សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរៀបចំដែនដីនគរូបនីយកម្ម និងសំណង់ ក្នុងអាណត្តិទី៧នៃរដ្ឋសភានេះឃើញថា បានបញ្ចេញសកម្មភាពយ៉ាងសកម្មទៅលើការរៀបចំចុះបញ្ជី និងការចែកប័ណ្ណកម្មសិទ្ធិជូនប្រជាពលរដ្ឋនៅតាមបណ្ដាខេត្ត ស្រុក និងតាមជាយរាជធានីភ្នំពេញ ។ ជាក់ស្ដែង បើតាមសេចក្ដីប្រកាសព័ត៌មានរបស់ក្រសួងរៀបចំដែនដី នគរូបនីយកម្ម និងសំណង់ បានបង្ហាញថា ក្រសួងបានចាត់មន្ត្រីចុះផ្សព្វផ្សាយ និងប្រគល់ប័ណ្ណកម្មសិទ្ធិដីធ្លីជូនពលរដ្ឋជាបន្តបន្ទាប់។
បើតាមប្រសាសន៍សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី០៧ វិច្ឆិកា ២០២៣ បានឱ្យដឹងផងដែរថា ក្រសួងរៀបចំដែនដី នគរូបនីយកម្ម និងសំណង់ បាន និងកំពុងពន្លឿនការចែកប័ណ្ណកម្មសិទ្ធិដីធ្លីជូនប្រជាពលរដ្ឋនៅតាមមូលដ្ឋាននាពេលបច្ចុប្បន្ននេះ ដោយគិតមកដល់បច្ចុប្បន្នក្រសួងបានចែក២លានក្បាលដីរួចហើយ ។
សម្ដេចបានមានប្រសាសន៍ថា កាលពីមុនប្រជាជនភាគច្រើន គឺមិនមានប័ណ្ណកម្មសិទ្ធិដីធ្លីនោះទេ មានត្រឹមតែសិទ្ធិកាន់កាប់ប្រើប្រាស់អាស្រ័យផល ដូច្នេះហើយទើបរាជរដ្ឋាភិបាលបានជំរុញឱ្យក្រុមការងារចុះវាស់វែង និងចេញប័ណ្ណកម្មសិទ្ធិជូនប្រជាពលរដ្ឋ ។ ក្រោយពីចេញប័ណ្ណកម្មសិទ្ធិរួចរាល់ ប្រជាពលរដ្ឋជាម្ចាស់ដីធ្លីអាចមានសិទ្ធិលក់ដូរបន្តបាន ក្រៅតែពីអាស្រ័យផល ។
សម្ដេចធិបតីបន្ថែមថា រហូតមកដល់ពេលនេះនៅសល់៥លានក្បាលដីទៀតដែលត្រូវជំរុញចេញប័ណ្ណកម្មសិទ្ធិជូនប្រជាពលរដ្ឋ ហើយសម្ដេចក៏បានយល់ព្រមទៅតាមសំណើររបស់ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ប្រើប្រាស់កម្លាំងសរុបទាំងពីថ្នាក់កណ្ដាល និងថ្នាក់ខេត្ត ដើម្បីធ្វើយ៉ាងណាឱ្យបងប្អូនប្រជាពលរដ្ឋឆាប់ទទួលបានកម្មសិទ្ធិប្រើប្រាស់ ។
សូមជម្រាបថា ថ្មីៗនេះដែរ រដ្ឋាភិបាលនៃប្រទេសជប៉ុនក៏បានគាំទ្រហិរញ្ញវត្ថុដល់ការវាស់វែង និងចុះបញ្ជីដីធ្លីរបស់ក្រសួងរៀបចំដែនដី នគរូបនីយកម្ម និងសំណង់ ដើម្បីពន្លឿនដល់ការចុះបញ្ជី និងចេញប័ណ្ណកម្មសិទ្ធិជូនប្រជាពលរដ្ឋផងដែរ ៕
Account
Security
Favourite Content