សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ សេដ្ឋកិច្ចអាម៉េរិកក្នុងត្រីមាសទី៣ បានកើនឡើង ៣.៤ ភាគរយ លើសការព្យាករណ៍ ៣.២ ភាគរយ ប៉ុន្តែការកើនឡើងនៃអតិផរណា និងការចំណាយដ៏សន្ធឹកសន្ធាប់លើបញ្ញាសិប្បនិម្មិត (AI) កំពុងបង្កើតក្តីបារម្ភអំពីស្ថិរភាពសេដ្ឋកិច្ចរយៈពេលវែង។ នេះបើយោងតាមការរាយការណ៍របស់ The Guardian។
ក្រសួងពាណិជ្ជកម្មអាម៉េរិកបានឱ្យដឹងកាលពីថ្ងៃព្រហស្បតិ៍ថា កំណើនសេដ្ឋកិច្ចក្នុងត្រីមាសទី៣ ទទួលបានការគាំទ្រពីការចំណាយរបស់អ្នកប្រើប្រាស់ និងការវិនិយោគលើបច្ចេកវិទ្យា AI ដែលនៅតែមានភាពរឹងមាំ និងជួយប៉ះប៉ូវផលប៉ះពាល់ពីការឡើងថ្លៃប្រេង។
ទន្ទឹមនឹងកំណើនសេដ្ឋកិច្ច អតិផរណាទូទៅក្នុងខែកញ្ញាបានហក់ឡើងដល់ ៣.៦ ភាគរយ ខណៈអតិផរណាស្នូលកើនដល់ ៣.១ ភាគរយ។ សន្ទស្សន៍ថ្លៃទំនិញប្រើប្រាស់ (CPI) ក៏បានកើនឡើង ៣.៧ ភាគរយក្នុងខែកញ្ញា ពី ៣.៤ ភាគរយក្នុងខែសីហា។
ទោះបីតម្លៃទំនិញ និងអតិផរណាបន្តកើនឡើងក៏ដោយ ធនាគារកណ្តាលអាម៉េរិកនៅតែរក្សាអត្រាការប្រាក់គោលក្នុងរង្វង់ ៣.៧៥ ភាគរយទៅ ៤ ភាគរយ។ ការដំឡើងអត្រាការប្រាក់អាចជួយទប់ស្កាត់អតិផរណា ប៉ុន្តែក៏អាចបង្កហានិភ័យដល់សកម្មភាពសេដ្ឋកិច្ច និងទីផ្សារការងារផងដែរ។
ដោយសារអតិផរណានៅតែស្ថិតក្នុងកម្រិតខ្ពស់ សេដ្ឋវិទូព្យាករណ៍ថា ធនាគារកណ្តាលអាម៉េរិកអាចនឹងដំឡើងអត្រាការប្រាក់នៅក្នុងខែធ្នូ។ លោក Kevin Warsh ប្រធានធនាគារកណ្តាលអាម៉េរិក បានលើកឡើងថា សកម្មភាពសេដ្ឋកិច្ចកំពុងពង្រីកខ្លួនក្នុងល្បឿនរឹងមាំ ហើយទោះមានភាពមិនប្រាកដប្រជាដែលបង្កឡើងដោយបញ្ហាភូមិសាស្ត្រនយោបាយក៏ដោយ ការចំណាយក្នុងស្រុកនៅតែមានភាពធន់។
យ៉ាងណាក៏ដោយ អ្នកសេដ្ឋកិច្ចយល់ថា កំណើនដ៏ខ្លាំងក្លានេះមិនបានឆ្លុះបញ្ចាំងពីស្ថានភាពសេដ្ឋកិច្ចទាំងមូលនោះទេ ដោយសារផ្នែកមួយធំនៃកំណើនត្រូវបានជំរុញដោយការចំណាយយ៉ាងសន្ធឹកសន្ធាប់លើ AI។
ក្រុមហ៊ុនបច្ចេកវិទ្យាធំៗកំពុងខ្ចីប្រាក់ក្នុងទំហំធំ ដើម្បីវិនិយោគលើគម្រោង AI ហើយការកើនឡើងនៃបំណុលនេះអាចបង្កហានិភ័យដល់ការចំណាយលើឧបករណ៍ និងបរិក្ខារបច្ចេកវិទ្យានៅពេលខាងមុខ។ វិនិយោគិនក៏កំពុងព្រួយបារម្ភកាន់តែខ្លាំងអំពីការកើនឡើងនៃដើមទុន និងការចំណាយឥតឈប់ឈរលើគម្រោង AI ខណៈផលចំណេញនៅតែមិនច្បាស់លាស់។
ជាមួយគ្នានេះ ពលរដ្ឋអាម៉េរិកកំពុងប្រឈមនឹងការធ្លាក់ចុះនៃប្រាក់សន្សំ និងការកើនឡើងនៃតម្លៃទំនិញ និងប្រេងសាំង។ កត្តាទាំងនេះបានធ្វើឱ្យសន្ទស្សន៍ទំនុកចិត្តអ្នកប្រើប្រាស់ធ្លាក់ចុះ ១៥ ភាគរយ និងធ្វើឱ្យការគាំទ្រចំពោះលោក ដូណាល់ ត្រាំ ធ្លាក់ចុះយ៉ាងខ្លាំង មុនការបោះឆ្នោតពាក់កណ្តាលអាណត្តិ៕
Account
Security
Favourite Content