សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោង Bay Of Light ដែលជាគម្រោងវិនិយោគអចលនទ្រព្យខ្នាតយក្សមួយនៅខេត្តព្រះសីហនុ ក្រោមទុនវិនិយោគប៉ាន់ស្មានប្រមាណ១៦ពាន់លានដុល្លារអាមេរិក ដោយអភិវឌ្ឍន៍ទៅលើគម្រោងចំរុះ ក្នុងនោះក៏មានគម្រោងខ្សែរ៉ក ដែលមិនធ្លាប់មានក្នុងប្រទេសកម្ពុជាផងដែរ ។ គម្រោងនេះនឹងប្រើប្រាស់ពេលវេលា២៤ឆ្នាំបន្ថែមទៀតដើម្បីបញ្ចប់ទាំងស្រុង ។
លោក Edward Lee អគ្គនាយកក្រុមហ៊ុន Prince Real Estate Group បានមានប្រសាសន៍ថា គម្រោង Bay Of light ជាគម្រោងដ៏ធំមួយរបស់ Prince នៅក្នុងខេត្តព្រះសីហនុ និងត្រូវប្រើប្រាស់ទុនវិនិយោគប្រមាណ១៦ពាន់លានដុល្លារអាមេរិក និងបែងចែកជាច្រើនដំណាក់កាល ។
លោកបន្តថា គម្រោងនេះនឹងមានការអភិវឌ្ឍន៍ជាកន្លែងកម្សាន្តលំដាប់ពិភពលោក ដូចជាការជិះឡានប្រណាំង ហែលទឹក និងកីឡាថ្នាក់អន្តរជាតិជាច្រើនទៀត ដែលត្រូវការពេលវេលាដើម្បីអភិវឌ្ឍន៍ជាដំណាក់កាលៗ ក្នុងនោះដែរ នៅចុងឆ្នាំ២០២៣នេះ គម្រោងមួយចំនួននៅក្នុងគម្រោង Bay Of Light នឹងចាប់ផ្ដើមដាក់ដំណើរការជាបន្តបន្ទាប់ ហើយនៅពេលនោះ នឹងទាក់ទាញភ្ញៀវទេសចរ ជាតិនិងអន្តរជាតិមកខេត្តព្រះសីហនុកាន់តែច្រើន ស្របនឹងខេត្តព្រះសីហនុ ក៏កំពុងមានសក្ដានុពលស្រាប់ ដោយមានផ្លូវល្បឿនលឿន ផ្លូវជាច្រើនខ្សែក្នុងក្រុងព្រះសីហនុ និងមានការអភិវឌ្ឍឆ្នេរយ៉ាងស្រស់ស្អាតផងដែរ ។
លោកបញ្ជាក់ថា គម្រោងនេះ ក្រុមហ៊ុនបានដាក់ផែនការអភិវឌ្ឍន៍ឱ្យចប់ទាំងស្រុងនៅឆ្នាំ២០៥០ ដែលមានរយៈពេលជាង២០ឆ្នាំទៀត ពីព្រថាគម្រោងនេះជាគម្រោងធំ ដែលត្រូវការធ្វើតាមដំណាក់កាល ។
លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានមានប្រសាសន៍ថា តំបន់រាមនៃខេត្តព្រះសីហនុ នឹងក្លាយទីក្រុងដ៏ទាក់ទាញនិងមានសក្ដានុពលមួយនាពេលអនាគតឆាប់ៗនេះ ហើយឆាប់ៗនេះដែរ វិនិយោគិនក្នុងនិងក្រៅប្រទេសកាន់តែច្រើននឹងសិក្សាបន្ថែមពីគម្រោងវិនិយោគនៅតំបន់ជុំវិញឆ្នេររាម។
លោកបន្តថា បច្ចុប្បន្ននេះ មានអ្នកវិនិយោគក្នុងប្រទេស និងក្រៅប្រទេសមួយចំនួនហើយ បាន និងកំពុងធ្វើសកកម្មភាពវិនិយោគគម្រោងរបស់ខ្លួននៅតំបន់រាមដូចជាគម្រោងដីផ្សារសហគមន៍ គម្រោងលំហែ គម្រោងរាមស៊ីធីនិងគម្រោងធំៗមិនធ្លាប់មានពីមុនជាដើម។ គួរបញ្ជាក់ថា ក្នុងរយៈពេលប៉ុន្មានឆ្នាំក្រោយនេះ ខេត្តព្រះសីហនុបានក្លាយជាតំបន់ដែលមានការទាក់ទាញវិនិយោគពីសំណាក់វិនិយោគបរទេស ជាពិសេសវិនិយោគិនចិន ប៉ុន្តែសកម្មភាពវិនិយោគបានថមថយបន្តិចនៅក្នុងអំឡុងវិបត្តិកូវីដ១៩ និងចាប់ផ្ដើមមានសកម្មភាពឡើងវិញបន្តិចក្រោយវិបត្តិបានបញ្ចប់ និងមានការដោះស្រាយពីសំណាក់រាជរដ្ឋាភិបាលលើអគារជាប់គាំងដែលបណ្ដាលមកពីការចាកចេញរបស់ជនជាតិចិនកាលពីឆ្នាំ២០១៩ និងក្នុងវិបត្តិកូវីដ ១៩ ៕
Account
Security
Favourite Content