សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ថ្មីៗនេះ ទ្រព្យសម្បត្តិសុទ្ធរបស់លោក Liang Wenfeng ស្ថាបនិកក្រុមហ៊ុន AI ដ៏ល្បីរបស់ចិន DeepSeek បានកើនឡើងដល់ទៅជាងទ្វេដង បន្ទាប់ពីការកៀរគរទុនវិនិយោគបន្ថែម ដែលវាបានធ្វើឱ្យសហគ្រិនជនជាតិចិនរូបនេះបានក្លាយជាបុគ្គល មានទ្រព្យសម្បត្តិស្ដុកស្ដម្ភជាងគេបំផុតលើលោក ក្នុងចំណោមអ្នកបង្កើតអាជីវកម្មម៉ូដែលបញ្ញាសិប្បនិម្មិត AI លើពិភពលោក។
ទ្រព្យសម្បត្តិកើនឡើងយ៉ាងខ្លាំងខ្លាបែបនេះ បានធ្វើឱ្យលោក Wenfeng អាចវ៉ាដាច់ឆ្ងាយសហគ្រិនរបស់ក្រុមហ៊ុនល្បីៗផ្សេងទៀត ដូចជា OpenAI (ក្រុមហ៊ុនអ្នកបង្កើត ChatGPT) និង Anthropic (អ្នកបង្កើត Claude)។
យោងតាមសន្ទស្សន៍មហាសេដ្ឋីរបស់សារព័ត៌មាន Bloomberg គឺ Bloomberg Billionaires Index បានបង្ហាញថា បច្ចុប្បន្ន លោក Liang គ្រប់គ្រងទ្រព្យសម្បត្តិសុទ្ធសរុបរហូតដល់ ៣៦ ពាន់លានដុល្លារអាម៉េរិក ពោលគឺកើនឡើងដល់ទៅ ២ ដងពី ១៦,៧ ពាន់លានដុល្លារ កាលពីពេលវាយតម្លៃលើកមុន។
តួលេខដ៏មហាសាលនេះ បានរុញរូបលោកឱ្យស្ថិតនៅលំដាប់ថ្នាក់ខ្ពស់ដាច់ឆ្ងាយ បើធៀបនឹងប្រធានក្រុមហ៊ុន OpenAI គឺលោក Greg Brockman ដែលឈរនៅចំណាត់ថ្នាក់លេខ ១០០ ក្នុងបញ្ជីមហាសេដ្ឋីដែលមានទ្រព្យសម្បត្តិប៉ាន់ស្មានប្រមាណ ២៥,៥ ពាន់លានដុល្លារ និងសហស្ថាបនិកក្រុមហ៊ុន Anthropic លោក Dario Amodei ឈរនៅចំណាត់ថ្នាក់លេខ ៤៩១ ដែលមានទ្រព្យសម្បត្តិប្រមាណ ៧,៩៨ ពាន់លានដុល្លារ។
អ្វីដែលគួរឱ្យភ្ញាក់ផ្អើល និងនឹកស្មានមិនដល់នោះ គឺសហស្ថាបនិក ក្រុមហ៊ុន OpenAI លោក Sam Altman បែរជាមិនមានឈ្មោះក្នុងបញ្ជីមហាសេដ្ឋីកំពូលទាំង ៥០០ នាក់របស់ Bloomberg ទៅវិញ។ បើតាមទិន្នន័យជាក់ស្ដែងរបស់ទស្សនាវដ្ដី Forbes លោក Sam Altman មានទ្រព្យសម្បត្តិត្រឹមតែ ៣,៤ ពាន់លានដុល្លារប៉ុណ្ណោះ។
គួរឱ្យដឹងដែរថា ក្នុងការវាយតម្លៃ និងចាត់ចំណាត់ថ្នាក់នេះ ខាងសារព័ត៌មាន Bloomberg បានផ្តោតសំខាន់តែទៅលើបណ្ដាក្រុមហ៊ុនណាដែលមានអាជីវកម្មស្នូល និងប្រភពចំណូលភាគច្រើនបានមកពី ការបង្កើតអាជីវកម្មដែលជាម៉ូដែល AI សុទ្ធសាធតែម្ដង ដោយមិនរាប់បញ្ចូលអាជីវកម្មផ្សេងទៀតដែលស្ថិតក្នុងខ្សែចង្វាក់ផ្គត់ផ្គង់ AI ផ្សេងទៀតដែលអាចមានដូចជាមជ្ឈមណ្ឌលផ្ទុកទិន្នន័យ ឬ Data Centers និងឧស្សាហកម្មផលិតបន្ទះឈីបSemiconductorsនោះទេ។
ការកំណត់លក្ខខណ្ឌកំណត់បែបនេះហើយ ទើបស្ថាបនិកក្រុមហ៊ុនបច្ចេកវិទ្យាយក្សៗមួយចំនួន ត្រូវបានដកចេញពីការដាក់ចំណាត់ថ្នាក់នេះ ដែលក្នុងនោះរួមមានលោក Elon Musk ស្ថាបនិក Tesla និង SpaceX លោកLarry Page ស្ថាបនិក Googleលោក Jeff Bezos ស្ថាបនិក Amazon លោក Mark Zuckerberg ស្ថាបនិក ក្រុមហ៊ុនMetaព្រមទាំងលោក Jensen Huang ស្ថាបនិក Nvidia ជាដើម៕
Account
Security
Favourite Content