៃ
កសិផលស្លឹកគ្រៃរបស់សហគមន៍ដែលបានធ្វើឡើងដោយរៀបចំជាផែនការ ត្រូវការដាំដុះឱ្យបាន ១០០០ តោនក្នុង១ឆ្នាំ ខណៈដែលកាលពីឆ្នាំ២០១៩កន្លងទៅ សហគមន៍ប្រមូលផលបានតែ ៤៧០តោនប៉ុណ្ណោះ នៅលើផ្ទៃដីដាំដុះជាង ៣០ហិកតា ហើយនៅក្នុងឆ្នាំ២០២០ ទិន្នផលបានកើនឡើងបន្តិច ដូច្នេះនៅក្នុងឆ្នាំ២០២១ សហគមន៍បានពង្រីកផ្ទៃដី និងបង្កើនបច្ចេកទេសការដាំដុះថែមទៀត ប៉ុន្តែដោយសារតែវិបត្តកូវីដបានធ្វើឲ្យតម្រូវការទីផ្សារបានកាត់បន្ថយ។ នេះបើតាមការឱ្យដឹងពីលោកអេង ថុង។
លោក អេង ថុង បានមានប្រសាសន៍ថា ៖
«បច្ចុប្បន្ននេះ មានសហគមន៍ជាច្រើនកំពុងពង្រឹងការដាំដុះ ដូចជា នៅអរិយក្សត្រ និងសហគមន៍នៅពេជ្រនិល-គីរីរម្យក៏គេបានដាំស្លឹកគ្រៃ និងនាំយកមកលក់នៅផ្សារដើមគរ និងផ្សារនាគមាសក្រុងភ្នំពេញដូចសហគមន៍យើងដែរ ដែលវាជាក៏ជាប្រកួតប្រជែងមួយដែរ។ មិនតែប៉ុណ្ណោះ ខាងវៀតណាមក៏បាននាំចូលស្លឹកគ្រៃមកលក់នៅផ្សារនាគមាស និងផ្សារដើមគរដូចគ្នា តម្លៃលក់ក៏មិនខុសគ្នាប៉ុន្មានដែរ ហើយផលិតផលរបស់វៀតណាមធំៗជាងរបស់យើងក្នុងស្រុកបន្តិច តែមិនសូវមានក្លិនឈ្ងុយដូចរបស់ខ្មែរយើងដាំទេ»
លោកបញ្ជាក់ផងដែរថា ប្រជាជនក្នុងសហគមន៍របស់លោកមានសមាជិកចំនួន ៦០គ្រួសារ ដែលប្រកបរបរដាំស្លឹកគ្រៃនេះ។ ប្រជាជនក្នុងភូមិបាននាំគ្នាងាកមកដាំស្លឹកគ្រៃមានរយៈពេលជាង ៣ឆ្នាំហើយ។ ការដាំស្លឹកគ្រៃ បានធ្វើឱ្យពួកគាត់មានជីវភាពធូរធាជាងមុនច្រើន ខណៈស្លឹកគ្រៃងាយស្រួលដាំ ងាយថែទាំ មិនសូវហត់ និងមានតម្រូវការទីផ្សារខ្ពស់។ ហេតុដូចនេះលោកនឹងរៀបចំទៅតាមគម្រោងដែលលោកមាន ដោយនឹងពង្រីកផ្ទៃដីដាំដុះឱ្យគ្រប់ ៦០ហិកតា ទើបអាចសម្រេចផែនការទទួលបរិមាណគ្រប់ចំនួន ១ ០០០តោនក្នុងមួយឆ្នាំដែលសហគមន៍បានគ្រោងទុក។
