សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ពិធីបុណ្យភ្ជុំបិណ្ឌ នឹងខិតចូលមកដល់នៅចុងសប្តាហ៍នេះ ខណៈដែលបងប្អូនប្រជាពលរដ្ឋខ្មែរភាគច្រើនបានប្រារព្ធរៀបចំពិធីកាន់បិណ្ឌទៅតាមវេនរបស់ខ្លួននៅតាមបណ្តាវត្តអារាមនានាទូទាំងព្រះរាជាណាចក្រកម្ពុជា ហើយការរៀបចំម្ហូបអាហារជាចង្ហាន់សម្រាប់ប្រគេនព្រះសង្ឃភាគច្រើនមានទំនោរ និងតម្រូវការទៅលើសាច់ជ្រូក។
ប្រធានសមាគមអ្នកចិញ្ចឹមសត្វនៅកម្ពុជា លោក ស្រ៊ុន ពៅ បានប្រាប់ AMS ថា មុនពេលពិធីបុណ្យបិណ្ឌភ្ជុំ តម្លៃជ្រូករស់មានការធ្លាក់ចុះ ប៉ុន្តែបរិមាណនៃការលក់នៅតែមានកំណើន។ នៅក្នុងរដូវកាលនៃពិធីកាន់បិណ្ឌ ទីផ្សារជ្រូករស់អាចលក់បានក្នុងតម្លៃចន្លោះពី ៧ ៥០០រៀល ទៅ ៩ ០០០ រៀល ក្នុង១គីឡូក្រាម។ ប៉ុន្តែទីផ្សារលក់រាយក្នុង១គីឡូក្រាមប្រមាណជាង ២០ ០០០រៀល ហើយក្នុង១ថ្ងៃចំនួនជ្រូក ដែលផ្គត់ផ្គង់ចូលទីផ្សារមានចំនួនប្រមាណ ៧ ០០០ ទៅជាង ៨ ០០០ក្បាល»។
យ៉ាងណាក៏ដោយ លោក ស្រ៊ុន ពៅ បានបញ្ជាក់ថា បន្ទាប់ពីបញ្ចប់ពិធីបុណ្យភ្ជុំបិណ្ឌ សាច់ជ្រូករស់អាចនឹងធ្លាក់តម្លៃវិញ ខណៈដែលការនាំចូលសាច់ជ្រូកពីប្រទេសជិតខាងក៏នៅបន្តមាន ហើយតម្លៃទាបជាងសាច់ជ្រូកក្នុងស្រុក។
សម្រាប់តារាងតម្លៃសាច់ជ្រូកនៅលើទីផ្សារក្នុងរាជធានីភ្នំពេញ ជាមធ្យមត្រូវបានបង្ហាញថា សាច់សុទ្ធ ១គីឡូក្រាម តម្លៃ២៥០០០៛ – ឆ្អឹងជំនី ១គីឡូក្រាម ២២០០០៛ – សាច់បីជាន់ ១គីឡូក្រាម ២៥០០០៛ ។នេះបើតាមតម្លៃទីផ្សារលក់រាយ នៅផ្សារធំថ្មី, ផ្សារទួលទំពូង, និងផ្សារអូរឡាំពិក។
អ្នកស្រី ជូ អេង ជាអាជីវករលក់សាច់ជ្រូកនៅផ្សារទួលគោកបានប្រាប់ AMS ឱ្យដឹងថា នៅក្នុងឱកាសបុណ្យកាន់បិណ្ឌ តម្រូវការសាច់ជ្រូកមានារកើនឡើង ជាក់ស្ដែងសម្រាប់តូបរបស់អ្នកស្រីអាចលក់បានរហូតដល់ជាង៤០គីឡូក្រាមក្នុងមួយថ្ងៃ ដោយអ្នកស្រីទទួលយកសាច់ជ្រូកពីទីសត្វឃាតមកលក់រាយបន្ត។
អ្នកស្រីបានបញ្ជាក់ឱ្យដឹងទៀតថា សម្រាប់សាច់ជ្រូកដែលអ្នកស្រីលក់នៅក្នុងផ្សារទួលគោក អាចមានភាពខុសគ្នាពីការលក់នៅផ្សារធំថ្មី និងផ្សារអូរឫស្សី ពោលគឺ សាច់ជ្រូកសុទ្ធ ១គីឡូក្រាម លក់បានតម្លៃ ២២ ០០០រៀល – ឆ្អឹងជំនី ១គីឡូក្រាម ២២ ០០០រៀល – សាច់បីជាន់ ១គីឡូក្រាម ២២ ០០០រៀល លើកលែងតែសាច់ស្មាមុខអាចលក់បានតម្លៃ ២២ ០០០រៀល ក្នុង១គីឡូក្រាម។
Account
Security
Favourite Content