សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វិបត្តិសេដ្ឋកិច្ចសកល ការកើនឡើងតម្លៃទំនិញនៅលើទីផ្សារក្នុងពេលដែលចំណូលប្រចាំថ្ងៃមានការធ្លាក់ចុះ ពិតណាស់ថា ការប្រឈមនឹងហានិភ័យខ្ពស់ទៅនឹងបញ្ហាវិបត្តិហិរញ្ញវត្ថុប្រាកដជាកើតមានដោយជៀសមិនផុតនោះទេ។ ទោះបីជាយ៉ាងណាក្តី បញ្ហាមួយនេះក៏នៅតែអាចបង្ការ និងកាត់បន្ថយភាពប្រឈមបានប្រសិនបើអ្នកចេះរៀបចំផែនការ ឬគោលការណ៍ចំណាយឱ្យត្រូវតាមខ្ទង់។ ដូច្នេះ មានន័យថា ការចេះរៀបចំខ្ទង់ចំណាយ ឬផែនការហិរញ្ញវត្ថុឲ្យបានត្រឹមត្រូវពិតជាមានសារៈសំខាន់ណាស់ក្នុងការជៀសផុតពីវិបត្តិហិរញ្ញវត្ថុដែលអាចកើតមាន។
តាមរយៈអត្ថបទមួយដែលផ្សព្វផ្សាយដោយ Forbes បានសង្កត់ធ្ងន់ទៅលើអ្នកដែលរៀបចំផែនការហិរញ្ញវត្ថុត្រៀមឆ្នាំ២០២៥ ដោយបានពន្យល់ថា ការរៀបចំគោលការណ៍ចាយលុយឲ្យបានត្រឹមត្រូវមិនត្រឹមតែអាចបញ្ជៀសបញ្ហាហិរញ្ញវត្ថុប៉ុណ្ណោះទេ វាថែមទាំងអាចជួយឲ្យអ្នកក្លាយទៅជាមានទ្រព្យសម្បត្តិជាងមុនថែមទៀតផង។
ជាមួយនឹងការលើកឡើងពីសារសំខាន់នៃការចេះរៀបចំផែនការហិរញ្ញវត្ថុ Forbes ក៏បានបន្ថែមគោលការណ៍សំខាន់ៗមួយចំនួនពីលើគោលការណ៍សន្សំសំចៃលុយ និងការចាយវាយឲ្យត្រូវខ្ទង់ដែលមានទាំងការវិនិយោគបន្ថែម ការបង្កើតខ្ទង់សម្រាប់ចាយ និងការត្រួតពិនិត្យ វាយតម្លៃលើការចាយវាយប្រចាំថ្ងៃជាដើម ជាពិសេសការលើកឡើងពីគោលដៅហិរញ្ញវត្ថុ។
ជាទូទៅ សម្រាប់គោលការណ៍ចាយលុយឲ្យបានត្រឹមត្រូវ ដើម្បីដោះស្រាយវិបត្តិហិរញ្ញវត្ថ រួមមានដូចជា ការរស់នៅជាមួយខ្ទង់ចំណាយទាបជាងចំណូលដែលខ្លួនរកបាន ( Live Below Your Means) ការបង្កើតខ្ទង់ចំណាយប្រចាំខែឲ្យបានត្រឹមត្រូវ (Create a Budget) និងការផ្ទៀងផ្ទាត់ខ្ទង់ចំណាយឲ្យបានច្បាស់លាស់ជាដើម (Track Your Spending)។
ដោយឡែក សម្រាប់តែ Forbes បានបន្ថែមចំណុចមួយចំនួនផ្សេងទៀតដែលអាចធ្វើឲ្យអ្នកក្លាយជាមនុស្សមានទម្លាប់ចាយលុយបានត្រឹមត្រូវផង ហើយថែមទាំងអាចបង្កើនទ្រព្យសម្បតិ្តផង ដែលក្នុងនោះមានដូចជាការៀបចំផែនការហិរញ្ញវត្ថុ ឬការកំណត់គោលដៅហិរញ្ញវត្ថុ (Financial Goals) បន្ទាប់មកគឺការទទួលយកសេវាកម្មធានារ៉ាប់រងអាយុជីវិត (Life Insurrance) ។ មិនត្រឹមតែប៉ុណ្ណោះ Forbes ក៏ចង់ឲ្យអ្នកចេញឆ្ងាយឲ្យផុតពីការបង្កើតបំណុលតាមដែលអាចធ្វើទៅបាន (Avoid debt) ព្រោះថាធ្វើបែបនេះអ្នកនឹងអាចចាប់ផ្តើមធ្វើការវិនិយោគលុយរបស់អ្នកជំនួសវិញ ឬការបង្កើតលុយដោយខ្លួនឯង (Invest Your Money) ។
ដូច្នេះ សរុបមកវិញ ចង់គេចចេញពីបញ្ហាហិរញ្ញវត្ថុក្តី ចង់ក្លាយជាអ្នកមានទ្រព្យសម្បត្តិល្អប្រសើរជាងមុនក្តី អ្នកមិនគួរមើលរំលងគោលការណ៍ចាយវាយ និងវិនិយោគលុយដូចដែលបាន Forbes បានណែនាំនៅខាងលើនោះឡើយ៕
Account
Security
Favourite Content