សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេលប៉ុន្មានឆ្នាំចុងក្រោយនេះ វិនិយោគិនទាំងជាតិ និងអន្តរជាតិជាច្រើនហាក់មានការចាប់អារម្មណ៍ទីតាំងវិនិយោគរបស់ខ្លួននៅក្នុងខេត្តកំពង់ស្ពឺខ្លាំងណាស់ ហើយក្នុងរយៈពេលប៉ុន្មានមកនេះ ខេត្តកំពង់ស្ពឺក៏ទទួលបានការវិនិយោគជាច្រើនគម្រោងដែរ ជាពិសេសគម្រោងវិនិយោគលើរោងចក្រឧស្សាហកម្ម និងការកែច្នៃកសិផល។
ក្នុងឆ្នាំ២០២២៣នេះដែរ ពោលគឺបន្ទាប់ពីប្រទេសចិនបានបើកទូលាយចំពោះការចេញចូលភ្ញៀវទេសចររបស់ខ្លួន និងទេសចរបរទេសអាចចេញចូលក្នុងប្រទេសចិនវិញបាននោះ មានវិនិយោគិនចិនជាច្រើនបានមកដល់កម្ពុជា និងស្វែងរកការវិនិយោគនៅក្នុងខេត្តកំពង់ស្ពឺ តំបន់ភាគខាងលិចរាជធានីភ្នំពេញ ដែលធ្វើឱ្យខេត្តនេះកំពុងត្រូវប៉ាន់ មានយីអ៊ុនឡើងស្រឺតៗតែម្ដង ។
យោងតាមការផ្សព្វផ្សាយរបស់ឯកឧត្តម វី សំណាង អភិបាលខេត្តកំពង់ស្ពឺបាបង្ហាញពីជំនួបជាមួយវិនិយោគិនបរទេសជាច្រើន ជាពិសេសវិនិយោគិនជនជាតិចិនដែលមានបំណងមកបណ្ដាក់ទុនវិនិយោគនៅក្នុងខេត្តកំពង់ស្ពឺ។ ជាក់ស្ដែងថ្មីៗនេះ លោកក៏បានបង្ហាញពីជំនួបរវាងលោក និងវិនិយោគិនចិនមកពីខេត្តហឺណានដែលគក្រោងនឹងមកដាក់ទុនវិនិយោគបង្កើតកសិដ្ឋានចិញ្ចឹមគោ និងជ្រូក និងបង្កើតរោងចក្រកែច្នៃ សាច់គោ និងសាច់ជ្រូក ដើម្បីផ្គត់ផ្គង់ក្នុងស្រុក និងនាំចេញទៅកាន់ទីផ្សារអន្តរជាតិផងដែរ ។
ក្រៅពីគម្រោងវិនិយោគទាំងនេះ មានគម្រោងវិនិយោគជាច្រើនទៀតត្រូវបានចាប់អារម្មណ៍ដាក់ទីតាំងនៅក្នុងខេត្តកំពង់ស្ពឺ ជាក់ស្ដែងគម្រោងរោងចក្រផលិតស៊ីម៉ង់ត៏ធំមួយក៏ទើបត្រូវបានក្រុមប្រឹក្សាអភិវឌ្ឍន៍កម្ពុជាអនុញ្ញាតឱ្យដំណើរការវិនិយោគជាផ្លូវការកាលពីប៉ុន្មានថ្ងៃមុននោះផងដែរ ហើយគម្រោងរោងចក្រឧស្សាហកម្មជាច្រើនទៀតក៏បានមើលឃើញថារីកដុះដាលកាន់តែខ្លាំងនៅក្នុងខេត្តមួយនេះ ។
យោងតាមសេចក្ដីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជាបានបង្ហាញផងដែរថា ក្នុងចំណោមបណ្ដារាជធានីខេត្តក្នុងប្រទេសកម្ពុជា ឃើញថាខេត្តកំពង់ស្ពឺទទួលបានគម្រោងវិនិយោគដែលក្រុមប្រឹក្សាអភិវឌ្ឍន៍កម្ពុជាបានអនុញ្ញាតឱ្យដំណើរការវិនិយោគច្រើនជាងគេ ដែលធ្វើឱ្យតម្រូវការដីប្រើប្រាស់សម្រាប់សង់រោងចក្រនិងឃ្លាំងនៅក្នុងខេត្តកំពង់ស្ពឺកើនឡើងខ្ពស់ ។
លោក បូ សេងហួរ ភ្នាក់ងារអចលនទ្រព្យមួយរូបប្រចាំខេត្តកំពង់ស្ពឺ បានលើកឡើងថា កំណើនរោងចក្រ និងគម្រោងរោងចក្រថ្មីៗក្នុងទឹកដីខេត្តកំពង់ស្ពឺ ធ្វើឱ្យតម្រូវការដីសម្រាប់ប្រើប្រាស់ក្នុងខេត្តនេះ កាន់តែមានខ្ពស់ដែលធ្វើឱ្យតម្លៃដីធ្លីបានកើនឡើងជាបន្តបន្ទាប់ ជាពិសេស បានកែប្រែពីដីកសិកម្ម ទៅជាដីឧស្សាហកម្ម កែប្រែជីវភាពម្ចាស់ដីដែលពីមុនរកចំណូលបានតិចមកជាចំណូលខ្ពស់ តាមរយៈការជួល ឬលក់ដីទៅម្ចាស់គម្រោងវិនិយោគសម្រាប់ធ្វើជារោងចក្រ និងឃ្លាំងស្តុកទំនិញ ។
អ្នកជំនាញនៃវិស័យអចលនទ្រព្យជាច្រើនទៀតបានផ្ដល់ជាមតិសម្រាប់អ្នកវិនិយោគលើរោងចក្រឧស្សាហកម្មនានា ទៅកាន់តំបន់នៃខេត្តកំពង់ស្ពឺ ពីព្រោះខេត្តនេះនៅមានដីទូលាយច្រើនសម្រាប់ផ្គត់ផ្គង់ដល់ឧស្សាហកម្ម និងបង្កើតជាតំបន់សេដ្ឋកិច្ច ជាតំបន់ដែលមានភាពងាយស្រួលដឹកជញ្ជូនចេញចូលរោងចក្រ ដោយប្រើប្រាស់ផ្លូវល្បឿនលឿនក៏បានប្រើប្រាស់ផ្លូវជាតិដែលមានស្រាប់ ក៏បានជាពិសេសងាយស្រួលដឹកទៅកំពង់ផែ និងច្រកព្រំដែនកម្ពុជាថៃជាដើម ៕
Account
Security
Favourite Content