ការ​ចុះបញ្ជីម៉ាក​សម្គាល់ភូមិ​សាស្ត្រទំនិញលើផលិតផល​ជាតិ​ ជួយរុញទីផ្សា​រ និង​បង្កើនតម្លៃបន្ថែម​

ភ្នំពេញ ៖ ការ​ចុះបញ្ជីម៉ាក​សម្គាល់ភូមិសាស្ត្រទំនិញ លើផលិតផលរបស់ខ្មែរ បានផ្ដល់​អត្ថ​ប្រយោជន៍​ ដូចជាការ​បញ្ជាក់ពីអត្តសញ្ញាណ និង​ប្រភពដើម​ បង្កើនតម្លៃផលិតផល និងការពារ​ផលិតផល​ពីការ​ក្លែងបន្លំ​ជាដើម។ អ្វីដែលពិសេស​នោះ ការ​ចុះបញ្ជី​ម៉ាក សម្គាល់ភូមិសាស្ត្រទំនិញ លើផលិតផលិតខ្មែរ​ក៏នឹង​ជំរុញ​ទីផ្សារឱ្យផលិតផល​នៃកាន់តែទូលំទូលាយ។

ឯកឧត្តម​ប៉ែក សុវិជាតិ អ្នកនាំពាក្យ​ក្រសួង​ពាណិជ្ជកម្ម​ បានមាន​ប្រសាសន៍ថា​ ការ​ចុះបញ្ជី​ម៉ាក​សម្គាល់ភូមិ​សាស្ត្រទំនិញ (GI) សម្រាប់ផលិតផលខ្មែរ គឺមានសារៈសំខាន់ណាស់ ដូចជា ​អាចបញ្ជាក់អត្តសញ្ញា​ណ និងប្រភពដើម ដោយ​GI ជួយបញ្ជាក់ថា​ផលិតផលមកពីតំបន់​ណាជាក់លាក់ និងមានគុណភាពឬ​លក្ខ​ណៈពិសេស​ពាក់ព័ន្ធនឹង​ភូមិសាស្ត្រ​នោះ ។ ក្រៅពីនេះ វា​បានជួយបង្កើន​តម្លៃផលិតផល ជាក់ស្ដែង​ផ​លិ​តផល​ដែលមាន GI អាច​លក់​ក្នុង​តម្លៃខ្ពស់ជាង ព្រោះមានការទទួល​ស្គាល់​ស្គាល់ពីគុណភាពនិងភាពពិសេ​ស។

ឯកឧត្តមបានបន្តថា បន្ថែមពីលើ​នេះ ការ​ចុះបញ្ជី​បញ្ជីម៉ាក​សម្គាល់​ភូមិសាស្ត្រ​ទំនិញលើផលិតផល​ខ្មែរ​នេះ ក៏អាចការ​ពារ​ផលិតផល​ពីការ​ក្លែងបន្លំ​ ដោយជួយទប់ស្កាត់​ការប្រើប្រាស់​ឈ្មោះ ផលិតផលដោយមិនត្រឹម​ត្រូវ​ពីអ្នក​ផលិតក្រៅតំបន់ ជាពិសេស​វា​បានជួយលើកស្ទួយកេរ្តិ៍ឈ្មោះជាតិ បង្ហាញអត្តសញ្ញាណ និងវប្បធម៌ខ្មែរ​ទៅកាន់ទីផ្សារអន្តរជាតិ ដែលធ្វើឱ្យផលិតផលដែលចុះបញ្ជីម៉ាក​សម្គាល់ភូមិសាស្ត្រ​ កាន់តែមានទីផ្សារ​ទូលាយ។​

ឯកឧត្តម​ បានថ្លែងថា ​មកដល់ពេលបច្ចុប្បន្ន​នេះ ផលិតផលខ្មែរ​ចំនួន ១២ មុខ​ហើយដែលបានចុះបញ្ជី​ម៉ាក​ស​ម្គា​ល់​​​ភូមិសាស្ត្រ​ទំនិញ ក្នុងនោះរួមមាន​ម្រេច​កំពត ដែលបានការទទួលស្គាល់ជាលក្ខណៈអន្តរជាតិ  អំបិល​កំពត​កែប ប្រហុក​សៀមរាប ក្រូច​ថ្លុង​កោះទ្រង់ ទឹក​ត្រីកំពត-កែប ទឹកឃ្មុំព្រៃមណ្ឌលគិរី ស្ករត្នោត​កំពង់ស្ពឺ សូត្រ​ភ្នំស្រុក​ ក្ដាមថ្មកោះកុង ស្វាយចន្ទីកំពង់ធំនិងស្វាយកែវរមៀត​ឧត្តរមានជ័យ។ លោកថា​៖

“ផលិត​ផល​ទាំង ១២ មុខនេះ បាននិងកំពុងជួយផ្ដល់កេរ្តិ៍ឈ្មោះដល់កម្ពុជា​លើឆាកអន្តរជាតិ ដោយមាន​ការ​ទទួលស្គាល់​ជាអន្តរជាតិ ជាពិសេសបានជួយលើកកម្ពស់សហគមន៍កសិករ​ដែលផលិតនូវមុខទំនិញទាំងនេះ។”​

