សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ពាក់ព័ន្ធជាមួយនឹងការធ្វើប្លង់រឹង មានពលរដ្ឋជាច្រើនបានដឹងពីនីតិវិធី ក៏ដូចជាឯកសារសំខាន់ៗមួយចំនួនដែលត្រូវភ្ជាប់ជាមួយដើម្បីងាយស្រួលក្នុងដំណើរការស្នើសុំ ប៉ុន្តែក៏មានពលរដ្ឋជាច្រើនទៀតដែលពុំធ្លាប់ធ្វើប្លង់រឹងនៅពុំបានដឹងពីនីតិវិធី និងត្រូវត្រៀមឯកសារអ្វីខ្លះដើម្បីភ្ជាប់នោះទេ ។ ថ្ងៃនេះ AMS Economy នឹងបង្ហាញឯកសារត្រៀមភ្ជាប់សម្រាប់ពលរដ្ឋធ្វើប្លង់រឹង ហើយមិនចាំបាច់យកឯកសាររត់ចុះរត់ឡើងនាំខាតពេលវេលានោះទេ។
បើតាមការផ្សព្វផ្សាយរបស់ក្រសួងរៀបចំដែនដី នគរូបនីយកម្ម និងសំណង់ បានបង្ហាញពីឯកសារដែលពលរដ្ឋត្រូវភ្ជាប់មកជាមួយ (សម្រាប់មនុស្ស) ៤ករណី ដោយក្នុងនោះរួមមាន ៖ ១. ករណីប្តីប្រពន្ធដាក់ឈ្មោះទាំងពីរនាក់ មានន័យថាទ្រព្យមួយឈ្មោះពីរនាក់ប្តីប្រពន្ធ ដើម្បីអាចធ្វើប្លង់រឹងបានត្រូវភ្ជាប់មកជាមួយនូវ អត្តសញ្ញាណប័ណ្ណ (បញ្ជាក់ ) សេចក្ដីចម្លងសំបុត្រអាពាហ៍ពិពាហ៍ និងសៀវភៅគ្រួសារ ឬសៀវភៅស្នាក់នៅ ( បញ្ជាក់ ) ។
ករណីទ្រព្យរួម (ទ្រព្យប្តីប្រពន្ធ) ប៉ុន្តែដាក់ឈ្មោះតែម្ខាង អាចជាប្រពន្ធ ឬក៏ប្តី ឬហៅថាជាទ្រព្យរបស់ប្តី ឬរបស់ប្រពន្ធ ដោយឯកសារដែលភ្ជាប់ដើម្បីធ្វើប្លង់រឹងបាននោះ មានអត្តសញ្ញាណប័ណ្ណ( បញ្ជាក់ ) សេចក្ដីចម្លងសំបុត្រអាពាហ៍ពិពាហ៍ សៀវភៅគ្រួសារ ឬសៀវភៅស្នាក់នៅ (បញ្ជាក់ ) និងលិខិតបញ្ជាក់ប្រភទទ្រព្យ ។
ដោយឡែក សម្រាប់ករណីអ្នកទៅធ្វើប្លង់រឹងជាមនុស្សនៅលីវ សម្រាប់ឯកសារដែលភ្ជាប់មកជាមួយដើម្បីអាចធ្វើប្លង់រឹងបាន រួមមានអត្តសញ្ញាណប័ណ្ណ (បញ្ជាក់ ) សេចក្ដីចម្លងសំបុត្រកំណើត សៀវភៅគ្រួសារ ឬសៀវភៅស្នាក់នៅ (បញ្ជាក់ ) និងលិខិតបញ្ជាក់ភាពនៅលីវ ។
ករណីមួយទៀតគឺសម្រាប់អ្នកដែលរៀបការរួចហើយ តែលែងលះគ្នា ដែលគេនិយមហៅថា មេម៉ាយ ឬពោះម៉ាយ ។ សម្រាប់ករណីប្រភេទនេះ ពេលទៅធ្វើប្លង់រឹងគឺត្រូវត្រៀមឯកសារសំខាន់ៗមួយចំនួនមិនខុសពីករណីមុនៗនោះទេ ដែលមានដូចជា អត្តសញ្ញាណប័ណ្ណ សេចក្ដីចម្លងសំបុត្រកំណើត សៀវភៅគ្រួសារ ឬសៀវភៅស្នាក់នៅ និងលិខិតបញ្ជាក់ភាពជាមេម៉ាយ ឬក៏ពោះម៉ាយ ។
គួរបញ្ជាក់ថា ប្លង់រឹងគឺជាទម្រង់បង្ហាញពីភាពជាម្ចាស់កម្មសិទ្ធិសំខាន់ជាងគេ និងជាប្លង់ដីដ៏ល្អជាងគេនៅកម្ពុជា។ ប្លង់រឹង គឺជាវិញ្ញាបនបត្រសម្គាល់ម្ចាស់កម្មសិទ្ធិមួយសន្លឹកដែលចេញដោយការិយាល័យរៀបចំដែនដី ។ ប្លង់រឹងមានព័ត៌មានលម្អិតដែលត្រូវបានទទួលស្គាល់ និងបញ្ជាក់ក្នុងកម្រិតជាតិពីការិយាល័យសុរិយោដី និងក្រសួងរៀបចំដែនដី នគរូបនីយកម្ម និងសំណង់ ។
ប្លង់រឹង ថ្វីត្បិតតែជាក្រដាសមួយសន្លឹកក៏ពិតមែន តែវាមានតម្លៃអាស្រ័យទៅលើទំហំនៃទ្រព្យនោះ ជាក់ស្ដែង ម្ចាស់ទ្រព្យគ្រាន់តែយកក្រដាសមួយសន្លឹកដែលយើងស្គាល់ជាប្លង់រឹងទៅដាក់ធ្វើជាទ្រព្យបញ្ចាំក្នុងធនាគារអាចបានលុយរាប់ម៉ឺន រាប់លានដុល្លារ អាស្រ័យលើតម្លៃនៃទ្រព្យដើម្បីធ្វើជាដើមទុនរកស៊ី ឬធ្វើអាជីវកម្ម ។ ដូច្នេះហើយបងប្អូនជាម្ចាស់ទ្រព្យ ត្រូវចេះថែរក្សាក្រដាសប្លង់រឹងនេះឱ្យបានគង់វង្ស ហើយបើសិនជាបាតបង់ ត្រូវរាយការណ៍ទៅកាន់អាជ្ញាធរ ឬសមត្ថកិច្ចឱ្យបានលឿនបំផុត ជៀសវាងមានជនផ្សេងទៀតរើសបានយកទៅធ្វើរឿងមិនល្អអាចនាំឱ្យមានការខាតបង់៕
Account
Security
Favourite Content