ទីផ្សារគ្រំជំពុះទា កំពុងមានភាពល្បីល្បាញ និងជួយជីវភាពសហគមន៍ឱ្យរីកចម្រើន

កោះកុង ៖ គ្រំជំពុះទា ដែលកំពុងមានវត្តមាននៅក្នុងតំបន់ការពារសហគមន៍ពាមក្រសោបខេត្តកោះកុង ត្រូវបានប្រជាសហគមន៍នាំគ្នាប្រកាន់ខ្ជាប់ធ្វើជាមុខរបរសម្រាប់ចិញ្ចឹមជីវិត ដែលក្រៅពីការចូលរួមថែរក្សាព្រៃកោងកាងដែលជាទីជម្រករបស់គ្រំ ការរាវ ឬប្រមូលផលនេសាទនៅក្នុងតំបន់ការពារ ថែមទាំងមានការចិញ្ចឹមបន្ថែមដើម្បីបំពេញតាមតម្រូវការទីផ្សារដែលកំពុងផុលផុសនាពេលបច្ចុប្បន្ន។

លោក វង្ស តារា ជាអ្នកគ្រប់គ្រងសិប្បកម្មកែច្នៃគ្រំជំពុះទា នៅក្នុងភូមិ២ឃុំពាម ក្រសោប ស្រុកមណ្ឌលសីមា ខេត្តកោះកុង បានមានប្រសាសន៍ឱ្យដឹងថា សព្វថ្ងៃនេះទីផ្សាគ្រំជំពុះទា មានភាពល្អប្រសើរ ដោយក្រសួងបរិស្ថានបានធ្វើការផ្សព្វផ្សាយធ្វើឱ្យអ្នកនៅភ្នំពេញ ឬអ្នកនៅតាមបណ្តាខេត្ត បានស្គាល់ និងកុម៉្មង់ទិញ ដោយភ្ញៀវជាម្ចាស់ម៉ាត ផ្សារទំនើប និងម្ចាស់ភោជនីយដ្ឋាន នៅរាជធានីភ្នំពេញ កម្មង់សម្រាប់ចែកចាយបន្ត។

លោក វង្ស តារា បានបន្តឱ្យដឹងថា គ្រំជំពុះទានេះបានធ្វើឱ្យជីវភាពគ្រួសាររបស់ប្រជាសហគមន៍មានភាពរីកចម្រើន ហើយក៏ជាកត្តាឡករណ៍ដែលជំរុញឱ្យប្រជាសហគមន៍ចូលរួមជួយអភិរក្សព្រៃកោងកាងមិនដកហូតយកដូចពីមុននោះទេ។ ជាមួយគ្នានេះ គ្រំជំពុះទាពីមួយឆ្នាំទៅមួយឆ្នាំ មានការកើនឡើងដោយសារនៅក្នុងព្រៃតំបន់សហគមន៍ពាមក្រសោមត្រូវបានថែរក្សាការពារបាន១០០ភាគរយគ្មានការកាប់បំផ្លាញ។

លោកបានបញ្ជាក់ថា ៖

“សព្វថ្ងៃនេះមានអតិថិជននៅភ្នំពេញ និងតាមផ្សារទំនើបនានាបានកុម៉្មង់ ដើម្បីយកទៅលក់បន្ត ដោយមួយថ្ងៃលក់បានប្រមាណចន្លោះពី ២០០គីឡូក្រាម ទៅ ៣០០គីឡូ​ក្រាម (គ្រំមិនទាន់បក ឬកែច្នៃ) ដោយគ្រំមិនទាន់កែច្នៃក្នុងមួយគីឡូក្រាមមានតម្លៃ ៣០០០ រៀល ចំណែកកែច្នៃរួចហើយ១គីឡូ ក្រាម៤ម៉ឺនរៀល។”

ជាមួយគ្នានេះ លោក តារា ក៏បានប្រាប់ឱ្យដឹងផងដែរថា ក្រៅពីការប្រមូលផល និងនេសាទតាមទំនៀមទម្លាប់ ក៏មានការចិញ្ចឹមគ្រំជំពុះទាបន្ថែមដើម្បីឱ្យគ្រប់តម្រូវការទីផ្សារ ដោយការចិញ្ចឹមត្រូវការចំណាយពេលចាប់ពី៦ខែ ទៅ១ឆ្នាំ ទើបអាចប្រមូលផលបាន។ ការចិញ្ចឹមនេះមិនបានប្រើចំណីនោះទេ គឺបែបធម្មជាតិនៅក្នុងទឹកសមុទ្រតែម្តង ខណៈដែលការចិញ្ចឹមគ្រំជំពុះទាកាលពីដើមឡើយ(ឆ្នាំ១៩៩៤) មានតែ ២ ឬ៣គ្រួសារ ប៉ុណ្ណោះ ប៉ុន្តែរហូតមកដល់ពេលនេះមានការរីកចម្រើនដោយនៅក្នុងសហគមន៍នៃតំបន់ការពារព្រៃធម្មជាតិមានចំនួនជាង១០០គ្រួសារ លើផ្ទៃទឹកប្រហែលជាង៦០ហិកតា។

គួរឱ្យដឹងផងដែរថា បច្ចុប្បន្ននេះ ក្នុងមួយថ្ងៃសហគមន៍ពាមក្រសោមបានលក់ និងនាំចេញគ្រំជំពុះទាទៅកាន់ប្រទេសថៃចន្លោះពី២០ ទៅ៥០តោន ហើយចាប់ពីខែមករា ដល់ខែឧសភា សហគមន៍បានលក់ទៅកាន់ទីផ្សារប្រទេសថៃបានប្រហែល២ពាន់តោន ដោយក្នុងមួយតោនលក់ក្នុងតម្លៃ១លានរៀល។

ឯកឧត្តម នេត្រ ភក្ត្រា រដ្ឋលេខាធិការ និងជាអ្នកពាក្យក្រសួងបរិស្ថាន បានថ្លែងថា សម្រាប់សហគមន៍ពាមក្រសោប មានប្រជាជនជាង ១៥០ គ្រួសារក្នុងចំណោមសមាជិកទាំងអស់ជាង ៣០០ គ្រួសារ ដោយក្នុងមួយឆ្នាំ បងប្អូនបានប្រមូលផលគ្រំចំពុះទាចន្លោះពី ២០០០ ទៅ ៣០០០ តោន និងបានប្រកបរបបចិញ្ចឹមគ្រំចំពុះទាលើផ្ទៃទឹកប្រមាណ ៦០ហិកតា។ ក្រៅពីការចិញ្ចឹម បច្ចុប្បន្ននេះ ប្រជាសហគមន៍ពាមក្រសោប បានពង្រីកខ្លួនបង្កើតជាសិប្បកម្មកែច្នៃគ្រំចំពុះទានេះ សម្រាប់ចែកចាយនៅលើទីផ្សារ ដោយទទួលបានការគាំទ្រយ៉ាងខ្លាំងពីសំណាក់អ្នកនិយមបរិភោគ។

ជាមួយគ្នានេះ ឯកឧត្តម ក៏បានជំរុញឱ្យសិប្បកម្មកែច្នៃគ្រំចំពុះទានេះត្រូវអនុវត្តតាមស្តងដារអនាម័យ ដើម្បីធ្វើយ៉ាងណាឱ្យផលិផលកែច្នៃនេះទទួលបានការគាំទ្រពីសំណាក់អតិថិជន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