សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កប៉ាល់កុងតឺន័រខ្នាតយក្សដែលដំណើរការដោយក្រុមហ៊ុនដឹកជញ្ជូនយក្សចិន Cosco ចំនួន ២ គ្រឿងកាលពីថ្ងៃអាទិត្យ បានចាប់ផ្ដើមបើកឆ្លងកាត់ច្រកសមុទ្រ Hormuz សាឡើងវិញ បន្ទាប់ពីបញ្ឈប់ការធ្វើនាវាចរណ៍មួយរយៈធំ ដោយសារតែជម្លោះនៅតំបន់មជ្ឈិមបូព៌ា។
ការចាប់ផ្ដើមបើកឆ្លងកាត់ច្រកសមុទ្រ Hormuz ឡើងវិញពីសំណាក់កប៉ាល់កុងតឺន័រចិនកើតមានឡើង បន្ទាប់ពីអ៊ីរ៉ង់ប្រកាសថា កប៉ាល់ចិន រុស្ស៊ី និងមហាមិត្ត ៣ ទៀតរបស់ខ្លួនអាចចេញចូល ក៏ដូចជាប្រើប្រាស់ច្រកសមុទ្រមួយនេះសម្រាប់ការដឹកជញ្ជូនទំនិញបានដោយសេរី។
បើតាមទិន្នន័យពី MarineTraffic កប៉ាល់កុងតឺន័ររបស់ក្រុមហ៊ុន Cosco ទាំងពីរគ្រឿងនេះបានធ្វើដំណើរឆ្លងកាត់ច្រកសមុទ្រ Hormuz ដោយជោគជ័យ និងគ្មានការភ័យខ្លាច ក្នុងគោលដៅតម្រង់ទៅកំពង់ផែ Klang របស់ប្រទេសម៉ាឡេស៊ី។
បើតាម Anadolu ក្រោយការបើកដៃឲ្យឆ្លងកាត់ច្រកសមុទ្រ Hormuz ពីសំណាក់អ៊ីរ៉ង់រួចមក, ក្រុមហ៊ុន Cosco ទទួលបានការបញ្ជា កក់យ៉ាងច្រើនសម្រាប់ការដឹកជញ្ជូនកុងតឺន័រពីប្រទេសចុងបូព៌ាទៅកាន់អារ៉ាប់រួម អារ៉ាប៊ីសាអូឌីត បារ៉ែន កាតា គុយវ៉ែត និងអ៊ីរ៉ាក់។
ក្រុមហ៊ុន Cosco គឺជាក្រុមហ៊ុនដឹកជញ្ជូនទំនិញតាមដែនសមុទ្រដ៏លេចធ្លោបំផុតមួយរបស់ពិភពលោក ។ យ៉ាងណា ក្រុមហ៊ុនបានផ្អាកសេវាកម្មដឹកទំនិញទាំងទៅ និងមកពីប្រទេសឈូងសមុទ្រជាច្រើន ចាប់តាំងពីសហរដ្ឋអាមេរិក និងអ៊ីស្រាអែល ព្រួតដៃគ្នាវាយប្រហារលើអ៊ីរ៉ង់កាលពីចុងខែកុម្ភៈ។
អ្នកត្រួតពិនិត្យច្រកសមុទ្រនិយាយថា ការដឹកជញ្ជូននេះគឺជាការចាប់ផ្ដើមទម្លាយភាពទាល់ច្រកផ្នែកការទូតរវាងទីក្រុងប៉េកាំង និងទីក្រុងតេអេរ៉ង់លើសិទ្ធិឆ្លងកាត់ច្រកសមុទ្រ Hormuz ដែលកំពុងកើតមានជម្លោះ។
ច្រកសមុទ្រ Hormuz គឺជាផ្លូវដឹកជញ្ជូនដ៏សំខាន់សម្រាប់ពាណិជ្ជកម្ម និងសន្តិសុខថាមពលពិភពលោក។ ប៉ុន្តែសង្គ្រាមនៅតំបន់មជ្ឈិមបូព៌ាធ្វើឲ្យប៉ះពាល់ប្រហែល ២០ ភាគរយនៃការផ្គត់ផ្គង់ប្រេងរបស់ពិភពលោក។
បើតាម RT, ចាប់តាំងពីភ្លើងសង្គ្រាមនៅតំបន់មជ្ឈិមបូព៌ាផ្ទុះឡើងកាលពីថ្ងៃទី២៨ ខែកុម្ភៈ ឆ្នាំ ២០២៦ មក តម្លៃប្រេងបានហក់ឡើងដល់កម្រិតខ្ពស់បំផុតមិនធ្លាប់មាន រហូតដល់ជិត ១២០ ដុល្លារក្នុងមួយធុងបារ៉ែល៕
ប្រភព ៖ Anadolu ប្រែសម្រួល ៖ សុខ ជីវ័ន្ត
Account
Security
Favourite Content