យោងតាមឯកសារកសិកម្មរបស់អង្គការអភិវឌ្ឍន៍កសិកម្មធម្មជាតិកម្ពុជាស្ដីពីអត្ថប្រយោជន៍នៃដំណាំស្លឹកគ្រៃ បានបង្ហាញថា ស្លឹកគ្រៃ ជារុក្ខជាតិដែលមានស្លឹកវែងៗ ក្លិនប្រហើរឈ្ងុយ ដុះបែកជាគុម្ព ស្លឹក និងគល់វាប្រើជាគ្រឿងផ្សំក្នុងអាហារ ជួយបន្ថែមក្លិនក្រអូបឱ្យម្ហូបមានរសជាតិឈ្ងុយឆ្ងាញ់ ហើយដំណាំស្លឹកគ្រៃនេះក៏ជាឱសថបុរាណដែលជួយបន្ថយជាតិពុលក្នុងរាងកាយ ព្រមទាំងជួយបន្ថយសម្ពាធឈាមដែលឡើងខ្ពស់ ជំនួយភ្នែក ជួយឲ្យឆ្អឹងរឹងមាំ និងជួយការពារភាពធន់របស់ធ្មេញផងដែរ។ លើសពីនេះ ស្លឹកគ្រៃក៏មានផ្ទុកទៅដោយសារធាតុរ៉ែ វីតាមីន និងអង់ហ្ស៊ីម រួមនឹងជីវជាតិសំខាន់ៗច្រើនទៀតដែលរាងកាយមនុស្សត្រូវការជាចាំបាច់ និងមានគុណតម្លៃជាច្រើនជួយឱ្យមានសុខភាពល្អប្រឆាំងនឹងជំងឺផ្សេងៗ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អិលអូអិលស៊ី បង្ហាញវត្តមានក្នុងវេទិកា និងពិព័រណ៍កសិកម្មកម្ពុជា ឆ្នាំ២០២៦ ដើម្បីបន្តពង្រឹងការគាំទ្រដល់កសិករ អ្នកផ្គត់ផ្គង់ធាតុចូលកសិកម្ម និងសហគ្រាសដែលពាក់ព័ន្ធក្នុងវិស័យកសិកម្ម
ព្រឹត្តិការណ៍, អត្ថបទពាណិជ្ជកម្ម
• 24/10/2026
រាជធានីភ្នំពេញ ថ្ងៃទី២៣-២៥ ខែតុលា ឆ្នាំ២០២៦៖ អិលអូអិលស៊ី បានចូលរួមក្នុង «វេទិកា និងពិព័រណ៍កសិកម្មកម្ពុជា ឆ្នាំ២០២៦» (CAFE26) ដើម្បីបង្ហាញពីការប្តេជ្ញាចិត្តក្នុងការគាំទ្រដល់ការអភិវឌ្ឍវិស័យកសិកម្មនៅកម្ពុជា តាមរយៈការផ្តល់ដំណោះស្រាយហិរញ្ញវត្ថុសមស្រប ដើម្បីឆ្លើយតបទៅនឹងតម្រូវការរបស់កសិករ អ្នកផ្គត់ផ្គង់ធាតុចូលកសិកម្ម និងសហគ្រាសដែលប្រកបអាជីវកម្មក្នុងវិស័យនេះ។ នៅក្នុងព្រឹត្តិការណ៍នេះ អិលអូអិលស៊ី បានចូលរួមផ្សព្វផ្សាយពីសេវាកម្មហិរញ្ញវត្ថុរបស់ខ្លួន ដើម្បីផ្តល់ព័ត៌មាន និងណែនាំពីដំណោះស្រាយហិរញ្ញវត្ថុដែលស្របតាមតម្រូវការជាក់ស្តែងរបស់កសិករ
រាជរដ្ឋាភិបាល ចេញអនុក្រឹត្យស្ដីពីការរៀបចំ និងការប្រព្រឹត្តទៅរបស់ក្រសួងរៀបចំដែនដី នគរូបនីយកម្ម និងសំណង់
Top News, ព្រឹត្តិការណ៍, អចលនទ្រព្យ
• 24/10/2026