លោក សំ សារឿន ប្រធានសមាគមលើ​កកម្ពស់ស្ករត្នោតកំពង់​ស្ពឺ បានមានប្រសាសន៍ថា ផលិតផលអ្វីក៏ដោយ​ បើសិនជាមានការការពារ​ មានកេរ្តិ៍ឈ្មោះ គឺត្រូ​វតែទទួលការ​គាំទ្រ និងជោគជ័យ ជាក់ស្ដែង​ស្ករត្នោតកំពង់​ស្ពឺ ចាប់តាំងពីបានចុះបញ្ជីម៉ាក សម្គាល់​ភូមិសាស្ត្រ​ទំនិញ បានធ្វើឱ្យតម្លៃ និងទីផ្សារ​ស្ករត្នោត​ផលិតឡើង​កសិករ​ក្នុង​សមាគមបានកើនឡើង​ជា​លំដាប់។

លោកបានបន្តថា​ មុនពេល​ផលិតផល​ស្ករត្នោត​កំពង់ស្ពឺ បានចុះបញ្ជីម៉ាក​ជាផលិតផល​សម្គាល់​ភូមិសាស្ត្រ តម្លៃស្ក​រមិនដែល​បានលើសពី ១០០០ រៀល​ក្នុងមួយគីឡូក្រាមទេ ប៉ុន្តែ​ចាប់តាំងពី​បានចុះបញ្ជី​សម្គាល់ភូមិសាស្ត្រ​​តម្លៃស្ករ​ត្នោតបានហក់ឡើងជា​បន្តបន្ទាប់ដែលរហូតមកដល់ពេលនេះ​មានតម្លៃ ជិត ​៨០០០ រៀល​ហើយក្នុងមួយគីឡូក្រាម ហើយ​នឹង​បន្តឡើងថ្លៃជា​បន្តបន្ទាប់ទៀត។

ដោយឡែក​ម្រេច​កំពតដែល​បានចុះបញ្ជីម៉ាកសម្គាល់ភូមិសាស្ត្រ​ទំនិញ​ ក៏ឃើញថាទាំងទីផ្សារ និងតម្លៃ​បានកើនឡើង​ជាប្រចាំ ធ្វើឱ្យកសិករ​ដាំដុះម្រេច​ក្នុងសហគមន៍​មានជីវភាពធូរធា និង​បានពង្រីកផ្ទៃដីដាំដុះកាន់តែធំឡើងៗ។

លោក ស៊ីម សុទុម ប្រធានសមាគម​លើកកម្ពស់ម្រេច​កំពត ក៏បានលើកឡើងផងដែរថា ចាប់តាំងពីផលិត​ផល​ម្រេច​កំពត​បានចុះបញ្ជីម៉ាក​ជាផលិតផល​សម្គាល់​ភូមិសាស្ត្រ (​ GI ) បានធ្វើឱ្យផលិតផល​ម្រេច​កំពត​កាន់​តែមានកេរ្តិ៍ឈ្មោះល្បី​ទាំងក្នុងទីផ្សារ​ក្នុង​ប្រទេស​និងអន្តរជាតិ​ និងធ្វើឱ្យ​តម្លៃម្រេច​កំពត​ឡើងថ្លៃ​ជា​បន្ត​បន្ទាប់ ដោយបានធ្វើឱ្យជីវភាពកសិករ​ដាំម្រេច​ក្នុង​ខេត្តកំពតកាន់តែល្អប្រសើរ។​

លោកបានបន្តថា គិតត្រឹមដើមឆ្នាំ ២០២៦ នេះ តម្លៃម្រេច​កំពត​បានឡើងមួយកម្រិតទៀត ដោយម្រេច​ខ្មៅ​អាចលក់​បានក្នុងតម្លៃ ២០ ដុល្លារអាម៉េរិក​ ម្រេច​ក្រហម​អាចលក់​បានក្នុងតម្លៃ ២៩ ​ដុល្លារអាម៉េរិក ​និង​ម្រេច​ស លក់​បានក្នុងតម្លៃ ៣២ ​ដុល្លារអាម៉េរិក​ក្នុងមួយ​គីឡូក្រាម ហើយកសិករ​ខ្លះទៀត អាចលក់​បាន​លើស​នេះ​ទៅតាម​ក្រុមហ៊ុនដែលជា​ដៃគូ។​

គួរ​បញ្ជាក់​ថា ក្រៅពីការ​ចុះបញ្ជីម៉ាក​សម្គាល់ភូមិសាស្ត្រទំនិញ ក្រសួងពាណិជ្ជកម្មកម្ពុជាក៏បានជំរុញឱ្យមានការ​ចុះបញ្ជីម៉ាក​លើ​ផលិតផល​ជាតិផ្សេងទៀត ដូចជាការ​ចុះបញញជីម៉ាក​ពាណិជ្ជសញ្ញា ដើម្បីការពារ​ការ​ក្លែងបន្លំ និងកសាងទំនុកចិត្ត​រវា​ងអ្នកផលិត និងអតិថិជន ចុះបញ្ជីម៉ាក​វិញ្ញាត្រ​កម្ម​ ដើម្បី​បញ្ជាក់ និងធានា​ស្តង់ដារ​គុណភាព ឬប្រភពដើមទំនិញ ឬប្រភពផលិត និង​ការ​ចុះបញ្ជី​ម៉ាកសមូហភាព​ដើម្បីការពារ​អត្តសញ្ញាណ​ និងបង្កើនតម្លៃម៉ាក តាមរយៈការ​ធានា​គុណភាព​និងទំនុកចិត្ត​៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន


Leave a Reply

Your email address will not be published.Required fields are marked *