ជំនាញឌីជីថលមានសារៈសំខាន់បំផុតក្នុងមុខជំនួញ និងការជំរុញកំណើនសេដ្ឋកិច្ច

បរទេស៖ យោងទៅតាមប្រភពព័ត៌មានពី Weforum បានរាយការណ៍ថា គ្រប់ការងារទាំងអស់នឹងទាមទារឲ្យមានជំនាញឌីជីថលនាពេលអនាគត។ ដូច្នេះហើយ ក្រុមហ៊ុន ឬ ស្ថាប័នជាច្រើនកំពុងសម្របកម្លាំងការងាររបស់ពួកគេជាមួយជំនាញទាំងនោះ។

យោងទៅតាមតាមរបាយការណ៍របស់ Coursera បានបង្ហាញថា ការបង្កើនជំនាញលើកម្លាំងពលកម្មគឺជាគន្លឹះដ៏សំខាន់ណាស់ រួមមានការប្រើប្រាស់បច្ចេកវិទ្យា សុវត្ថិភាពតាមអ៊ីនធឺណិត ការវិភាគទិន្នន័យ និងការអភិវឌ្ឍន៍កម្មវិធីជាដើម។ គេបានទាយទុកថា នៅឆ្នាំ២០២៥ នឹងមានកំណើនការងារឌីជីថលថ្មីៗចំនួន ១៤៩ លានផ្នែក ស្ថិតក្នុងវិស័យផ្សេងគ្នា ដូចជា វិស័យឯកជនភាព សុវត្ថិភាពតាមអ៊ីនធឺណិត ការវិភាគទិន្នន័យ ការសិក្សាអំពីម៉ាស៊ីន ប្រព័ន្ធ AI មុខងារ cloud និងការអភិវឌ្ឍន៍កម្មវិធី ខណៈដែលជំនាញទាំងនេះនឹងជួយដល់ការផ្លាស់ប្តូររបស់មនុស្សទៅកាន់អនាគតបែបឌីជីថល និងដើម្បីការពារកុំឲ្យមានវិសមភាពកាន់តែធ្ងន់ធ្ងរឡើង។

ជំនាញទាំងនេះបានផ្តល់គុណប្រយោជន៍ជាច្រើនដល់មនុស្សទូទៅ ទាំងនៅក្នុងវិស័យជំនួញ ពាណិជ្ជកម្ម សេវាកម្ម និងជួយជំរុញកំណើនសេដ្ឋកិច្ច ដូចជា៖

ទី១ គឺការផ្សារភ្ជាប់រវាងជំនាញបុគ្គលិក និងតម្លៃភាគហ៊ុនក្រុមហ៊ុន។ ក្នុងកំឡុងពេលមានការរាតត្បាតកូវីដ-១៩ បានប៉ះពាល់ដល់សេដ្ឋកិច្ចជាខ្លាំង និងបានបង្ខំឱ្យអាជីវកម្មជាច្រើនផ្លាស់ប្តូរវិធីរបៀបដំណើរការរបស់ពួកគេ។ ក្រុមហ៊ុនដែលមានបុគ្គលិកចេះជំនាញឌីជីថលមានការត្រឡប់មកវិញជាមួយភាគហ៊ុនល្អ និងប្រសើរជាងក្រុមហ៊ុនដែលយឺតយ៉ាវក្នុងជំនាញទាំងនេះ។ ដូចនេះ ក្រុមហ៊ុនដែលអាចទប់ទល់នឹងការរំខាននៃការរាតត្បាតបាន គឺជាក្រុមហ៊ុនដូចគ្នាដែលកំពុងវិនិយោគលើជំនាញបុគ្គលិករបស់ពួកគេ។


