សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ដោយសារចិត្តស្រឡាញ់ការផលិតសម្ភារធ្វើពីស្បែកដូចជា កាបូប ស្បែកជើង ខ្សែក្រវាត់ ជាដើមដែលមនុស្សទូទៅនិយមប្រើប្រាស់ដែលនាំចូលពីបរទេនោះ យុវជនខ្មែរម្នាក់បានខិតខំប្រឹងប្រែងបង្កើតឡើងនូវផលិតផលទាំងនេះដោយខ្លួនឯង ក្នុងនាមជាកូនខ្មែរ លើកស្ទួយផលិតផលស្បែករបស់ខ្មែររហូតទទួលបានការគាំទ្រគួរជាទីចាប់អារម្មណ៍។
លោក មុំ ភារុន ជាម្ចាស់អាជីវកម្ម «ស្នាដៃខ្មែរ» ដែលផលិតសម្ភារៈប្រើប្រាស់ធ្វើពីស្បែកសុទ្ធ និងកំពុងទទួលបានការគាំទ្រនៅលើទីផ្សារបានរៀបរាប់ប្រាប់ AMS ថា ដោយសារការស្រឡាញ់ខាងធ្វើកាបូបស្បែក ហើយចង់ឱ្យមានផលិតផលខ្មែរក្នុងស្រុកនោះលោកបានព្យាយាមបង្កើតអាជីវកម្មផលិតសម្ភារៈប្រើប្រាស់ច្នៃពីស្បែកសុទ្ធតាំងពីមិនទាន់មានអ្នកគាំទ្រ រហូតអាចពង្រីកទីផ្សារក្នុងបានយ៉ាងទូលាយ។
លោកបានបន្តថា ៖
«កាលពីដំបូងឡើយ ដំណើរការអាជីវកម្មបានជួបឧបសគ្គ និងផលលំបាកជាច្រើន ដោយហេតុថាមិនសូវមានអ្នកស្គាល់ គ្មានអ្នកគាំទ្រ ប៉ុន្តែខ្ញុំនៅតែទ្រាំ ព្យាយាមធ្វើពីមួយឆ្នាំទៅមួយឆ្នាំ ហើយឥឡូវនេះយើងទទួលបានទីផ្សារគ្រាន់បើ ខណៈដែលប្រជាជនខ្មែរ ក៏ដូចជាអតិថិជនបរទេសមួយចំនួនបានស្គាល់ពីគុណភាព និងភាពខ្នៃប្រឌិតស្អាតប្រកបដោយភាពទាក់ទាញ»
ជាមួយគ្នានេះ លោក មុំ ភារុន បានបន្តឲ្យដឹងថា ផលិតផលយីហោ «ស្នាដៃខ្មែរ» រួមមាន កាបូបសម្រាប់បុរស និងនារី ខ្សែក្រវាត់ ស្បែកជើង ដែលធ្វើឡើងពីស្បែកគោ ស្បែកក្របី និងស្បែកក្រពើ ជាដើម សុទ្ធតែមានគុណភាពល្អ ដេរបានស្អាត និងមានភាពទាក់ទាញមិនចាញ់ផលិតផលដែលនាំចូលពីបរទេសនោះទេ ចំណែកឯទីផ្សារក៏ពង្រីកបានកាន់តែទូលាយ និងមានអ្នកទទួលទិញយកទៅលក់បន្តច្រើន។
បច្ចុប្បន្នន ហាងលក់សម្ភារៈប្រើប្រាស់ផលិតពីស្បែកសុទ្ធមួយនេះ មានទីតាំងស្ថិតនៅម្ដុំក្រោយវាំង ដែលមានបុគ្គលិកបម្រើការងារជាប្រចាំចំនួន ៥នាក់ ហើយមានលទ្ធភាពអាចផលិតកាបូបច្នៃពីស្បែកសុទ្ធបានច្រើន ដូចជា កាបូបលុយ២០ (កាបូបដៃ) កាបូបធំក្នុងចន្លោះពី ៥-៦កាបូប និងខ្សែក្រវាត់អាចបាន ៥០ខ្សែផងដែរ ខណៈការលក់អាចរកបានចំណូលយ៉ាងហោចណាស់ ៥០-១០០ដុល្លារក្នុងមួយថ្ងៃ។
