សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ គម្រោងដ៏អស្ចារ្យមួយដែលនឹងមានការចូលរួមពីសំណាក់បណ្តាក្រុមហ៊ុនអ្នកផលិតថ្មរថយន្តអគ្គិសនីធំៗរបស់ប្រទេសចិនអាចនឹងចាប់ផ្តើមឡើងក្នុងពេលឆាប់ៗនេះ ដោយមានការគាំទ្រយ៉ាងពេញទំហឹងពីសំណាក់រដ្ឋាភិបាលក្រុងប៉េកាំង ដើម្បីធ្វើយ៉ាងណាអាចផលិតរថយន្តអគ្គិសនីបច្ចេកវិទ្យាថ្មី ថ្មសាកថាមពលខ្លាំង ប្រើបានយូរជាងពេលបច្ចុប្បន្ន។
យោងតាមការចេញផ្សាយរបស់កាសែត The Interesting Engineering កាលពីពេលថ្មីៗនេះបានបញ្ជាក់ថា ក្រុមហ៊ុនជំនាញផលិតធំៗទាំងនោះនឹងចាប់ដៃគ្នាក្នុងការកសាងទីតាំងអភិវឌ្ឍរួមមួយកន្លែងដែលអាចស្រាវជ្រាវ និងផលិតវត្ថុធាតុដើមចាំបាច់មួយចំនួនសម្រាប់ប្រើប្រាស់ក្នុងការបង្កើតថ្មសាកម៉ូដេលថ្មីមួយប្រភេទដើម្បីធានាដល់ដំណើរការរបស់រថយន្តអគ្គិសនី។
ប្រភពដដែលបានបន្តថា ថ្មសាករថយន្តក្រោមបច្ចេកវិទ្យាថ្មីរួមគ្នានេះ នឹងក្លាយទៅជាបដិវត្តដ៏គួរឲ្យភ្ញាក់ផ្អើលសម្រាប់វិស័យរថយន្តអគ្គិសនីរបស់ពិភពលោក ដោយវាអាចធ្វើឲ្យអាយុកាលនៃការសាកអគ្គិសនីប្រើប្រាស់បានកាន់តែយូរជាងមុខ និងធន់យូរអង្វែង។ ដោយឡែក ពាក់ព័ន្ធនឹងគម្រោងថ្មីដែលធ្វើឡើងនៅទីក្រុងប៉េកាំងនេះ នឹងរុញច្រានឲ្យសង្វាក់ផលិតកម្មផលិតវត្ថុធាតុដើមអំពីអេឡិចត្រូលីត អាចកើនឡើងទៅដល់ប្រមាណ ២៥តោនក្នុងមួយឆ្នាំ។ វត្ថុធាតុដើមទាំងនេះគឺជាសមាសភាគចាំបាច់សម្រាប់ផលិតថ្មសាកដ៏ទំនើបដែលនឹងមានការជំនួសសមាសធាតុរាវដោយសារធាតុរឹងវិញនៅខាងក្នុងបច្ចេកវិទ្យាថ្ម។ ការផ្លាស់ប្តូរថ្មីនេះនឹងធ្វើឱ្យថ្មសាកទាំងនោះកាន់តែមានសុវត្ថិភាព និងថាមពលរឹងម៉ាំជាងម៉ូដេលនាពេលបច្ចុប្បន្ននេះ។
សូមជម្រាបថា ជាទូទៅ ថ្មសាកបច្ចុប្បន្នមានអាយុកាលកំណត់ក្នុងរយៈពេលខ្លី ហើយអង្គធាតុរាវនៅខាងក្នុងអាចឡើងកំដៅ ឬឆេះ ដោយសារបាត់បង់សុវត្ថិភាពការពារ។ សម្រាប់បច្ចេកវិទ្យាថ្មដែលអភិវឌ្ឍថ្មីនេះ គឺមានគោលបំណងដោះស្រាយបញ្ហាទាំងនេះ ហើយបង្កើនថាមពលកាន់តែខ្លាំងទៅក្នុងកន្លែងស្តុកដ៏តូចជាងមុន ដែលអាចធ្វើឱ្យរថយន្តអគ្គិសនីធ្វើដំណើរបានកាន់តែឆ្ងាយដោយការសាកថ្មតាមរយៈប្រតិបត្តិការរបស់រថយន្តតែម្តង។
តាមផែនការ រោងចក្រដែលស្ថិតនៅទីក្រុងប៉េកាំង ក្នុងតំបន់អភិវឌ្ឍន៍សេដ្ឋកិច្ច Yanqi នឹងបម្រើជាកន្លែងអភិវឌ្ឍ និងសាកល្បង ប៉ុន្តែមិនមែនជារោងចក្រសម្រាប់ផលិតនោះទេ។គម្រោងដ៏ធំសំបើមមនេះបានប្រមូលយកក្រុមហ៊ុនដែលមានឈ្មោះល្បីៗ និងធំបំផុតរបស់ប្រទេសចិននៅក្នុងពិភពរថយន្ត ក៏ដូចជាថ្មរថយន្ត ដូចជា CATL និង SAIC Motor ជាដើម មកធ្វើការជាមួយគ្នា ស្ថិតនៅក្រោមការដឹកនាំដោយផ្ទាល់ពីវិទ្យាស្ថានស្រាវជ្រាវជាតិ Guolian Automotive Power Battery Research Institute របស់ចិន ៕
Account
Security
Favourite Content