ទី២ ការពង្រឹងលើជំនាញទាំងនេះជួយបុគ្គលិកឲ្យបង្កើនទំនុកចិត្តលើខ្លួនឯង។ អ្នកសិក្សាដែលទទួលបានការបណ្តុះបណ្តាលនូវជំនាញប្រកួតប្រជែងយ៉ាងហោចណាស់មួយ គឺធ្វើឲ្យពួកគេអារម្មណ៍ជឿជាក់ជាងក្នុងការងារនេះ ។ លើសពីនេះ ការចុះឈ្មោះចូលរៀនក្នុងវគ្គសិក្សាអភិវឌ្ឍន៍ជំនាញផ្ទាល់ខ្លួននៅលើវេទិកា Coursera បានកើនឡើងពី ៣,១ ភាគរយទៅ ៥,៣ ភាគរយ។ របាយការណ៍បានកត់សម្គាល់ថា នៅពេលដែលមនុស្សកំពុងសម្របខ្លួនទៅនឹងជំងឺរាតត្បាត ក៏មានមនុស្សមួយចំនួនចាប់អារម្មណ៍ចំពោះលើការសិក្សាពីចិត្តវិទ្យាវិជ្ជមាន និងចំណេះដឹងខាងផ្លូវចិត្ត។

ទី៣ វិស័យយានយន្តកំពុងមានភាពប្រសើរឡើង ប៉ុន្តែត្រូវបង្កើនល្បឿនលឿនជាងនេះ។ ឧស្សាហកម្មយាន្តយន្តកំពុងធ្វើឱ្យមានវឌ្ឍនភាពលើវិស័យដូចជា យានយន្តស្វយប្រវត្តិ​ និង រថយន្តអគ្គិសនី ប៉ុន្តែចាំបាច់ត្រូវពង្រឹងបន្ថែមទៀត។ ដើម្បីរក្សាល្បឿននៃការផ្លាស់ប្តូរបច្ចុប្បន្ន ក្រុមហ៊ុនត្រូវពង្រឹងការអភិវឌ្ឍន៍ក្នុងជំនាញសំខាន់ៗមួយចំនួនដូចជា បច្ចេកវិទ្យា ​Cloud វិស្វកម្មសុវត្ថិភាព និង ការវិភាគទិន្នន័យ។ សព្វថ្ងៃនេះ រោងចក្ររថយន្តជាច្រើនមិនទាន់មានទំនុកចិត្តថាពួកគេមានលទ្ធភាពទទួលបានទេពកោសល្យដែលត្រូវការដើម្បីបំពេញការងារនៅថ្ងៃអនាគតនោះទេ។ ដើម្បីបិទគម្លាតជំនាញនេះ ក្រុមហ៊ុនរថយន្តត្រូវពង្រឹងបន្ថែមលើជំនាញទាំងនេះជាមូលដ្ឋានបុគ្គលិករបស់ពួកគេ។


ទី៤ ចំណុចខ្វះខាតនៅក្នុងការផលិតកំពុងមានភាពប្រសើរឡើង។ ឧស្សាហកម្មផលិតកម្មកំពុងបង្កើនការទទួលយកបច្ចេកវិទ្យាឆ្លាតវៃដូចជាមនុស្សយន្ត ហើយក្រុមហ៊ុនជាច្រើនកំពុងបំពេញចំណុចខ្វះខាតទាំងនោះតាមរយៈ ការកែប្រែយុទ្ធសាស្ត្រមួយចំនួនពង្រឹងប្រតិបត្តិការ វិស្វកម្មកម្មវិធី និងការវិភាគទិន្នន័យ។

ទី៥ គឺវាជួយសម្រួលដល់គម្លាតជំនាញដែលជាហានិភ័យដល់សេវាកម្មហិរញ្ញវត្ថុ។ នៅឆ្នាំ២០២៥ ឧស្សាហកម្មហិរញ្ញវត្ថុត្រូវបានគេរំពឹងថា នឹងបង្កើតការងារឌីជីថលថ្មីៗចំនួន ១៤ លានការងារ ដោយប្រព័ន្ធប្រតិបត្តិការត្រូវបានជំនួសដោយបច្ចេកវិទ្យា Cloud និងដំណើរការសេវាកម្មហិរញ្ញវត្ថុត្រូវបានផ្លាស់ប្តូរជាឌីជីថល។ ទន្ទឹមនឹងនេះដែរ ការងារទាំងនេះនឹងត្រូវការជំនាញដូចជា ការអភិវឌ្ឍន៍កម្មវិធី ការវិភាគទិន្នន័យ ការរៀនម៉ាស៊ីន AI និង សន្តិសុខតាមអ៊ីនធឺណិត។ ដូចនេះ ក្រុមហ៊ុនហិរញ្ញវត្ថុនឹងត្រូវបន្តកែសម្រួលយុទ្ធសាស្រ្តអាជីវកម្មរបស់ពួកគេ ដើម្បីរក្សាការប្រកួតប្រជែងនៅក្នុងទីផ្សារដែលមានការផ្លាស់ប្តូរយ៉ាងឆាប់រហ័សពីមួយថ្ងៃទៅមួយថ្ងៃ។

