សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តំណាងក្រុមហ៊ុនប្រេង PTT របស់ប្រទេសថៃ បានឲ្យដឹងថា ខ្លួនកំពុងស្វែងរកឱកាសទីផ្សារក្រៅពីប្រទេសកម្ពុជា បន្ទាប់ពីពលរដ្ឋកម្ពុជាធ្វើពហិការប្រេងឥន្ធនៈរបស់ខ្លួនយ៉ាងខ្លាំងក្លា ដែលជំរុញឲ្យស្ថានីយ៍លក់រាយជាច្រើនបិទទ្វារនិងបង្វែទិសដៅទៅរកក្រុមហ៊ុនផ្សេង។
កាសែត Bangkok Post នៅថ្ងៃទី២៨ ខែឧសភានេះ បានឲ្យដឹងថា ការលក់របស់ក្រុមហ៊ុនថៃ PTT Oil and Retail Business ហៅកាត់ថា OR បានធ្លាក់ចុះយ៉ាងគំហុគនៅកម្ពុជា។ ពោលការលក់ បានថយចុះពី ៥០ភាគរយ ទៅ៦០រយភាគរយ ហើយចំនួនស្ថានីយ៍លក់រាយជិតកណ្ដាលរបស់ពួកគេនៅកម្ពុជា ត្រូវបិទទ្វា ដោយសារតែភាពតានតឹងនយោបាយរវាងប្រទេសជិតខាងគ្នាទាំងពីរ។
ការធ្លាក់ចុះយ៉ាងគំហុគរបស់ក្រុមហ៊ុនខាងលើនេះ បន្ទាប់ពីកម្ពុជា និងថៃ មានជម្លោះព្រំដែនជាមួយគ្នា ចាប់តាំងពីចុងខែឧសភា ឆ្នាំ២០២៥។ ពលរដ្ឋកម្ពុជា បានធ្វើពហិការប្រើប្រាស់រាល់ទំនិញថៃ ហើយស្ថានីយ៍ប្រេងឥន្ធនៈយ៉ាងហោចណាស់ ៤០ ទៅ៥០ បានប្តូរពីក្រុមហ៊ុន PTT ទៅរួមជាមួយក្រុមហ៊ុនប្រេងឥន្ធនៈ Peace វិញ។ ហើយស្ថានីយ៍លក់រាយមួយចំនួនតូចទៀតបានប្តូរទៅម៉ាកយីហោរបស់ក្រុមហ៊ុនប្រេងឥន្ធនៈកាល់តិចរបស់អាមេរិក និងក្រុមហ៊ុនតូតាល់ របស់បារាំង។
បើតាមកាសែត Bangkok Post ជម្លោះព្រំដែនកម្ពុជា និងថៃ បានបណ្តាលឱ្យមានការលក់ក្រៅប្រទេសរបស់ក្រុមហ៊ុន PTT បានធ្លាក់ចុះ ១២,៥ភាគរយ និងប្រាក់ចំណេញសុទ្ធនៅត្រីមាសទីមួយធ្លាក់ចុះ ៤៤ភាគរយ បើទោះបី កម្ពុជា មានត្រឹមតែ ២ភាគរយ ទៅ៣ភាគរយ នៃប្រាក់ចំណេញរបស់ OR ក៏ដោយ។
ចំណែក ប្រាក់ចំណូលសរុបនៅក្នុងត្រីមាសទី១ នៃឆ្នាំ២០២៦ ធ្លាក់ចុះ ៣,៥ភាគរយ បើធៀបនឹងពេលដូចគ្នានៅឆ្នាំ២០២៥។ ខណៈបរិមាណលក់ប្រេងពីប្រតិបត្តិការក្រៅប្រទេសបានធ្លាក់ចុះ ១២,៥ភាគរយ ដែលភាគច្រើនដោយសារតែការបិទនៅកម្ពុជា។
តំណាងក្រុមហ៊ុនប្រេង PTT ទទួលស្គាល់ថា ជម្លោះរវាងប្រទេសថៃ និងកម្ពុជា ពិតជាមានផលប៉ះពាល់ចំណូលរបស់ក្រុមហ៊ុន ហើយក្រុមហ៊ុនក៏កំពុងស្វែងរកឱកាសថ្មីក្រៅពីកម្ពុជា ផងដែរ ពិសេសនៅទូទាំងតំបន់អាស៊ីប៉ាស៊ីហ្វិក។
ជម្លោះព្រំដែនរវាងកម្ពុជា និងថៃ បានធ្វើឲ្យក្រុមហ៊ុនថៃ ស្ទើរទាំងអស់នៅកម្ពុជា ដកខ្លួនជាបន្តបន្ទាប់ ព្រោះការធ្វើពហិការយ៉ាងខ្លាំងក្លាពីប្រជាពលរដ្ឋកម្ពុជា។ ជាក់ស្ដែង ក្រុមហ៊ុនប្រេង PTT របស់ថៃទំនងជាអាចប្រឈមនឹងការបាត់បង់វត្តមានទីផ្សារក្នុងប្រទេសកម្ពុជា នាពេលអនាគត។
គិតត្រឹមថ្ងៃទី២៨ ខែឧសភានេះ មានរយៈពេល១ឆ្នាំហើយនៃជម្លោះព្រំដែនរវាងកម្ពុជា និងថៃ។ មុនពេលជម្លោះព្រំដែន ក្រុមហ៊ុនប្រេង PTT មានស្ថានីយ៍ប្រេងឥន្ធនៈប្រហែល ២០០ និងហាងកាហ្វេ Amazon ចំនួន ១៥០កន្លែង នៅក្នុងប្រទេសកម្ពុជា។ ប៉ុន្តែ គិតត្រឹមដំណាច់ខែមីនា ឆ្នាំ២០២៦ មានតែស្ថានីយ៍ប្រេងឥន្ធនៈចំនួន ៩១ និងហាងកាហ្វេចំនួន ១៣៦ ប៉ុណ្ណោះ៕ អត្ថបទ៖ ខន ណារី AMS
Account
Security
Favourite Content