សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ដើម្បីបន្តលើកកម្ពស់សមត្ថភាព បង្កើនឱកាស និងផ្តល់តម្លៃដល់តួនាទីរបស់ស្ត្រីក្នុងវិស័យធុរកិច្ច សមាគមសហគ្រិនស្រ្តីកម្ពុជា(CWEA) នឹងរៀបចំការប្រកួតប្រជែងពានរង្វាន់ «សហគ្រិនស្ត្រីឆ្នើមប្រចាំឆ្នាំ២០២៦» ក្រោមប្រធានបទយ៉ាងមានអត្ថន័យគឺ «ស្ត្រីជាចលករនៃកំណើនប្រកបដោយចីរភាព»។
កម្មវិធីនេះបង្កើតឡើងក្នុងគោលបំណងស្វែងរក និងជំរុញទឹកចិត្តសហគ្រិនស្ត្រី ដែលបាននិងកំពុងដឹកនាំអាជីវកម្មប្រកបដោយនវានុវត្តន៍ ព្រមទាំងរួមចំណែកយ៉ាងសកម្មដល់ការអភិវឌ្ឍសេដ្ឋកិច្ចនិងសង្គមជាតិ។
ការប្រកួតប្រជែងពានរង្វាន់ «សហគ្រិនស្ត្រីឆ្នើមប្រចាំឆ្នាំ២០២៦» មិនត្រឹមតែជាវេទិកាដណ្តើមពានរង្វាន់នោះទេ ប៉ុន្តែជាកាតាលីករដ៏សំខាន់ក្នុងការបើកទំព័រថ្មីសម្រាប់ស្ត្រីកម្ពុជា ក្នុងការបង្ហាញសក្ដានុពលដ៏ខ្លាំងក្លា និងជំរុញសេដ្ឋកិច្ចជាតិឱ្យដើរទៅមុខប្រកបដោយភាពធន់ និងចីរភាព។
លោកស្រី ចាន់ ភារី ប្រធានសមាគមសហគ្រិនស្រ្តីកម្ពុជា បានថ្លែងនៅក្នុងសន្និសីទសារព័ត៌មាននៅថ្ងៃទី ១៧ កក្កដា ២០២៦ថា៖កម្មវិធីប្រកួតប្រជែងពានរង្វាន់ សហគ្រិនស្រ្តីឆ្នើមប្រចាំឆ្នាំ២០២៦ រៀបចំឡើង ដើម្បីបង្ហាញនូវបេសសកម្មរបស់សមាគមសហគ្រិនស្រ្តីកម្ពុជា និងចក្ខុវិស័យ ដោយជឿជាក់ថា នៅពេលដែលស្ត្រីទាំងអស់ ត្រូវបានផ្ដល់នូវអំណាច និងការលើកទឹកចិត្ត នៅពេលនោះ គឺសហគ្រិនស្ត្រី នឹងក្លាយទៅជាសហគ្រិនស្ត្រីគំរូម្នាក់ មិនត្រឹមតែសម្រាប់ខ្លួនគាត់ទេ គឺគាត់នឹងផ្ដល់ទៅជាគំរូសម្រាប់សហគ្រិនស្ត្រីផ្សេងទៀត និងអ្នកបន្តវេន។
លោកស្រីបានបន្ថែមថា៖ភាពអង់អាចក្លាហានរបស់សហគ្រិនស្ត្រី ពិតជានាំមកនូវភាពអង់អាចក្លាហាន ក្នុងការជំរុញក្នុងការដឹកនាំអាជីវកម្មរបស់សហគ្រិនស្ត្រី ក៏ដូចជាដឹកនាំអាជីវកម្មរបស់គ្រួសារ ហើយនឹងជះឥទ្ធិពលដល់សេដ្ឋកិច្ចជាតិផងដែរ។
លោកស្រី ចាន់ ភារី បញ្ជាក់ថា៖
“នៅក្នុងវិស័យសេដ្ឋកិច្ច SME មានរហូតដល់ជាង ៩០% ក្នុងនោះមានរហូតដល់ ៧០% គឺជាអាជីវកម្មដែលដឹកនាំដោយស្ត្រី ជាអាជីវកម្មដែលមានស្ត្រីជាម្ចាស់ ហើយដើម្បីធ្វើឱ្យវិស័យ SME មានការីកចម្រើន និងអភិវឌ្ឍឱ្យក្លាយទៅជាអាជីវកម្មដែលមានភាពរឹងមាំ យើងត្រូវផ្ដល់នូវការកសាងសមត្ថភាព ផ្ដល់នូវការលើកទឹកចិត្ត និងផ្ដល់នូវវេទិកាដើម្បីឱ្យសហគ្រិនស្ត្រីអាចមានឱកាស មក ឈរ ក្នុងការធ្វើបទបង្ហាញ និងពង្រីកសមត្ថភាពដើម្បីអភិវឌ្ឍខ្លួនពីសហគ្រាសធុនតូច ទៅមធ្យម។”
លោកស្រីប្រធាន CWEA បានសង្កត់ធ្ងន់ថា៖