ទី៦ គឺវិជ្ជាជីវៈខាងសេវាកម្មកំពុងវិនិយោគលើបច្ចេកវិទ្យានិម្មិត។ ឧស្សាហកម្មខាងផ្នែកសេវាកម្មកំពុងវិនិយោគលើដំណើរការនិម្មិត ដើម្បីបង្កើតឱ្យមានការថយចុះនៃអន្តរកម្មផ្ទាល់ខ្លួន។ ក្រុមហ៊ុនជាច្រើននៅក្នុងវិស័យនេះកំពុងអភិវឌ្ឍជំនាញ និងបច្ចេកវិទ្យាចុងក្រោយគេបង្អស់ ក្នុងការទំនាក់ទំនង ភាពជាអ្នកដឹកនាំ ការគ្រប់គ្រង និងទីផ្សារ ដើម្បីធានាថាទំនាក់ទំនងការងារអាចរីកចម្រើន។

ទី៧ គឺក្រុមហ៊ុនបច្ចេកវិទ្យាកំពុងធ្វើការតាមដាននៃការធ្វើប្រតិប្តិការ ដើម្បីរក្សាល្បឿននៃការច្នៃប្រឌិតយ៉ាងឆាប់រហ័ស។ ឧស្សាហកម្មបច្ចេកវិទ្យាកំពុងធ្វើការពង្រឹងលើជំនាញរបស់ខ្លួនជាមួយនឹងការអភិវឌ្ឍន៍បន្ថែមទៀតទៅលើបច្ចេកវិទ្យាដូចជា ប្រព័ន្ធ Cloud វិស្វកម្មកម្មវិធី និង ការគ្រប់គ្រងទិន្នន័យ។ ទោះជាយ៉ាងណាក្តី ក្រុមហ៊ុននៅក្នុងវិស័យនេះក៏ត្រូវតែពង្រឹងជំនាញអាជីវកម្មសំខាន់ៗរបស់ពួកគេនៅក្នុងផ្នែកដូចជាធនធានមនុស្ស ហិរញ្ញវត្ថុ និងទីផ្សារផងដែរ។ ទី៨ គឺឧស្សាហកម្មទូរគមនាគមន៍កំពុងស្វែងរកការពង្រីកឱកាស 5G។ ដើម្បីបង្កើនឱកាសសម្រាប់កំណើនដែលមាននៅជុំវិញ 5G ក្រុមហ៊ុនកំពុងអភិវឌ្ឍជំនាញលើបណ្តាញកុំព្យូទ័រ វិស្វកម្មសុវត្ថិភាព និងបច្ចេកវិទ្យា Cloud។ ក្រុមហ៊ុននៅក្នុងវិស័យនេះតាមដានពីផលប៉ះពាល់ទិន្នន័យនៃការផ្លាស់ប្តូរទៅ 5G ហើយកំពុងស្វែងរកការកែលម្អជំនាញដូចជា ការវិភាគទិន្នន័យ ការគ្រប់គ្រងទិន្នន័យ និង ការសិក្សាពីបច្ចេកវិទ្យាម៉ាស៊ីន ដើម្បីរក្សាអត្ថប្រយោជន៍ប្រកួតប្រជែងក្នុងទីផ្សារ។ ដូច្នោះហើយ ក្រុមហ៊ុនទាំងអស់នឹងត្រូវបន្តស្វែងរកវិធីថ្មីៗដើម្បីពង្រឹងសមត្ថភាពបុគ្គលិករបស់ពួកគេបង្កើនការច្នៃប្រឌិត និងរក្សាអត្ថប្រយោជន៍ប្រកួតប្រជែងរបស់ពួកគេ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល