បច្ចុប្បន្ន ទីផ្សារជួលរថយន្តនៅបណ្តាប្រទេសលោកខាងលិចគឺមានតម្លៃរហូតទៅដល់ជាង ១០០ពាន់លានដុល្លាររួចទៅហើយ។ នេះបើយោងតាមការចេញផ្សាយដោយបណ្តាញផ្សព្វផ្សាយអន្តរជាតិ The WEFORUM ។
នៅក្នុងសតវត្សរ៍ទី២១ គឺជាឱកាសមាសសម្រាប់បណ្តាក្រុមហ៊ុនជួលរថយន្តធំលើលោកដូចជា Uber, Grab, EuropCar និង Hertz ជាដើមដើម្បីអាចកើបលុយចំណេញដ៏ច្រើនសន្ធឹកសន្ធាប់ពីសេវាកម្មដ៏ងាយស្រួលមួយនេះ ដោយសារតែមួយរយៈចុងក្រោយនេះមានមនុស្សជាច្រើនលាននាក់មិនអាចធ្វើដំណើរតាមយន្តហោះសម្រាប់ថ្ងៃវិស្សមកាលរបស់គេឡើយ ដោយបានត្រឹមជ្រើសយកការធ្វើដំណើរក្នុងស្រុកតាមតំបន់នៃប្រទេសរបស់គេប៉ុណ្ណោះ។
ក្រុមហ៊ុនជួលរថយន្តកាន់តែច្រើនបាននាំគ្នាផ្លាស់ប្ដូរទម្លាប់ប្រើរថយន្តផ្ទាល់ខ្លួន ហើយងាកមកប្រើប្រាស់រថយន្តដែលដើរដោយថាមពលអគ្គិសនីជំនួសវិញ ពីព្រោះថាមិនត្រឹមតែមានតម្លៃធូរថ្លៃ និងទទួលបានការលើកទឹកចិត្តច្រើននោះទេ ហើយវាក៏បានផ្តល់ភាពងាយស្រួលខ្លាំងទៅលើការបើកបរជាមួយមុខងារស្វ័យប្រវត្តិ និងទំនើបៗជាច្រើនដែលមានបំពាក់នៅក្នុងរថយន្ត។
អ្នកជំនាញបានបង្ហាញភាពជឿជាក់ថា បដិវត្តថ្មីនៃការប្រើប្រាស់រថយន្តអគ្គិសនីនឹងត្រូវនាំមុខគេខ្លាំងតាមរយៈសេវាកម្មជួលរថយន្តទាំងនេះ ពីព្រោះថា ក្នុងរយៈពេល ២ ទៅ ៣ ឆ្នាំចុងក្រោយនេះ ចំនួនបញ្ជាទិញរថយន្តអគ្គិសនីថ្មីៗជាមួយនឹងក្រុមហ៊ុនមានការកើនឡើងជាលំដាប់ ខណៈដែលក្រុមហ៊ុនទាំងនោះនៅតែបន្តរកបានប្រាក់ចំណេញយ៉ាងច្រើនក្នុងអំឡុងពេលមានវិបត្តិសេដ្ឋកិច្ច។
យ៉ាងណាក៏ដោយ បើទោះបីជាមានភាពយឺតយ៉ាវបន្តិចធៀបទៅនឹងបណ្តាប្រទេសនៅអឺរ៉ុប ប៉ុន្តែក្រុមហ៊ុនធំៗនៅតែបន្តការប្រើប្រាស់រថយន្តអគ្គិសនីកាន់តែច្រើន ដោយក្នុងនោះកាលពីខែតុលា ក្រុមហ៊ុន Hertz បានបញ្ជាទិញរថយន្ត Tesla ដល់ទៅ១០០ ០០០គ្រឿងបន្ថែម។ ដោយឡែក Europcar បានប្រកាសសន្យាថា នឹងបង្កើនចំនួនប្រើប្រាស់រថយន្តអគ្គិសនី ពី ៣ទៅ ២០ភាគរយនៃរថយន្តសម្រាប់ជួលទាំងអស់របស់ខ្លួននៅត្រឹមឆ្នាំ២០២៤។
ក្រៅពីនោះក៏មានកត្តាជុំរុញផ្សេងៗទៀតដែលគេអាចមើលឃើញផងដែរ ដូចជាគោលការណ៍បៃតង Green Deal របស់ប្លុកអឺរ៉ុបក៏បានធ្វើការប្តេជ្ញាចិត្តយ៉ាងច្បាស់លាស់ថានឹងបន្ថែមទីតាំងសាកថ្មរថយន្តយ៉ាងហោចណាស់ទៅដល់១លានកន្លែងទៀតនៅត្រឹមឆ្នាំ២០២៥ខាងមុខនេះ។ លើសពីនេះ ទីផ្សារសកលក៏នឹងរំពឹងទុកផងដែរថា នឹងអាចលក់ចេញរថយន្តអគ្គិសនីដល់ទៅ ៤០ភាគរយនៃចំណែកទីផ្សារទាំងអស់នាក្នុងឆ្នាំ២០៤០៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល