សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ចាម ៖ ក្រោយការប្រកាសដាក់ឲ្យដំណើរការជាផ្លូវការនូវស្ពានភ្ជាប់និស្ស័យឆ្លងទន្លេមេគង្គរវាងស្រុកស្ទឹងត្រង់ខេត្តកំពង់ចាម និងស្រុកក្រូចឆ្មារខេត្តត្បូងឃ្មុំក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នៅព្រឹកថ្ងៃទី២៣ ខែវិច្ឆិកា ឆ្នាំ២០២១ អ្នកជំនាញសេដ្ឋកិច្ច និងអចលនទ្រព្យបានមើលឃើញពីសក្ដានុពលមួយចំនួននៅក្នុងតំបន់ដែលភាគច្រើនស្ថិតក្នុងវិស័យឧស្សាហកម្ម និងកសិកម្ម។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានបង្ហាញពីការអបអរសាទរ និងសុទិដ្ឋិនិយមចំពោះវត្តមានស្ពានភ្ជាប់និស្ស័យដែលនឹងចូលរួមយ៉ាងសកម្មក្នុងការជំរុញកំណើនសេដ្ឋកិច្ចជាតិ ជាពិសេសសេដ្ឋកិច្ចក្នុងតំបន់ឲ្យកាន់តែមានភាពល្អប្រសើរ។
លោកឧកញ៉ា លឹម ហឹង បានមានប្រសាសន៍ថា ៖
«ស្ពាន ផ្លូវថ្នល់ គឺជាវិស័យអាទិភាពមួយក្នុងចំណោម៤ (ផ្លូវថ្នល់ ធារាសាស្ត្រ កសិកម្ម និងអគ្គិសនី) ដែលមានសារសំខាន់បំផុតក្នុងការគាំទ្រ និងជំរុញកំណើនសេដ្ឋកិច្ចឲ្យមានភាពរីកចម្រើន ខណៈដែលរាជរដ្ឋាភិបាលបានយកចិត្តទុកដាក់ក្នុងការស្ដារ និងស្ថាបនាសាងសង់យ៉ាងសកម្មនៅទូទាំងប្រទេស»
លោកឧកញ៉ាបន្តថា ៖
«នៅពេលមានផ្លូវថ្នល់ល្អ មានស្ពានងាយស្រួលឆ្លងកាត់ វាបានជួយសម្រួលដល់ការធ្វើដំណើរ ជួយដល់ការដឹកជញ្ជូន កាត់បន្ថយហានិភ័យ និងបានជំរុញទឹកចិត្តដល់បណ្តាអ្នករកស៊ីគ្រប់ប្រភេទឲ្យមានសកម្មភាព និងបង្កើនឱកាសចំណេញពីការវិនិយោគផងដែរ ហើយការសាងសង់ និងដាក់ឲ្យដំណើរការស្ពានឆ្លងទន្លេមេគង្គថ្មីមួយខ្សែនេះជាការបង្ហាញឲ្យឃើញពីការយកចិត្តទុកដាក់របស់រាជរដ្ឋាភិបាលកម្ពុជាក្នុងការលើកកម្ពស់កំណើនសេដ្ឋកិច្ចជាតិ ក៏ដូចជាសេដ្ឋកិច្ចគ្រួសាររបស់ប្រជាពលរដ្ឋនៅក្នុងតំបន់»
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានមានប្រសាសន៍ថា ជាធម្មតា ផ្លូវថ្នល់ ស្ពាន គឺជាហេដ្ឋារចនាសម្ព័ន្ធយ៉ាងសំខាន់ក្នុងគាំទ្រដល់សេដ្ឋកិច្ចជាតិទាំងមូល ហើយក្នុងនោះក៏បានជះឥទ្ធិពលដល់វិស័យអចលនទ្រព្យ និងតម្រូវការនៃការប្រើប្រាស់ដីផងដែរ។
លោក ច្រឹក សុខនីម បានមានប្រសាសន៍បន្តថា ៖
«ស្រុកស្ទឹងត្រង់ដែលស្ថិតនៅក្នុងខេត្តកំពង់ចាម និងស្រុកក្រូចឆ្មារនៃខេត្តត្បូងឃ្មុំ ភាគច្រើនមានសក្ដានុពលទៅលើវិស័យកសិកម្ម និងឧស្សាហកម្មកម្រិតស្រាល ដោយសារតែតំបន់ទាំង២នេះស្ថិតនៅជាប់ប្រភពទឹកដែលអនុគ្រោះដល់ការដាំដុះ ប៉ុន្តែនៅមិនទាន់អនុគ្រោះដល់ការវិនិយោគ និងអភិវឌ្ឍន៍ក្នុងវិស័យសំណង់នៅឡើយ»
លោកបានបន្តថា ៖
«ដោយឡែកសម្រាប់ផលប្រយោជន៍ដែលទទួលបានពីស្ពានថ្មីជាប្រវត្តិសាស្ត្រមួយខ្សែនេះ គឺជួយសម្រួលដល់ការធ្វើដំណើរ ជួយដល់វិស័យដឹកជញ្ជូន ចំណេញពេលវេលាច្រើនក្នុងឆ្លងទន្លេដោយមិនចាំបាច់រង់ចាំឆ្លងនៅកំពង់ចម្លងដូចមុនទៀតនោះទេ ហើយអ្វីដែលសំខាន់ គឺស្ពាននេះបានដើរតួយ៉ាងសំខាន់ក្នុងការតភ្ជាប់រវាងខេត្ត និងខេត្តមួយចំនួនដូចជាខេត្តកំពង់ចាម ខេត្តត្បូងឃ្មុំ ខេត្តក្រចេះ ស្ទឹងត្រែង មណ្ឌលគីរី រតនៈគីរី រហូដល់ការព្រំដែនប្រទេសឡាវ និងវៀតណាមផងដែរ»
យ៉ាងណាក៏ដោយ ពាក់ព័ន្ធទៅនឹងតម្រូវការនៃការអភិវឌ្ឍន៍ និងការប្រើប្រាស់ដីក្នុងទ្រង់ទ្រាយធំក្នុងវិស័យសំណង់ ត្រូវបានប្រធានសមាគមអចលនវត្ថុរូបនេះអះអាងថា អាចត្រូវការពេលវេលាយូរឆ្នាំទៀត ខណៈដែលផ្ទៃដីទំនេរមានច្រើន ហើយតម្លៃនៅទាប ប៉ុន្តែអនុគ្រោះដល់ការវិនិយោគនៅក្នុងវិស័យកសិកម្ម និងកសិឧស្សាហកម្មសម្រាប់ផ្គត់ផ្គង់ទីផ្សារក្នុងស្រុក ក៏ដូចជាការនាំចេញទៅកាន់ទីផ្សារក្រៅប្រទេសផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកជំនាញ មើលឃើញសេដ្ឋកិច្ចកម្ពុជាបន្តរឹងមាំ ទោះស្ថិតក្នុងវិបត្តិសេដ្ឋកិច្ចសកលក៏ដោយ
អ្នកជំនាញសេដ្ឋកិច្ចវិស័យឯកជនព្រមានពីការចំណាយរបស់ពលរដ្ឋអាម៉េរិកកើនឡើងខ្ពស់ ខណៈមន្ត្រីរដ្ឋាភិបាលនិយាយថា ជាសញ្ញាល្អរបស់សេដ្ឋកិច្ច
Account
Security
Favourite Content