សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មិនថាចំពោះការដាំដំណាំ ឬចិញ្ចឹមសត្វនោះទេ ពិតជាមិនអាចខ្វះបាននូវការថែទាំយ៉ាងយកចិត្តទុកដាក់ ពិសេសគឺការបន្ថែមនូវសារធាតុបំប៉ន ឬជីធម្មជាតិដើម្បីជាជំនួយពន្លឿនដល់ការចិញ្ចឹមសត្វ ឬការដាំដំណាំ ហើយអាចកែប្រែស្ថានភាពដីបានល្អ និងមិនប៉ះពាល់ដល់សុខភាពប្រជាកសិករដែលជាអ្នកប្រើប្រាស់ផ្ទាល់ ក៏ដូចជាអ្នកទទួលទានផងដែរ។
លោក ប៊ុន ចាន់តូនី ជាម្ចាស់សហគ្រាសផលិតជីធម្មជាតិ តូនី អេសអឹម ស្ថិតនៅភូមិព្រែកធំ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ បានមានប្រសាសន៍ប្រាប់ AMS ឲ្យដឹងថា ការប្រើជីធម្មជាតិទៅលើការដាំដុះ គឺមានប្រសិទ្ធភាពខ្ពស់ ដែលអាចជួយបង្កើនទិន្នផលដំណាំ កែប្រែស្ថានភាពដីបានល្អ បន្សាបជាតិពុលក្នុងដី ហើយផលដំណាំក៏អាចលក់បានក្នុងតម្លៃថ្លៃនៅលើទីផ្សារផងដែរ។
លោកបន្តថា ជីធម្មជាតិនេះមិនត្រឹមតែផ្ដល់ផលល្អដល់ដំណាំនោះទេ ប៉ុន្តែថែមទាំងអាចធានាបាននូវសុវត្ថិភាពដល់អ្នកប្រើប្រាស់ដែលជាកសិករដាំដុះដោយសារវាផ្សំឡើងពីផ្លែឈើចម្រុះ មិនធ្វើឱ្យប៉ះពាល់សុខភាពអ្នកប្រើប្រាស់ និងមិនធ្វើឱ្យខូចដី។ បន្ថែមលើនេះ គេអាចយកទៅប្រើប្រាស់បានគ្រប់ប្រភេទដំណាំតូចធំ ដូចជា ស្វាយ ក្រូច ស្រកានាគ ត្របែក និងពុទ្រាជាដើម ដែលអាចធ្វើឱ្យដំណាំមានផ្កាច្រើន ផ្លែធំៗល្អ។
ទាក់ទងនឹងវត្ថុធាតុដើមក្នុងការផលិតជីនេះ លោក ប៊ុន តូនី បានបញ្ជាក់ថា ដំបូងត្រូវធ្វើមេជីផ្សំពីផ្លែឈើទុំ ដូចជា ម្នាស់ ចេក ល្ហុង ល្ពៅ ល្ង ជាដើម ផ្សំជាមួយស្ករផ្អាប់ទុកប្រមាណ៣ខែ។ ក្រៅពីនេះ គេអាចលាយជាមួយនឹងផ្លែឈើទុំផ្សេងទៀត ក៏ដូចជាសារធាតុបំប៉នដទៃទៀតទៅតាមប្រភេទជី។ បច្ចុប្បន្ននេះ ជីទឹកធម្មជាតិរបស់លោក តូនី ដែលបានផលិតឡើងមាន ៥ប្រភេទ ដែលអាចប្រើសម្រាប់ការដាំដំណាំ ក៏ដូចជាជី ឬសារធាតុបំប៉នសម្រាប់លាយជាមួយទឹកដើម្បីចិញ្ចឹមសត្វ ដូចជា ត្រី មាន់ ទា ជាដើម ហើយក៏អាចយកទៅលាយជាមួយទឹកសម្រាប់ថ្នាំបាញ់ការពារជំងឺរុក្ខជាតិ បណ្ដេញសត្វល្អិត និងអាចប្រើជាថ្នាំបំប៉នពិសេសដែលសុទ្ធសឹងតែមានប្រសិទ្ធភាពផ្សេងៗគ្នា។
លោកបញ្ជាក់ថា ៖
«ចំពោះជីសម្រាប់ចិញ្ចឹមត្រី ជាប្រភេទជីទឹកដែលផ្ទុកវីតាមីន និងសារធាតុរ៉ែសម្រាប់ត្រី ដែលអាចបង្កើនកម្រិត PH របស់ទឹកដល់ទៅ៧ដង ឬហៅថា ណឺត ធ្វើឱ្យទឹកសម្បូរអុកស៊ីសែន ត្រីមិនងាយងាប់។ ចំណែកឯតម្លៃគឺ ៥លីត្រ ៣ម៉ឺនរៀល ដែលក្នុងមួយលីត្រ អាចលាយជាមួយទឹកប្រមាណ ១០ ទៅ១២ម៉ែត្រគូប។ ចំណែកថ្នាំបំប៉នសម្រាប់ចិញ្ចឹមសត្វមាន់ ដែលយើងអាចលាយជាមួយទឹក ឬចំណីមាន់ វាអាចជួយឱ្យមាន់ឆាប់ធំ មានសុខភាពល្អ គ្មានមេរោគ មិនរាគរុស មិនសូវមានក្លិនជាដើម។ សម្រាប់មាន់ដែលឈឺគេអាចប្រើវាបាញ់ចូលខ្លួនមាន់ផ្ទាល់ក្នុងចំណុះ ៣-៥ មីលីលីត្រក៏មានប្រសិទ្ធភាពជួយឱ្យមាន់បានធូរណាស់ដែរ»
