មុខរបរលក់ដូងតាមរទេះចល័ត ត្បិតក្ដៅបន្តិច តែអាចរកចំណូលចិញ្ចឹមគ្រួសារបាន

ភ្នំពេញ ៖ ត្បិតថាជាមុខរបរដែលមិនមានទ្រង់ទ្រាយធំ និងជាប្រភេទអាជីវកម្មដែលស្ថិតក្នុងវិស័យសេដ្ឋកិច្ចក្រៅប្រព័ន្ធ ដែលប្រឈមនឹងភាពនឿយហត់បន្តិចមែន ប៉ុន្តែយ៉ាងហោចណាស់មុខរបរលក់ដូងតាមរទេះចល័តមួយនេះ ក៏អាចរកបានចំណូលគ្រាន់ទំនុកបម្រុងជីវភាពគ្រួសារបានសមរម្យ ដោយមិនចាំបាច់ទៅស៊ីឈ្នួលធ្វើការសំណង់ ឬចំណាកស្រុកនោះទេ។

លោក អេង ធី ជាអាជីវករលក់ដូងតាមរទេះចល័តម្នាក់បានមានប្រសាសន៍ប្រាប់ AMS Economy ឱ្យដឹងថា ៖

«ត្បិតត្រូវដឹកដូងលក់តាមដងផ្លូវ ហាលថ្ងៃពិតមែន ប៉ុន្តែអាចលក់ដូងបានច្រើនគួរសមដែរ ដោយក្នុងមួយថ្ងៃអាចលក់បានចាប់ពី ៣០-៥០ផ្លែ ដោយកាប់យកទឹកដាក់កំប៉ុងលក់ ហើយសាច់ដូងដែលនៅសល់អាចលក់ឱ្យអ្នកធ្វើបង្អែម និងលក់ទឹកក្រឡុកបាន ១ផ្លែ ៥០០រៀលទៀត»។

លោកបន្តថា៖

«មុខរបរនេះវាហត់បន្តិច ប៉ុន្តែអាចទទួលបានចំណេញគួរសមដែរ ដោយដូងមួយផ្លៃលក់បានតម្លៃ ៣៥០០រៀល ខណៈដែលតម្លៃដើមត្រឹម ២០០០រៀល ចឹងយើងចំណេញបាន ១៥០០រៀលដែរ ហើយកាត់ថ្លៃសាំងមួយថ្ងៃជិះអស់ ២លីត្រ ចឹងសល់លុយចំណេញច្រើនដែរ»។   

លោកបានបញ្ជាក់ឱ្យដឹងទៀតថា ថ្លែដូងដែលលោកយកមកលក់បន្តនេះគឺជាដូងដែលគេយកមកពីខេត្តកំពត ហើយលក់បោះដុំនៅម្ដុំផ្សារស៊ីលិប ផ្លូវត្រសក់ផ្អែម ។ ដោយឡែកសម្រាប់រូបលោកវិញ គឺទិញម្ដង២០០ថ្លៃ ហើយដឹកលក់ចល័តក្នុងក្រុងភ្នំពេញ ជាពិសេសក្នុងខណ្ឌដូនពេញ និងខណ្ឌបឹងកេងកង ដែលយ៉ាងយូរត្រឹមរយៈពេល៤ថ្ងៃប៉ុណ្ណោះ គឺលក់អស់ហើយ។​

គួរបញ្ជាក់ដែរថា អាជីវករ អេង ធី មានស្រុកកំណើតនៅស្រុកបាទី ខេត្តតាកែវ មានភរិយាជាកម្មការិនីរោងចក្រកាត់ដេរ និងមានកូនក្នុងបន្ទុកចំនួន២នាក់ ដែលតាមរយៈចំណូលដែលទទួលបានពីការលក់ដូងតាមរទេះចល័តនេះភរិយា អាចផ្គត់ផ្គង់ដល់ការសិក្សារបស់កូនៗ ជួយសម្រួលដល់ជីវភាពគ្រួសារបានយ៉ាងប្រសើរ និងអាចសន្សំប្រាក់បានទៀតផង៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