សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទីផ្សារលំនៅឋាននៅក្នុងប្រទេសកម្ពុជា នៅតែមានដំណើរការល្អប្រសើរ ដោយមិនរារាំងដោយសារតែវិបត្តិកូវីដ-១៩នោះទេ ជាក់ស្ដែង ផ្អែកតាមការសិក្សារបស់ក្រុមហ៊ុនជំនាញប្រឹក្សាទីផ្សារអចលនទ្រព្យ CBRE Cambodia បានបង្ហាញថា ក្នុងរយៈពេល៦ខែចុងក្រោយនេះ មានគម្រោងបុរីចំនួន ៣៩គម្រោងបានដំណើរការថ្មី ។
នៅក្នុងរបាយការណ៍របស់ CBRE បានបង្ហាញទីផ្សារលំនៅឋានក្នុងបុរី គឺនៅតែមានតម្រូវការ ជាពិសេសទៅតាមតំបន់ដែលមានសក្ដានុពល និងបន្តទាក់ទាញការវិនិយោគពីសំណាក់វិនិយោគិនក្នុងប្រទេស។
អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានឱ្យដឹងថា សម្រាប់រាជធានីភ្នំពេញទទួលបានការអភិវឌ្ឍលើលំនៅឋានមានលក្ខណៈជាបុរីច្រើនជាងគេ ដោយក្នុងចំណោមខណ្ឌទាំង១៤នៅរាជធានីភ្នំពេញ ខណ្ឌដង្កោ ខណ្ឌពោធិ៍សែនជ័យ និងផ្នែកខ្លះនៃខណ្ឌសែនសុខ ទទួលបានការវិនិយោគលើលំនៅឋានច្រើនជាងគេ។
អ្នកនាងបញ្ជាក់ថា ៖
“ខណ្ឌទាំង២នេះយើងឃើញមានទំហំដីធំៗ និងដីទំនេរច្រើនដែលអាចឱ្យវិនិយោគិនស្វែងរកក្នុងការអភិវឌ្ឍន៍លំនៅឋានរបស់ខ្លួន ក្រៅពីនេះសក្ដានុពលនៃខណ្ឌដង្កោ និងខណ្ឌពោធិ៍សែនជ័យ ដូចជាគម្រោងផ្លូវក្រវ៉ាត់ក្រុង ផ្សារទំនើប ព្រលាន្តហោះអន្តរជាតិថ្មី ដែលធ្វើឱ្យវិនិយោគិនសម្លឹងទៅរកតំបន់នោះសម្រាប់អភិវឌ្ឍន៍លំនៅឋានផ្គត់ផ្គង់លើទីផ្សារ”
ក្នុងរបាយការណ៍របស់ CBRE Cambodia បានបង្ហាញផងដែរថា គម្រោងចំនួនធំៗដែលបានដំណើរការក្នុងឆ្នាំ២០២២នេះ រួមមានគម្រោង Angkor Palace នៅខណ្ឌដង្កោ ជាប្រភេទលំនៅឋានតម្លៃខ្ពស់ គម្រោង Prince One Tropica នៅខណ្ឌសែនសុខ ជាប្រភេទលំនៅឋានតម្លៃមធ្យម គម្រោងបុរី ELT The Courtyard 60M នៅខណ្ឌដង្កោ ជាប្រភេទ លំនៅឋានតម្លៃមធ្យម និងបុរីបុស្បាអប្សរមេរ៉ា នៅក្នុងខណ្ឌដង្កោ និងជាប្រភេទលំនៅឋានតម្លៃមធ្យម។
លោក ទឹម វណ្ណនី ស្ថាបនិក និងជាអគ្គនាយកក្រុមហ៊ុនអភិវឌ្ឍន៍បុស្បា បានមានប្រសាសន៍ថា ៖
“កត្តាដែលក្រុមហ៊ុនបោះទីតាំងនៅក្នុងខណ្ឌដង្កោ ពីព្រោះសក្ដានុពលនៅក្នុងខណ្ឌដង្កោមានច្រើន ជាក់ស្ដែងដូចបានឃើញស្រាប់ ផ្លូវខ្វាត់ខ្វែង ផ្សារទំនើបៗច្រើន និងគម្រោងអភិវឌ្ឍន៍ជាច្រើននៅក្នុងខណ្ឌដង្កោ”
លោកបន្តថា នៅពេលមានការអភិវឌ្ឍលំនៅឋានកាន់តែច្រើនធ្វើឱ្យតម្រូវការដីធ្លីសម្រាប់សាងសង់លំនៅឋានក៏កាន់តែច្រើន ដែលធ្វើឱ្យតម្លៃដីធ្លីក៏កាន់តែកើនឡើង ជាពិសេសនៅតាមបណ្ដោយគម្រោងផ្លូវក្រវាត់ក្រុង នៅក្នុងខណ្ឌដង្កោ ខណ្ឌកំបូល និងខណ្ឌពោធិ៍សែនជ័យជាដើម ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content