ចំពោះអតិថិជនដែលតែងគាំទ្រហាងខាងលើនេះ ភាគច្រើនជាមនុស្សវ័យកណ្តាលដែលមានវ័យចាប់ពី ២០-៤០ឆ្នាំ ហើយផលិតផលដែលលក់ដាច់ជាងគេនោះគឺខ្សែក្រវាត់ និងកាបូបលុយ (កាបូបដៃ) ហើយក្រៅពីនេះក៏មានដូចជាកាបូបដាក់ឯកសារ ដែលគេអាចកម្ម៉ង់ម៉ូដបានផងដែរ។
ទាក់ទងនឹងតម្លៃផលិតផលរបស់ហាង «ស្នាដៃខ្មែរ» មានច្រើនអាស្រ័យទៅតាមប្រភេទផលិតផល ដែលមានចាប់ពី ៥ដុល្លារឡើងទៅរហូតដល់ជាង១០០ដុល្លារ ឬលើសពីនេះក៏មាន ពោលគឺអាស្រ័យទៅតាមទំហំ និងម៉ូដ។
លោក មុំ ភារុន បានបញ្ជាក់ទៀតថា ៖
«ចំពោះស្បែកគោ ដែលជាវត្ថុធាតុដើម យើងបាននាំចូលពីប្រទេសជិតខាងដោយសារនៅក្នុងស្រុកយើងពុំទាន់មាននៅឡើយ ហើយរំពឹងដែរថា ទៅថ្ងៃមុខ នឹងអាចមានរោងចក្រផលិតស្បែកដែលអាចបង្កភាពងាយស្រួលសម្រាប់អ្នកបើកអាជីវកម្មផលិតសម្ភារៈធ្វើពីស្បែកទាំងនេះ»
គួរបញ្ជាក់ដែរថា លោក មុំ ភារុន បានចាប់ផ្ដើមអាជីវកម្មមួយនេះកាលពីឆ្នាំ២០១៥ ដោយប្រើដើមទុនប្រមាណជិត ៣ម៉ឺនដុល្លារ ក្នុងការចំណាយទៅលើឧបករណ៍ប្រើប្រាស់ចាំបាច់មួយចំនួន រួមមាន ម៉ាស៊ីនដេរ ស្បែក និងការរៀបចំដេគ័រហាងជាដើម។ ចំពោះជំនាញដែលលោកមានគឺបានមកពីបងប្រុសរបស់លោក ដែលធ្លាប់បានឆ្លងកាត់ការបណ្តុះបណ្តាលជំនាញនៅប្រទេសថៃ។
យ៉ាងណាក៏ដោយ លោកក៏បានបញ្ជាក់ពីផលលំបាកមួយចំនួនដែលកើតមាននៅពេលចាប់ដំណើរការអាជីវកម្មលើកដំបូងផងដែរថា គ្រាដំបូងឡើយ ដោយសារតែគ្មានបទពិសោធន៍ និងស្គាល់ពីទីផ្សារច្បាស់នោះ អាជីវកម្មមួយនេះជួបឧបសគ្គច្រើន ដូចជាមិនសូវមានអ្នកស្គាល់ លក់មិនសូវដាច់ជាដើម ប៉ុន្តែរហូតមកដល់ពេលបច្ចុប្បន្ននេះ បន្ទាប់ពីមានអតិថិជនច្រើន ជាពិសេសបងប្អូនខ្មែរបានស្គាល់ពីគុណតម្លៃនៃការគាំទ្រផលិតផលក្នុងស្រុក និងមានការកម្ម៉ង់ទិញជាបន្តបន្ទាប់។
ជាចុងក្រោយ ម្ចាស់អាជីវកម្មផលិតសម្ភារៈប្រើប្រាស់ធ្វើពីស្បែកសុទ្ធ ក្រោមភាពជំនាញនៃស្នាដៃរបស់ខ្មែរ លោក មុំ ភារុន បានអំពាវនាវឱ្យបងប្អូនប្រជាជនខ្មែរងាកមកជួយគាំទ្រផលិតផលធ្វើពីដៃរបស់ខ្មែរដែលមានគុណភាពល្អ ប្រើប្រាស់បានយូរ និងជួយកាត់បន្ថយការប្រើប្រាស់ផលិតផលនាំចូលផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content