សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ប្រធានសមាគមស្វាយចន្ទីកម្ពុជា បានអះអាងថា បច្ចុប្បន្នឧស្សាហកម្មនៃការផលិតគ្រាប់ស្វាយចន្ទីនៅកម្ពុជាមានការរីកចម្រើន និងអភិវឌ្ឍយ៉ាងឆាប់រហ័ស ក្រោមការរួបរួមគ្នារវាងសមាជិក និងសមាគមក្នុងការមើលទីផ្សារ ការវាយតម្លៃត្រឹមត្រូវ ដែលធ្វើយ៉ាងណាឱ្យកសិករដែលជាអ្នកដាំដុះ ក៏ដូចជាអ្នកផលិតទទួលផលល្អ ដែលក្នុងនោះប្រភេទស្វាយចន្ទី M២៣ ដែលទីផ្សារអន្តរជាតិទទួលស្គាល់ថាមានរសជាតិឆ្ងាញ់ មាននៅកម្ពុជាច្រើនប្រមាណជាង៦០%លើចំនួនដំណាំចន្ទីសរុប។
លោក អួន ស៊ីឡុត ប្រធានសមាគមស្វាយចន្ទីកម្ពុជា បានឱ្យដឹងថា គ្រាប់ស្វាយចន្ទីកម្ពុជាត្រូវបានរកឃើញថា ប្រភេទ M២៣ ជាគ្រាប់ដែលជាប់លេខ១ នៅលើពិភពលោក ដោយសារមានគុណភាពល្អ សម្បុរស និងសារធាតុចិញ្ចឹមខ្ពស់។ បច្ចុប្បន្ន ប្រភេទស្វាយចន្ទីចំនួន៤ ត្រូវបានចុះបញ្ជីពូជ រួមមានពូជ IM-04, M23,H09, និង M10 ជាពូជល្អជាងគេ និងក្នុងចំណោមប្រភេទទាំង៤នេះ គឺពូជស្វាយចន្ទីប្រភេទ M២៣ មានការដាំដុះច្រើនជាងគេរហូតដល់ ៦០%នៃផ្ទៃដីសរុប ខណៈដែលពូជប្រភេទនេះ មានផ្កា៣ដងក្នុងមួយឆ្នាំ។
លោកប្រធានសមាគមស្វាយចន្ទី បញ្ជាក់ថា ពូជ M២៣ ជាពូជស្រូវពូជស្រាលផង និងធ្ងន់ផង ដោយឱ្យផលចំនួន ៣ ដងក្នុងមួយឆ្នាំ ហើយក្នុងទំហំដី ១ហិកតា គេអាចផលិតស្វាយចន្ទីពូជ M២៣ បានដល់ ២,៣តោន ដោយចំណាយដើមទុនត្រឹមមួយលានរៀល ខណៈដែលបច្ចុប្បន្នតម្លៃគ្រាប់ស្វាយចន្ទីអាចលក់បាន ១៥៧០ ដុល្លារ ក្នុងមួយតោន។
គួរបញ្ជាក់ថា យោងតាមក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា បច្ចុប្បន្ន កម្ពុជាមានផ្ទៃដីដាំស្វាយចន្ទីប្រមាណ ៧០ ម៉ឺនហិកតា ក្នុងនោះផ្ទៃដីដែលប្រមូលផលចំនួន ៥៨ ម៉ឺន ហិកតា និងប្រមាណ១៥ ម៉ឺនហិកតាទៀតជាផ្ទៃដីដាំដុះថ្មី។
ដោយឡែក សម្រាប់ទីផ្សារគ្រាប់ស្វាយចន្ទីកម្ពុជាធំជាងគេ គឺប្រទេសចិន ប៉ុន្តែទីផ្សារមួយនេះមិនត្រូវការគ្រាប់ស្វាយចន្ទីឆៅនោះទេ ដោយសារតែកម្លាំងពលកម្មនៅទីនោះមានតម្លៃថ្លៃ ខណៈដែលគ្រាប់ចន្ទីឆៅរបស់កម្ពុជាប្រមាណ ៩០ភាគរយនៃទិន្នផលដែលផលិតបានលក់ទៅកាន់ទីផ្សារទៅប្រទេសវៀតណាម។
Account
Security
Favourite Content