បរទេស ៖ នៅប្រទេសអង់គ្លេសកាលពីពេលថ្មីៗនេះរ៉ូបូតបច្ចេកវិទ្យាថ្មីចំនួន 3 ត្រូវបានដាក់ឲ្យប្រើប្រាស់នៅក្នុងចម្ការធំៗរបស់ខ្លួន ជាមួយនឹងមុខងារដ៏មានអត្ថប្រយោជន៍ គឺប្រើប្រាស់បច្ចេកវិទ្យាអគ្គិសនីដើម្បីកាត់យកស្មៅរាប់សិបហិកតាក្នុងមួយថ្ងៃមុនពេលដែលដីទាំងនោះអាចចាប់ផ្តើមដាំដំណាំបាន។
ម៉ាស៊ីនរ៉ូបូតទាំងបីដែលត្រូវបានស្គាល់ឈ្មោះថា Tom, Dick និង Harry គឺជាបច្ចេកវិទ្យាដែលអភិវឌ្ឍ និងផលិតឡើងដោយក្រុមហ៊ុនរ៉ូបូត Small Robot Company ដោយមានគោលបំណងសំខាន់ ដើម្បីផ្តល់ផលប្រយោជន៍នៅក្នុងវិស័យកសិកម្ម ជាពិសេសេគឺបំផ្លាញឫស និងស្មៅអត់ប្រយោជន៍បានយ៉ាងច្រើន និងធ្វើឲ្យមានការកាត់បន្ថយការប្រើប្រាស់ថ្នាំបាញ់ស្មៅព្រមទាំងម៉ាស៊ីនកាត់ប្រភេទធ្ងន់ៗផងដែរ។
ក្រុមហ៊ុន Startup មួយនេះបានចាប់ផ្តើមការងារបច្ចេកវិទ្យាកាត់ស្មៅដោយស្វ័យប្រវត្តិនេះតាំងតែពីឆ្នាំ2017 មកម្ល៉េះ ប៉ុន្តែរ៉ូបូតដែលមានឈ្មោះថា Tom ទើបតែបានដាក់ប្រកាសឲ្យដំណើរការនៅខែមេសានេះប៉ុណ្ណោះ ដែលជាប្រភេទរ៉ូបូតសម្រាប់ធ្វើពាណិជ្ជកម្ម ហើយបច្ចុប្បន្នក៏ចាប់ផ្តើមទទួលបានការគាំទ្រពីអតិថិជនជាបណ្តើរៗ ដែលជាចម្ការដំណាំធំបំផុតរបស់អង់គ្លេស ខណៈដែលរ៉ូបូតផ្សេងទៀតកំពុងស្ថិតនៅក្នុងដំណាក់កាលសាកល្បងនៅឡើយ។
តាមការបញ្ជាក់របស់អ្នកតំណាងក្រុមហ៊ុន Small Robot បានឲ្យដឹងថា Tom អាចធ្វើការងារលើបច្ចេកទេសស្កេនរបស់ខ្លួនដល់ទៅ 20 ហិកតាក្នុងមួយថ្ងៃ ព្រមទាំងប្រមូលទិន្នន័យទៅឲ្យរ៉ូបូត Dick យកមកធ្វើកិច្ចការងាររបស់ខ្លួនបន្តគឺមុខងារកាត់ និងជម្រះស្មៅ ហើយចុងក្រោយរ៉ូបូត Harry ដែលមានមុខងារក្នុងការដាំដំណាំនៅលើដីដែលគ្មានស្មៅ។
ប្រសិទ្ធភាពរបស់វានៅពេលដែលអាចដំណើរការពេញលេញនោះកសិករនឹងអាចកាត់បន្ថយការចំណាយរបស់ខ្លួនដល់ទៅ 40 ភាគរយក្នុងការជម្រះស្មៅពីដី និងការដាំដំណាំនៅលើដីរបស់ខ្លួនផង ព្រមទាំងការកាត់បន្ថយនៃការប្រើប្រាស់ថ្នាំគីមីសម្លាប់ស្មៅដល់ទៅប្រមាណ 95 ភាគរយផងដែរ។ នេះបើយោងតាមការបញ្ជាក់បន្ថែមរបស់ក្រុមហ៊ុន។
គួរឲ្យដឹងដែរថា របាយការណ៍ដែលធ្លាប់បានចេញផ្សាយដោយអង្គការសហប្រជាជាតិទទួលបន្ទុកកិច្ចការងារចំណីអាហារ និងកសិកម្មបញ្ជាក់ថា ថ្នាំគីមីសម្លាប់ស្មៅកាលពីឆ្នាំ2018 ត្រូវបានគេជួញដូរនៅក្នុងទីផ្សារកសិកម្មរបស់សកលលោកក្នុងទំហំរហូតទៅដល់ប្រមាណ 38 ពាន់លានដុល្លារ ដូចនេះតាមរយៈបច្ចេកវិទ្យាថ្មីរបស់ Small Robot គេជឿជាក់ថា វិស័យកសិកម្មនឹងអាចទទួលបានអត្ថប្រយោជន៍តាមរយៈការប្រើប្រាស់ Tom, Dick និង Harry ដល់ទៅរាប់សិបលានដុល្លារក្នុងមួយឆ្នាំជាក់ជាមិនខាន ហើយវាក៏នឹងអាចជួយកាត់បន្ថយផលប៉ះពាល់សុខភាពទៅដល់មនុស្សលើពិភពលោក ក៏ដូចជាសង្គ្រោះបរិស្ថានផងដែរ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល