សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាពិតណាស់ ធនាគារ និងគ្រឹះស្ថានមីក្រូហិរញ្ញវត្ថុមានតួនាទីក្នុងការផ្តល់សេវាហិរញ្ញវត្ថុ ឬកម្ចីជូនដល់ប្រជាពលរដ្ឋដែលខ្វះខាតទុនសម្រាប់ការបើក ឬពង្រីកអាជីវកម្ម ជាពិសេសចូលចំណែកយ៉ាងសកម្មក្នុងការលើកកម្ពស់អាជីវកម្មខ្នាតតូច និងមធ្យម តាមរយៈការផ្តល់សេវាហិរញ្ញវត្ថុរបស់ខ្លួន។
អ្វីដែលសំខាន់ មុនពេលសម្រេចចិត្តប្រើប្រាស់សេវាកម្ចីពីធនាគារ និងគ្រឹះស្ថានមីក្រូហិរញ្ញវត្ថុណាមួយ ម្ចាស់អាជីវកម្ម ក៏ដូចជាប្រជាពលរដ្ឋដែលមានបំណងចង់ប្រើប្រាស់កម្ចី ត្រូវមានគោលដៅ និងផែនការអាជីវកម្មឱ្យច្បាស់លាស់ ដើម្បីប្រើប្រាស់កម្ចីឱ្យមានប្រសិទ្ធភាព។ ខាងក្រោមនេះ គឺជាគន្លឹះខ្លីៗដើម្បីជួយឱ្យការប្រើប្រាស់កម្ចីចំគោលដៅ និងមានប្រសិទ្ធភាព៖
១) ប្រើកម្ចីឱ្យត្រូវគោលដៅ ៖ កម្ចីអាចមានច្រើនប្រភេទអាស្រ័យតាមស្ថាប័នផ្តល់កម្ចី ដូច្នេះគួរប្រើកម្ចីឱ្យត្រូវតាមគោលដៅដែលបានស្នើសុំ
២) បង់ផ្តាច់កម្ចីដែលមានអត្រាការប្រាក់ខ្ពស់មុន៖ ប្រសិនបើអ្នកមានកម្ចីច្រើនស្ថាប័ន គួរគប្បីបង់ផ្តាច់កម្ចីណាដែលមានអត្រាខ្ពស់ជាមុន ដើម្បីបន្ថយបំណុលបានច្រើន
៣) បង់កម្ចីឱ្យទាន់ពេលវេលា៖ ព្យាយាមបង់កម្ចីឱ្យទាន់ពេលវេលា ដើម្បីចៀសវាងរងការពិន័យឱ្យបង់ការប្រាក់បន្ថែម
៤) ចរចាអត្រាការប្រាក់៖ មុននឹងដាក់ស្នើសុំកម្ចីអ្វីមួយ គប្បីធ្វើការស្រាវជ្រាវទីផ្សារជាមុនសិន ដើម្បីដឹងពីអត្រាការប្រាក់ជាមធ្យមលើទីផ្សារកម្ចី ងាយស្រួលចរចាអត្រាការប្រាក់
៥) បង់កម្ចីផ្តាច់មុនរយៈពេលកំណត់៖ ប្រសិនបើអាជីវកម្ម ឬផលចំណូលទទួលបានច្រើនជាងមុន គួរគប្បីសងផ្តាច់កម្ចីចាស់មុនរយៈពេលកំណត់ក៏ល្អផងដែរ៕
Account
Security
Favourite Content