អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

អំពិលទុំ គឺជាគ្រឿងទេសដ៏សំខាន់មួយប្រភេទសម្រាប់បន្ថែមរសជាតិជូរក្នុងមុខម្ហូបអាហារ ហើយមិនត្រឹមតែប៉ុណ្ណោះ វាក៏ត្រូវបានគេយកទៅកែច្នៃធ្វើជាភេសជ្ជៈទឹកអំពិលទុំ ដែលមានរសជាតិជូរ ផ្អែម ឆ្ងាញ់ ជាប់មាត់ និងកំពុងមានតម្រូវការទីផ្សារខ្ពស់។

ជាសហគ្រាសខ្នាតតូចក្នុងស្រុកមួយបានបង្កើតផលិតផលថ្មីក្នុងរូបភាពជាភេសជ្ជៈច្នៃចេញពីទឹកអំពិលទុំ ក្រោមស្លាកយីហោ «ស្នាដៃអ្នកម្តាយ TAPT» ដែលកំពុងមានសកម្មភាពយ៉ាងមមាញឹកនៅក្នុងអាជីវកម្មកែច្នៃរបស់ខ្លួនដើម្បីផ្គត់ផ្គង់នៅតាមទីផ្សារគោលដៅរបស់ខ្លួនស្ទើរទូទាំងប្រទេស ខណៈដែលផលិតផលក្នុងរូបភាពភេសជ្ជៈទឹកអំពិលទុំនេះផ្តល់ភាពងាយស្រួលក្នុងការទទួលទាន ដោយគ្រាន់តែយកបរិមាណសមស្របណាមួយដែលខ្លួនចង់ទទួលទាន ហើយឆុងជាមួយទឹកក្ដៅ រួចបន្ថែមទឹកកកជាការស្រេច។

លោក ប្រាក់ សុខធី ជាម្ចាស់សហគ្រាស ទឹកអំពិលទុំស្នាដៃអ្នកម្តាយ TAPT មានទីតាំងស្ថិតនៅភូមិជ្រាវ សង្កាត់ជ្រាវ ក្រុងសៀមរាប បានមានប្រសាសន៍ប្រាប់ AMS Economy ថា៖

«ភេសជ្ជៈទឹកអំពិលទុំរបស់យើងគឺងាយស្រួលបំផុតក្នុងការឆុង ដោយគ្រាន់តែដាក់ល្បាយទឹកអំពិលទុំតាមបរិមាណដែលចង់ទទួលទាន ហើយឆុងជាមួយនឹងទឹកក្តៅបន្តិច ដាក់ទឹកកកចូលជាការស្រេច ហើយវាមានរសជាតិជូរផ្អែមឆ្ងាញ់ ដោយមានលាយជាមួយសាច់ម្នាស់ ព្រមទាំងសណ្ដែកដី និងល្ងរផងដែរ ដើម្បីបង្កើនក្លិនឈ្ងុយ»។

ម្ចាស់សហគ្រាសមួយនេះបន្តថា ៖

« តាមលទ្ធភាពជាក់ស្ដែង ក្នុងមួយខែយើងអាចលក់បានប្រមាណ ១២០០-២០០០កំប៉ុង ក្នុងតម្លៃមួយកំប៉ុង ២៥០០០រៀល។ ក្រៅពីរសជាតិអំពិលទុំ យើងក៏មានជារសជាតិផ្សេងទៀតដូចជា រសជាតិសណ្ដែកដី រសជាតិកន្ទួត និងរសជាតិខ្ញី ហើយភាគច្រើនយើងលក់ទៅតាមបណ្ដាលតូប ឬហាងលក់ភេសជ្ជៈនានាស្ទើរទូទាំងប្រទេស។ ភេសជ្ជៈរបស់យើងមានភាពខុសប្លែកពីភេសជ្ជៈដទៃ ដោយសារវាជាផលិតផលបង្កើតឡើងក្នុងស្រុកផ្ទាល់ គ្មានសារធាតុរក្សាទុក ឬសារធាតិគីមីដែលធ្វើឱ្យប៉ះពាល់ដល់សុខភាពអ្នកទទួលទាននោះទេ»។

ទាក់ទងនឹងការផលិតវិញទឹកអំពិលទុំដែលមានរសជាតិឆ្ងាញ់ គេត្រូវជ្រើសរើសយកវត្ថុធាតុដើមដែលមានគុណភាពល្អ ដូចជាសាច់អំពិលទុំ ម្នាស់ សណ្ដែកដី ក៏ដូចជាក៏ជាល្ង ដែលទុំល្អ និងត្រូវឆ្លងកាត់ការពិនិត្យយ៉ាងល្អិតល្អន់មុននឹងយកទៅចម្អិន។ បន្ទាប់មក ក្នុងការចម្អិនត្រូវប្រើភ្លើងក្ដោល្មម ដើម្បី​ឱ្យវាឆ្អិនស្មើសាច់ល្អ ទើបគេអាចយកទៅវេចខ្ចប់ប្រកបដោយអនាម័យ ដើម្បីធានាបានថា ផលិតផលមានគុពភាព សុវត្ថិភាព ស័ក្តិសមនឹងតម្លៃសម្រាប់អតិថិជនដែលជឿទុកចិត្ត។

ជាមួយនឹងកិច្ចដំណើរការរបស់សហគ្រាសមួយនេះ លោក ប្រាក់ សុខធី ក៏បង្ហើបឱ្យដឹងផងដែរថា សហគ្រាសរបស់លោកទទួលបានកញ្ចប់ជំនួយពីសហគ្រិនខ្មែរ Khmer Enterprise ដែលបានជួយដោះស្រាយបញ្ហាទាំងផ្នែកបច្ចេកទេស និងដើមទុន រួមជាមួយនឹងការរៀបចំអគារសិប្បកម្ម ម៉ាស៊ីនផលិត វត្ថុធាតុដើម និងសំបកវេចខ្ចប់ថ្មី ដែលជួយឱ្យអាជីវកម្មផលិតទឹកអំពិលទុំមួយនេះកាន់តែមានដំណើរការទៅមុខបន្ថែមទៀត។

គួររំឭកដែរថា រូបមន្តទឹកអំពិលទុំស្នាដៃអ្នកម្ដាយនេះត្រូវបានបង្កើតឡើងក្នុងឆ្នាំ២០១៣ ដោយអ្នកម្តាយរបស់លោក ឈ្មោះ សុធី ហើយទើបតែមានសម្ទុះនៃការគាំទ្រច្រើនក្នុងឆ្នាំ២០២១។ សហគ្រាសមួយនេះបានចាប់ផ្តើមកែច្នៃចេញពីទម្រង់អាជីវកម្មលក្ខណៈគ្រួសារបន្តពីម្ដាយ រហូតបានអភិវឌ្ឍទៅជាសហគ្រាសផលិតទឹកអំពិលទុំ ក្រោមយីហោ ទឹកអំពិលទុំស្នាដៃអ្នកម្ដាយ TAPT ក្រោមការទទួលស្គាល់ពីក្រសួង ស្ថាប័នពាក់ព័ន្ធ និងកំពុងចរាចរណ៍ដាក់លក់នៅលើទីផ្សារស្ទើរទូទាំងប្រទេស៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល