សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមរយៈព្រឹត្តិការណ៍ប្រកួតកីឡាស៊ីហ្គេមលើកទី៣២ ដែលនឹងរៀបចំឡើងនាពេលខាងមុខនេះដោយកម្ពុជាធ្វើជាម្ចាស់ផ្ទះ ត្រូវបានរំពឹងថានឹងទទួលបានភ្ញៀវទេសចរ និងវិនិយោគិនបរទេសចូលមកម្ពុជាច្រើនឡើងវិញ ខណៈដែលអ្នកជំនាញរំពឹង និងជឿជាក់ថា កម្ពុជានឹងទទួលបានផលប្រយោជន៍យ៉ាងច្រើន ជាពិសេសភាពទាក់ទាញនៃទីផ្សារអចលនទ្រព្យ។
ព្រឹត្តិការណ៍ស៊ីហ្គេមនឹងនាំមកនូវភ្ញៀវទេសចរអន្តរជាតិជាច្រើនចូលមកកម្ពុជាដើម្បីទស្សនាការប្រកួតកីឡាផ្សេងៗ ដោយក្នុងនោះដែរ អ្នកវិនិយោគឬហៅថាទេសចរធុរកិច្ចក៏នឹងអាចចូលមកកម្ពុជាដើម្បីទស្សនាការប្រកួតកីឡាផង និងស្វែងរកឱកាសវិនិយោគនៅក្នុងប្រទេសកម្ពុជាផងដែរ។ ទាំងនេះ សុទ្ធតែជាឱកាសល្អសម្រាប់អ្នកក្នុងស្រុកចាប់ដៃ ឬស្វាគមន៍ជាមួយវិនិយោគិនបរទេសទាំងនោះបណ្ដាក់ទុនវិនិយោគនៅក្នុងប្រទេសកម្ពុជា។
អ្នកស្រី ហ្គ្រេស រចនី អគ្គនាយិកាក្រុមហ៊ុន Century 21 Cambodia បានលើកឡើងថា ព្រឹត្តិការណ៍ស៊ីហ្គេមគឺជាឱកាសមួយដែលកម្ពុជាអាចបង្កើនការវិនិយោគឡើងវិញ ដោយសារតែព្រឹត្តិការណ៍មួយនេះជាព្រឹត្តិការណ៍អន្តរជាតិ ហើយនឹងមានភ្ញៀវអន្តរជាតិចូលមកចូលរួមទាំងអ្នកចូលរួមផ្ទាល់ និងអ្នកទស្សនា ។
អ្នកស្រីរំពឹងថា ក្រោយចប់ព្រឹត្តិការណ៍នេះ វិនិយោគិនបរទេសនឹងអាចមកកម្ពុជាម្ដងទៀត ហើយបណ្ដាក់ទុនវិនិយោគបន្ទាប់ពីពួកគេបានមើលពីសក្ដានុពលនៃការវិនិយោគនៅកម្ពុជាក្នុងពេលពួកគេបានទស្សនារួចមកហើយនោះ ។
ដោយឡែកអ្នកស្រី អាន សុធីតា នាយិកាប្រតិបត្តិនៃក្រុមហ៊ុន PropNex Cambodia ក៏បានលើកឡើងស្រដៀងគ្នាផងដែរថា ជាទូទៅនៅពេលមានព្រឹត្តិការណ៍អន្តរជាតិដែលកម្ពុជាធ្វើជាម្ចាស់ផ្ទះ គេតែងតែឃើញថាកំណើននៃការវិនិយោគពីបរទេសមានការកើនឡើង សម្រាប់រយៈពេល២ឆ្នាំមកនេះ គឺ២០២២ និងឆ្នាំ២០២៣ កម្ពុជាបានធ្វើជាម្ចាស់នៃព្រឹត្តិការណ៍សំខាន់ៗរហូតដល់ទៅ២ ដូច្នេះក្រោយព្រឹត្តិការណ៍នេះចប់សព្វគ្រប់ ការវិនិយោគពីបរទេសក៏នឹងអាចនឹងកើនឡើង ហើយអាចនឹងខ្លាំងទៀតផង ។
លោកឧកញ៉ា គីម ហ៊ាង ប្រធាន KW Cambodia បានមានប្រសាសន៍ថា ក្រុមហ៊ុនបរទេសចូលមកកម្ពុជាលុះត្រាតែកម្ពុជាមានសេដ្ឋកិច្ចរឹងមាំ មានច្បាប់រឹងមាំ ហើយជាក់ស្ដែងកម្ពុជាទទួលបានក្រុមហ៊ុនបរទេសជាច្រើនរួចមកហើយ រួមទាំងក្រុមហ៊ុនអាមេរិកផងដែរ ជាក់ស្ដែងក្រុមហ៊ុន KW ដែលប្រទេសជាច្រើនចង់បានយីហោនេះទៅធ្វើអាជីវកម្មតែទទួលមិនបាន ដោយសារខ្វះលក្ខខណ្ឌ ប៉ុន្តែសម្រាប់កម្ពុជាបាននាំយកក្រុមហ៊ុនយក្សមួយនេះរួចមកហើយ ហើយនៅមានក្រុមហ៊ុនអាមេរិកជាច្រើនទៀតដែលគ្រោងនឹងនាំចូលមកកម្ពុជាផងដែរ ៕
Account
Security
Favourite Content