សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ស្តាប់ទៅដូចជាសាមញ្ញបំផុត ដោយគ្រាន់តែឆ្លៀតពេលទំនេរពីការងារប្រចាំថ្ងៃ ជាពិសេសនៅថ្ងៃឈប់សម្រាក ហើយធ្វើក្តាមប្រៃលក់តាមបណ្តាញសង្គមក៏អាចទទួលបានចំណូលរាប់រយដុល្លារក្នុងមួយខែបន្ថែមពីលើប្រាក់បៀវត្សក្នុងវិស័យឯកជន។
ក្ដាមប្រៃ ជាអាហារកែច្នៃម្យ៉ាងដែលបងប្អូនប្រជាជនខ្មែរនិយមទទួលទានជាមួយបាយស លាយឡំជាមួយនឹងរសជាតិប្រៃ ផ្អែម ជូរ ហឹរ របស់ក្ដាមធ្វើឱ្យទីផ្សារក្ដាមប្រៃកាន់តែកើនឡើង។ ដោយមើលឃើញពីតម្រូវការទីផ្សារបែបនេះហើយ ទើបអាជីវករម្នាក់បានឆ្លៀតពេលទំនេរពីការងារមកធ្វើក្ដាមប្រៃលក់ ហើយទទួលបានចំណូលបន្ថែម។
អ្នកនាង ខៀវ លក្ខិណា ជាអ្នកលក់ក្ដាមប្រៃលក្ខណៈគ្រួសារ រស់នៅម្ដុំស្ទឹងមាន ខណ្ឌមានជយ័ បានប្រាប់ AMS ឱ្យដឹងថា មុខរបរជាអ្នកលក់ក្ដាមប្រៃនេះ មិនមែនជាជំនួញអាជីពប្រចាំគ្រួសារនោះទេ ប៉ុន្តែជាមុខរបរបន្ថែមពីលើការងារប្រចាំថ្ងៃក្នុងវិស័យឯកជន ដែលធ្វើឡើងតែនៅពេលទំនេរ ឬថ្ងៃឈប់សម្រាកតែប៉ុណ្ណោះ ហើយវាក៏ជាចំណូលចិត្តផងដែរ ។
អ្នកនាងបញ្ជាក់ថា ៖
“ខ្ញុំធ្វើក្ដាមប្រៃលក់ដោយសារតែការចូលចិត្តផង ហើយណាមួយទំនេរពីការងារក៏អាចរកចំណូលបន្ថែមដែរ ព្រោះអតិថិជនចង់ញ៉ាំ ហើយគាត់កម្ម៉ង់រហូត ដែលមានថ្ងៃខ្លះធ្វើមិនទាន់ក៏មានដែរ”
អ្នកនាងបានបន្តថា ៖
“ខ្ញុំធ្វើម្ដងប្រមាណ ៥គីឡូក្រាម ដែលចំណាយដើមអស់ ១២ម៉ឺនរៀល ទៅលើការទិញក្តាមស្រែដែលនៅរស់ល្អ រួមនឹងគ្រឿងផ្សំរសជាតិផ្សេងៗដូចជា ទឹកត្រី ស្ករ ក្រូចឆ្មា ម្ទេស ខ្លឹម ជី និងកំប៉ុងសម្រាប់វេចខ្ចប់ផងដែរ។ ដោយឡែកតម្លៃរបស់ក្ដាមប្រៃ ១កំប៉ុងអាចលក់បានចន្លោះពី ១៤ ០០០ – ១៦ ០០០រៀល”
ទាក់ទងនឹងការធ្វើក្ដាមប្រៃនេះ អ្នកនាង លក្ខិណា បានបន្ថែមថា ៖
“យើងមិនសូវចំណេញច្រើនប៉ុន្មានទេ ពោលគឺចំណេញតិចតួច ព្រោះយើងប្រើគ្រឿងផ្សំច្រើន ក៏ដូចជាក្ដាមស្រែល្អៗមកធ្វើ ទើបមានរសជាតិឆ្ងាញ់ ហើយចំណុចពិសេសនៃក្ដាមគឺនៅស្រស់ៗ មានសាច់ច្រើន ខ្លាញ់ច្រើន រសជាតិល្មម មិនប្រៃខ្លាំង ត្រូវមាត់ល្មមគ្រប់ភ្ញៀវតែម្ដង”