“ការប្រកួតប្រជែងពានរង្វាន់ សហគ្រិនស្ត្រីឆ្នើមប្រចាំឆ្នាំ២០២៦មិនត្រឹមតែជាវេទិកាដណ្តើមពានរង្វាន់នោះទេ ប៉ុន្តែជាកាតាលីករដ៏សំខាន់ក្នុងការបើកទំព័រថ្មីសម្រាប់ស្ត្រីកម្ពុជា ក្នុងការបង្ហាញសក្តានុពលដ៏ខ្លាំងក្លា និងជំរុញសេដ្ឋកិច្ចជាតិឱ្យដើរទៅមុខប្រកបដោយភាពធន់ និងចីរភាព។”
លោកស្រីប្រធានសមាគមសហគ្រិនស្រ្តីកម្ពុជា បានលើកឡើងថា៖ការប្រកួតពានរង្វាន់សហគ្រិនស្ត្រីឆ្នើមប្រចាំឆ្នាំ ២០២៦ នេះ ជាឆ្នាំទី៣ហើយដែលសមាគមសហគ្រិនស្ត្រីកម្ពុជាបង្កើតឡើងក្នុងគោលបំណងលើកកម្ពស់សមត្ថភាពបង្កើតភាពអង់អាចក្លាហានដល់សហគ្រិនស្ត្រីលើវិសយ័ធុរកិច្ចដើរស្របទៅតាមបេសសកម្មរបស់សមាគមសហគ្រិនស្ត្រីកម្ពុជា។
ផ្តោតលើទស្សនវិសយ័របស់សមាគមសហគ្រិនស្ត្រីកម្ពុជាការចូលរួមជំរុញលើកទឹកចិត្តដល់អាជីវកម្មដែលដឹកនាំដោយស្ត្រីនិងមានស្ត្រីជាម្ចាស់អាជីវកម្មតាមរយៈការបង្កើនចំនួនសហ គ្រិនស្ត្រីជោគជយ័កាន់តែច្រើននោះនិងផ្តល់នូវផលជាវិជ្ជមានដល់ការពង្រឹងសេដ្ឋកិច្ចគ្រួសារនិងសេដ្ឋកិច្ចជាតិដែលមានសហគ្រិនស្ត្រីជាឆ្អឹងខ្នងនៃសេដ្ឋកិច្ចជាតិ។
លោកស្រី ចាន់ ភារី បានពបញ្ជាក់ថា៖
“ម្ចាស់ជយ័លាភីម្នាក់មិនត្រឹមតែទទួលបានភាពរីកចម្រើនសម្រាប់ផ្ទាល់ខ្លួនគាត់ម្នាក់ប៉ុណ្ណោះទេគាត់នឹងក្លាយជាស្ត្រីគំរូដល់សហគ្រិនស្ត្រីជាច្រើនរូបទៀត។សមាគមសហគ្រិនស្ត្រីកម្ពុជាសូមប្រកាសនិងលើកទឹកចិត្តដល់សមាជិកាសមាគមសហគ្រិនស្ត្រីកម្ពុជាទាំងអស់ចូលរួមចុះឈ្មោះដើម្បីប្រកួតទៅតាមជំនាញអាជីវកម្មរៀងៗខ្លួន។”
សម្រាប់ឆ្នាំ២០២៦នេះ ពានរង្វាន់ចែងចែកចេញជា៨ប្រភេទ៖
១.ពានរង្វាន់សហគ្រិននវានុវត្តន៍ឌីជីថល
២.ពានរង្វាន់អ្នកដឹកនាំអាជីវកម្មបៃតងប្រកបដោយចីរភាព
៣.ពានរង្វាន់សហគ្រិនស្ត្រីវ័យក្មេង(អាយុក្រោម៣៥ឆ្នាំ)
៤.ពានរង្វាន់ឧត្តមភាពនវានុវត្តន៍
៥.ពានរង្វាន់អ្នកនាំចេញនិងពង្រីកទីផ្សារអន្តរជាតិ
៦.ពានរង្វាន់សហគ្រិនមានឥទ្ធិពលនៅតំបន់ជនបទ
៧.ពានរង្វាន់សហគ្រិនឧស្សាហកម្មច្នៃប្រឌិត
៨.ពានរង្វាន់សហគ្រាសមានចក្ខុវិស័យបៃតងប្រចាំឆ្នាំ
លោកស្រីបានឱ្យដឹងទៀតថា៖បេក្ខនារីដែលដាក់ពាក្យចូលរួមប្រកួតត្រូវបំពេញតាមលក្ខខណ្ឌមួយចំនួនដូចជា៖ត្រូវតែជាសហគ្រិនស្តី្រ ជាម្ចាស់ផ្ទាល់ឬមានភាគហ៊ុនចាប់ពី៣០% អាជីវកម្មមានបញ្ជីការត្រឹមត្រូវស្របច្បាប់និង អាជីវកម្មមានអាយុកាលយ៉ាងតិច២ឆ្នាំ។
កម្មវិធីចាប់ផ្តើមទទួលពាក្យពី ថ្ងៃទី១៧ខែកក្កដា ដល់២ ខែសីហា ឆ្នាំ២០២៦ តាមរយៈតំណភ្ជាប់ផ្លូវការ៖ https://forms.gle/RC391amHwLvLbiSj9៕
Account
Security
Favourite Content