រាជរដ្ឋាភិបាល ចេញអនុក្រឹត្យស្ដីពីការរៀបចំ និងការប្រព្រឹត្តទៅរបស់ក្រសួងរៀបចំដែនដី នគរូបនីយកម្ម និងសំណង់ ដើម្បីកំណត់តួនាទី ភារកិច្ច និងរចនាសម្ព័ន្ធដឹកនាំឱ្យកាន់តែមានប្រសិទ្ធភាព ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី២៣ ខែតុលា ឆ្នាំ២០២៦ បានចេញអនុក្រឹត្យលេខ ២២៥ ស្តីពីការរៀបចំនិងការប្រព្រឹត្តទៅរបស់ក្រសួងរៀបចំដែនដី
កម្ពុជា-ជប៉ុន ឈានដល់របត់ថ្មីក្រោមយុទ្ធសាស្ដ្រ Co- Creation ឆ្ពោះទៅអនាគតរួមគ្នា
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 24/10/2026
កម្ពុជា-ជប៉ុន ឈានដល់របត់ថ្មី ឆ្ពោះទៅអនាគតរួមគ្នា
ផលិតផលកសិកម្មរបស់កម្ពុជាមានវត្តមាននៅទីផ្សារជាង១៧០ប្រទេសលើពិភពលោក
Top News, ព្រឹត្តិការណ៍, សេដ្ឋកិច្ច
• 23/10/2026
ភ្នំពេញ ៖ ផលិតផលកសិកម្មរបស់កម្ពុជា បាន និងកំពុងពង្រីកទីផ្សារកាន់តែធំនៅក្រៅប្រទេស ដោយគិតមកដល់បច្ចុប្បន្ននេះ ផលិតផលកសិកម្មរបស់កម្ពុជាកំពុងចរាចរណ៍នៅលើទីផ្សារបរទេសបានប្រមាណ១៧០ប្រទេសហើយ ។ នេះបើតាមលោកបណ្ឌិត កែ មុន្ធីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្ម ក្រសួងកសិកម្ម រុក្ខាប្រមាញ់ និងនេសាទ ។ ថ្លែងនៅក្នុងវេទិកា និងពិព័រណ៍កសិកម្មកម្ពុជា
អាម៉េរិក ផ្តល់កុងត្រា១០ឆ្នាំ ផលិតយន្តហោះចម្បាំង F-35 ៨៥០គ្រឿងបន្ថែម
ព្រឹត្តិការណ៍, អាជីវកម្មថ្មី និងនវានុវត្ត
• 23/10/2026
បរទេស ៖ ក្រសួងការពារជាតិសហរដ្ឋអាមេរិក(មន្ទីរប៉ង់តាហ្គោន) និងក្រុមហ៊ុន Lockheed Martin បានឈានទៅដល់កិច្ចព្រមព្រៀងលើក្របខ័ណ្ឌរយៈពេល ១០ ឆ្នាំ ដែលធានានូវការផ្គត់ផ្គង់យន្តហោះចម្បាំង F-35 Lightning II យ៉ាងហោចណាស់ ៨៥០ គ្រឿងទៀតសម្រាប់កងទ័ពអាមេរិក។ យោងតាមការចេញផ្សាយរបស់ Defences News នៅសប្តាហ៍នេះបានសរសេរថា
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
តម្រូវការពងទាហក់ឡើងខ្ពស់ក្នុងរដូវភ្ជុំបិណ្ឌ៖ ពងទា ៤ លានគ្រាប់ចូលទីផ្សារក្នុងមួយថ្ងៃ
ទីផ្សារត្រី-សាច់សត្វចិញ្ចឹម មានស្ថិរភាពតម្លៃក្នុងរដូវកាន់បិណ្ឌ ខណៈអ្នកចិញ្ចឹមប្រឈមការផ្គត់ផ្គង់លើសតម្រូវការ
Account
Security
Favourite Content