អង្គការសង្គមស៊ីវិលរំពឹងនូវសន្តិសុខថាមពល ក្រោយរដ្ឋាភិបាលផ្ដោតការយកចិត្តទុកដាក់​លើគម្រោង​​ថាមពលកកើតឡើងវិញ

ភ្នំពេញ ៖ នាពេលថ្មីៗនេះ ក្រសួងរ៉ែ និងថាមពលបានចេញសេចក្ដីប្រកាសមួយស្ដីអំពីផែនការនៃការពន្លឿន​គម្រោងថាមពលកកើតឡើងវិញសម្រាប់រយៈពេលប្រាំពីរឆ្នាំខាងមុខ ដោយកសាងបន្ថែមនូវថាម​ពលពន្លឺព្រះអាទិត្យ និងបង្កើនប្រសិទ្ធភាពវារីអគ្គិសនី ព្រមទាំងកាត់បន្ថយការប្រើប្រាស់​ថាមពល​ធ្យូង​​ថ្មកម្រិតធំនៅប្រទេសកម្ពុជា។

យោងតាម​សេចក្តី​ប្រកាស​របស់ក្រសួងរ៉ែ​ និងថាមពល​​ផងដែរ ប្រទេសកម្ពុជា​នឹង​តម្លើង​គម្រោង​ថាមពល​​សូឡាចំនួន២ ជីហ្គាវ៉ាត់បន្ថែម​ ដែល​នេះ​ជា​ចំនួនកើនឡើង​ទ្វេ​ដងនៃផែនការក្រោមការ​ដឹកនាំ​​របស់រាជរដ្ឋាភិបាលនៅអាណត្តិមុន។ ក្រៅពីនោះ រដ្ឋាភិបាលកម្ពុជាក៏មាន​គម្រោងបន្ថែម​ទំហំផ្ទុកវារី​អគ្គិសនីថ្មីចំនួន ១ជីហ្គាវ៉ាត់ នៅឆ្នាំ ២០២៨ផងដែរ។ 

តាមរយៈការគិតគូរបស់រាជរដ្ឋាភិបាលអាណត្តិថ្មីចំពោះវិស័យថាមពលស្អាតបែបនេះ អង្គការ Energy Lab ដែលជាអង្គការក្រៅរដ្ឋាភិបាលបានបង្ហាញនូវសុទិដ្ឋិនិយមខ្ពស់ និងថានេះជាមហិច្ឆតារបស់រដ្ឋា ភិបាលក្នុងការបង្កើនថាមពលស្អាតនៅក្នុងប្រទេសកម្ពុជា។

ទាក់ទិននឹងចំណុចនេះ លោក ណត្តារុណ ង៉ោ​ សឺន នាយកប្រចាំប្រទេសអង្គការអេននឺជីឡេប បានមានប្រសាសន៍ថា៖

«ការពង្រីកមហិច្ចតាថាមពលកកើតឡើងវិញនឹងជំរុញ​ឲ្យមានការផ្លាស់​ប្ដូរជាវិជ្ជមានយ៉ាងធំធេងក្នុង​ការពង្រឹងសន្តិសុខថាមពលរបស់កម្ពុជា តាមរយៈការប្រើប្រាស់សក្តា​នុពលពន្លឺព្រះអាទិត្យ​ ខ្យល់​​​​ និងទឹករបស់កម្ពុជា។»

លោកបន្ថែមទៀតថា អង្គការអេននឺជីឡេប រីករាយ​នឹងសហការជាមួយរាជរដ្ឋាភិបាល​កម្ពុជា​ដើម្បី​ជំរុញឲ្យមានការវិភាគ​កាន់តែស៊ីជម្រៅ​​​ និងគ្រប់ជ្រុងជ្រោយដើម្បីជំរុញឲ្យមានអន្តរកាល​ថាមពលស្អាត។ ដែលនឹងរួមបញ្ចូលទាំងការវាយតម្លៃយ៉ាងលម្អិតអំពីគន្លឹះ​សំខាន់ៗដែលកម្ពុជា​អាចសម្របសម្រួលនិងរៀបចំថាមពលអាគុយ ប្រព័ន្ធទំនប់វារីអគ្គិសនី យានយន្តអគ្គិសនី និងបច្ចេកវិទ្យាថ្មីៗផ្សេងទៀតដើម្បីពង្រឹង​តុល្យភាព​បណ្ដាញអគ្គិសនី​​ និងភាពរឹងមាំរបស់សន្តិ​សុខថាមពល ព្រមទាំងរួមចំណែកដើម្បីសម្រេច​បាននូវគោលដៅ​អព្យាក្រឹតកាបូននៅឆ្នាំ​២០៥០ខាងមុខផងដែរ។

ដើម្បីរួមចំណែកក្នុងការពង្រឹងសន្តិសុខថាមពលនេះទៀតសោត អង្គការអេននឺជីឡេប ក៏នឹងសិក្សា​ពីជម្រើស​​ និងគម្រោងដែលអាចធានាថា ឧស្ម័នធម្មជាតិថ្មីដែលបានស្នើ​ឡើង​នឹងមាន​ភាពបត់បែន​ និងសមត្ថភាពគ្រប់គ្រាន់ដើម្បីគាំទ្រដល់ការបង្កើតថាមពលកកើតឡើងវិញ ។

លោក ណត្តារុណ ង៉ោ​ សឺន ក៏បានបន្តសង្កត់ធ្ងន់ផងដែរថា៖

«អង្គការអេននឺជីឡេប ត្រៀមខ្លួនរួចជា​ស្រេចក្នុងការពន្លឿនអន្តរកាលថាមពលនេះ ដើម្បីជាប្រយោជន៍​ដល់ប្រជាជនកម្ពុជាទាំងអស់ និងឈានទៅរកសេដ្ឋកិច្ចកាន់តែល្អប្រសើរ សន្តិសុខថាមពលកាន់តែរឹងមាំ និងសង្គមដែលមាន​បរិយាកាសកាន់តែបៃតង»។

គួរបញ្ជាក់ថា អង្គការអេននឺជីឡេប គឺជាអង្គការមិនមែន​រដ្ឋាភិបាល ដែលមានគោលដៅបង្កើន​បរិមាណ​​ថាមពលស្អាតនៅកម្ពុជា ព្រមទាំងជម្រុញឲ្យកម្ពុជាអាចសម្រេចបាននូវគោល​ដៅ​អភិវឌ្ឍន៍ឆ្នាំ​ ២០៣០ របស់ខ្លួន និងក្លាយជាប្រទេសដែលមានស្ថានភាពចំណូលមធ្យមកម្រិតខ្ពស់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម