សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ចិនជាប្រទេសដៃគូដ៏សំខាន់មួយដែលបានជួយអភិវឌ្ឍន៍ហេដ្ឋារចនាសម្ព័ន្ធជាច្រើននៅកម្ពុជា ក្នុងនោះគ្រាន់តែស្ពានដែលចិនបានផ្ដល់ឥណទានដល់កម្ពុជាសម្រាប់សាងសង់គិតត្រឹមឆ្នាំ២០២៤នេះមានចំនួន១៦គម្រោង ហើយនៅព្រឹកថ្ងៃទី១៩ កុម្ភៈ ២០២៤នេះ ស្ពានទី១៦ដែលជាឥណទានសម្បទានពីសាធារណរដ្ឋប្រជាមានិតចិន បានបើកការដ្ឋានសាងសង់ជាផ្លូវការក្រោមអធិបតីភាព សម្ដេចធីបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។
បើតាមប្រភពក្រសួងសាធារណការនិងដឹកជញ្ជូនបានបង្ហាញពីគម្រោងស្ពានដែលសាងសង់ក្រោមឥណទានសម្បទានពីសាធារណរដ្ឋប្រជាមានិតចិន រួមមាន ៖
1. ស្ពានមិត្តភាពកម្ពុជា-ចិន(សេកុងស្ទឹងត្រែង)
2. ស្ពានមិត្តភាព កម្ពុជា-ចិន(ព្រែកក្ដាម)
3. ស្ពានមិត្តភាពកម្ពុជា-ចិន(ព្រែកតាមាក់)
4. ស្ពានមិត្តភាពកម្ពុជា-ចិន (ជ្រោយចង្វារទី២)
5. ស្ពានមិត្តភាពកម្ពុជា-ចិន(មេគង្គស្ទឹងត្រែង)
6. ស្ពានមិត្តភាពកម្ពុជា-ចិន (តាខ្មៅ)
7. ស្ពានមិត្តភាពកម្ពុជា-ចិន(កោះធំ)
8. ស្ពានអាកាសមិត្តភាពកម្ពុជា-ចិន(សែនសុខ)
9. ស្ពានមិត្តភាពកម្ពុជា-ចិន(ស្ទឹងត្រង់-ក្រូចឆ្មារ)
10. ស្ពានមិត្តភាពកម្ពុជា-ចិន(កោះអន្លង់ចិន)
11. ស្ពាន មិត្តភាពកម្ពុជា-ចិន(ឆ្លងកាត់ទន្លេមេគង្គក្រចេះ)
12-15. ស្ពានរំលង ឬស្ពានអាកាសចំនួន ៤កន្លែង (កាត់ពី លើផ្លូវជាតិលេខ៤ លេខ៣ លេខ២ និងលេខ២១) ដែលជាផ្នែកនៃគម្រោងផ្លូវក្រវាត់ក្រុងទី៣
16.ស្ពាន ឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា)
សម្រាប់ស្ពានឆ្លងកាត់ទន្លេបាសាក់ ចាក់អង្រែក្រោម-ព្រែកប្រា ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូនបានមានប្រសាសន៍ថា គម្រោងស្ពាននេះ ជាគម្រោងយុទ្ធសាស្ត្រមួយយ៉ាងសំខាន់សម្រាប់តភ្ជាប់ទំនាក់ទំនង និងក្ដីសង្ឃឹមរបស់ប្រជាពលរដ្ឋអាជីវករ ធុរជន និងវិនិយោគិន តាមរយៈការជួយសម្របសម្រួលការធ្វើដំណើរទៅមក និងការដឹកជញ្ជូនគ្រប់ប្រភេទ ពិសេសអាចកាត់បន្ថយការកកស្ទះចរាចរណ៍នៅលើស្ពានព្រះមុនីវង្ស ស្ពានកោះពេជ្រ កោះនរាហ៍ និងស្ពានព្រែកសំរោង ក្រុងតាខ្មៅ បានមួយកម្រិតបន្ថែមទៀត ។
ឯកឧត្តមបានបន្តថា គម្រោងនេះនឹងជួយដល់ការអភិវឌ្ឍ និងពង្រឹងបន្ថែម តំបន់ភូមិសាស្ត្ររបស់រាជធានីភ្នំពេញ ឱ្យមានវិសាលភាពកាន់តែទូលំទូលាយ ដោយមានហេដ្ឋារចនាសម្ព័ន្ធប្រទាក់ក្រឡាគ្នាកាន់តែល្អប្រសើរ ។ ជារួម ការសាងសង់ និងផ្លូវតភ្ជាប់នេះ គឺអនុវត្តន៍ស្របតាមកម្មវិធីនយោបាយដ៏ត្រឹមត្រូវរបស់រាជរដ្ឋាភិបាលកម្ពុជា ក្នុងការតភ្ចាំប់ហេដ្ឋារចនាសម្ព័ន្ធ ផ្លូវស្ពាន សំខាន់ៗ ។
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ផងដែរថា ការសាងសង់ស្ពាន និងហេដ្ឋារចនាសម្ព័ន្ធទាំងអស់នាពេលកន្លងមកគឺជាបង្រួមពេលវេលាសម្រាប់បងប្អូនក្នុងការធ្វើដំណើរ។ ជាក់ស្ដែងកាលពីមុន បងប្អូនធ្វើដំណើរទៅខេត្តស្ទឹងត្រែងអាចនឹងសម្រាកតាមផ្លូវ តែបច្ចុប្បន្នបងប្អូនអាចធ្វើដំណើរវិលល្ងាចបានយ៉ាងស្រួល ដោយសារមានផ្លូវ មានស្ពានឆ្លងកាត់ទន្លេ ចំណាយពេលវេលាកាន់តែខ្លី ៕
Account
Security
Favourite Content