អ្នកជំនាញផលិតជីធម្មជាតិរូបនេះបានបញ្ជាក់ទៀតថា ៖
«ទាក់ទាងនឹងជីសម្រាប់ដំណាំវិញ គេមានចែកជា ៣ប្រភេទទៀតគឺ ថ្នាំការពារជំងឺ ដូចជា ជំងឺផ្សិត ការពាររលួយ។ ប្រភេទទី២ គឺសម្រាប់បណ្ដេញសត្វល្អិត ដែលអាចដេញសត្វល្អិតមិនឱ្យមកចោះ ឬពងដាក់កសិផល។ ចុងក្រោយ គឺជីបំប៉នពិសេសប្រកបដោយសារធាតុចិញ្ចឹមច្រើន ដែលអាចធ្វើឱ្យដំណាំ ពិសេសប្រភេទបន្លែ មានសារធាតុរ៉ែខ្ពស់ ដើមរឹងមាំ ស្លឹកលូតលាស់ បែកគុម្ពល្អ ហើយបើយើងបាញ់លើស្រូវ នឹងធ្វើឱ្យស្រូវមានគ្រាប់ល្អ សំបកស្ដើង និងទទួលបានទិន្នផលខ្ពស់។ សម្រាប់តម្លៃគឺខ្ពស់ជាងគេបន្តិចដោយក្នុង ១លីត្រមានតម្លៃ ១ម៉ឺនរៀល»
លោកបន្ថែមថា ចំពោះជីសម្រាប់ដំណាំទាំង៣ប្រភេទនេះ ប្រសិនបើប្រើជាមួយគ្នាកាន់តែល្អដោយសារមានមុខងារផ្សេងៗគ្នា ពោលគឺអាចថែទាំដំណាំបានគ្រប់លក្ខណៈ។ គេអាចលាយជី ១មុខ ១ លីត្រ ក្នុងបរិមាណទឹកពី ១០០-២០០លីត្រ និងបាញ់ក្នុងចន្លោះពេលចាប់ពី ៥-១៥ ថ្ងៃម្ដង អាស្រ័យតាមស្ថានភាពដំណាំជាក់ស្ដែង។ ផ្ទុយទៅវិញ ប្រសិនបើបងប្អូនកសិករដែលពុំមានថវិកាគ្រប់គ្រាន់ ឬក៏ចង់ប្រើប្រាស់តែមួយមុខៗក៏ពុំមានជាបញ្ហាអ្វីដែរ។ ជាក់ស្ដែងដូចជាដំណាំហូបផ្លែ រួមមាន ស្វាយ ក្រូច ពុទ្រា ដូង ប័រ ជាដើម នៅពេលដែលបានប្រើជីទាំង៣មុខនេះបញ្ចូលគ្នា វាអាចធ្វើឱ្យដំណាំលូតលាស់ល្អ ផ្លែច្រើន គ្មានជំងឺ ចេញផ្កាច្រើន និងកាន់ផ្កាបានល្អ មិនមានសត្វល្អិតបំផ្លាញ។ ក្រៅពីលាយទឹកហើយបាញ់ កសិករក៏អាចលាយទឹកហើយស្រោចគល់ដំណាំក៏កាន់តែល្អ។ គួរបញ្ជាក់ថា លោកបានចេះជំនាញធ្វើជីនេះជាង១០ឆ្នាំមកហើយ ខណៈដែលលោកក៏ជាអ្នកជំនាញពីសាលាកសិកម្មស្រាប់ រួមជាមួយនឹងបទពិសោធន៍ស្រាវជ្រាវក៏ដូចជាចុះបង្រៀនប្រជាកសិករដោយផ្ទាល់ទៀតផង។
ទន្ទឹមនឹងនេះ អ្នកនាង ប៊ុន ចានីសិរីរ័ត្ន ជាអ្នកគ្រប់គ្រងការលក់បានប្រាប់ឲ្យដឹងថា សហគ្រាសផលិតជីធម្មជាតិ តូនីអេសអឹម បានដំណើរការជាយូរឆ្នាំមកហើយ ហើយបច្ចុប្បន្ននេះ បើទោះជាមានបញ្ហាកូវីដ ក៏នៅតែបន្តផលិត និងលក់ចែកចាយដដែល ដោយគិតជាមធ្យមអាចរកចំណូលបានក្នុងចន្លោះពី ១ ០០០ ទៅ ៣ ០០០ដុល្លាក្នុងមួយខែ។
ដោយឡែកសម្រាប់អតិថិជនរបស់សហគ្រាសខាងលើ ភាគច្រើនជាអ្នកនៅតាមសហគមន៍ដែលធ្លាប់ទទួលបានការបណ្ដុះបណ្ដាល និងនៅតាមបណ្តាខេត្តផ្សេងៗទៀតដែលទទួលបានព័ត៌មាននៅតាមបណ្ដាញសង្គម។ យ៉ាងណាក៏ដោយ អ្នកនាងបានបញ្ជាក់ពីចក្ខុវិស័យថា នៅថ្ងៃខាងមុខនេះ សហគ្រាសនឹងពង្រីកអាជីវកម្មមួយនេះឱ្យកាន់តែធំ ក្នុងគោលបំណងចែករំលែក និងផ្ដល់នូវជីធម្មជាតិដែលមានគុណភាព មានប្រសិទ្ធភាពដល់សត្វ ដំណាំគ្រប់ប្រភេទដែលអាចជួយឱ្យប្រជាកសិករខ្មែរទទួលបានផលិតផលកសិផលល្អសម្រាប់ផ្គត់ផ្គង់ទីផ្សារក្នុងស្រុក ក៏ដូចជានាំចេញ ដែលអាចទទួលបានចំណូលខ្ពស់ ជួយកែប្រែជីវភាពគ្រួសារឲ្យកាន់ល្អប្រសើរផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content