គួរបញ្ជាក់ដែរថា អ្នកស្រីបានចាប់ផ្ដើមធ្វើក្ដាមប្រៃនេះនៅឆ្នាំ២០១៨ ដែលចេះបន្តពីចាស់ៗមក ហើយក៏ច្នៃខ្លួនឯងបន្ថែម ធ្វើឱ្យរសជាតិឆ្ងាញ់ប្លែក និងទទួលបានការគាំទ្រច្រើនពីអតិថិជនទូទៅ។ ដោយឡែក ទាក់ទងនឹងអាជីវកម្មលក់ក្ដាមប្រៃនេះផងដែរ អ្នកនាងបញ្ជាក់ថា ហាក់មិនមានភាពលំបាកខ្លាំង ឬនឿយហត់ពេកនោះទេ ដោយសារតែអ្នកនាងឆ្លៀតពេលទំនេរធ្វើក្នុងបរិមាណតិចតួចល្មម ដើម្បីរកចំណូលបន្ថែម ប៉ុន្តែប្រសិនបើការលក់នេះនៅតែមានអ្នកគាំទ្រកាន់តែច្រើន អ្នកនាងក៏ចង់ពង្រីកការផលិតឱ្យបានច្រើន និងឈានទៅរកការបើកជាហាងលក់ក្តាមប្រៃតែម្ដង៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
Situation Room (War Room) ជាបន្ទប់ដ៏សំងាត់របស់មេដឹកនាំអាម៉េរិក មានប្រវត្តិជាង៦ទសវត្សរ៍ក្នុងកិច្ចការងារកំពូលៗ
ព្រឹត្តិការណ៍, អាជីវកម្មថ្មី និងនវានុវត្ត
• 20/06/2025
បន្ទប់ដែលរៀបចំកិច្ចការងារ និងផែនការសំងាត់ដើម្បីពិភាក្សា ព្រមទាំងតាមដានព្រឹត្តិការណ៍ដោយផ្ទាល់ទាំងនោះគឺជាបន្ទប់ដ៏សំងាត់មួយដែលមានតែប្រធានាធិបតីអាម៉េរិក និងមន្ត្រីជាន់ខ្ពស់កំពូលរបស់អាម៉េរិកប៉ុណ្ណោះដែលមានសិទ្ធិប្រើប្រាស់ ហើយត្រូវបានគេហៅឈ្មោះថា Situation Room
អាជីវកម្មជិត ៥ម៉ឺន មានទឹកប្រាក់សរុបប្រមាណ ១៨.២៣ ពាន់លានដុល្លារ បានចុះបញ្ជីអាជីវកម្មតាមថ្នាលឌីជីថល
ព្រឹត្តិការណ៍, អាជីវកម្មថ្មី និងនវានុវត្ត
• 20/06/2025
ក្នុងរយៈពេល ៥ឆ្នាំ គិតចាប់ពីថ្ងៃទី១៥ ខែមិថុនា ឆ្នាំ២០២០ ដល់ថ្ងៃទី៣១ ខែឧសភា ឆ្នាំ២០២៥ ចំនួនពាក្យស្នើសុំចុះបញ្ជីអាជីវកម្មអនុម័តសរុបមានចំនួន ៤៦ ៧៧៦ ក្នុងនោះ ម្ចាស់អាជីវកម្មដែលជាស្រ្តីមានចំនួន ១៧២៤០នាក់
គ្រឹះស្ថានមីក្រូហិរញ្ញវត្ថុ អិលអូអិលស៊ី ទទួលបានវិញ្ញាបនបត្រ ISO / IEC 27001: 2022 ស្តង់ដារអន្តរជាតិក្នុងការគ្រប់គ្រងសុវត្ថិភាពព័ត៌មាន
ព្រឹត្តិការណ៍, អត្ថបទពាណិជ្ជកម្ម
• 20/06/2025
អិលអូអិលស៊ី ដែលជាស្ថាប័នគ្រឹះស្ថានមីក្រូហិរញ្ញវត្ថុឈានមុខគេនៅកម្ពុជា ទទួលបានវិញ្ញាបនប័ត្រ ISO / IEC 27001: 2022 ស្តង់ដារអន្តរជាតិក្នុងការគ្រប់គ្រងសុវត្ថិភាពព័ត៌មាន ដែលជាវិញ្ញាបនបត្រដ៏មានកិត្យានុភាពមួយកាលពីពេលថ្មីៗនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content