យុវជនម្នាក់លក់ផ្កា និងរុក្ខជាតិតាមអនឡាញ បណ្ដុះស្មារតីប្រជាជនឱ្យស្រឡាញ់ធម្មជាតិ

ភ្នំពេញ ៖ ទន្ទឹមនឹងពេលដែលសង្គមមានការអភិវឌ្ឍ មនុស្សក៏ត្រូវខិតខំប្រឹងប្រែងធ្វើការដើម្បីវិវត្តខ្លួនរស់នៅឱ្យស្របតាមបរិបទនោះដែរ។ ការធ្វើការជាច្រើនម៉ោងក្នុងមួយថ្ងៃ បូករួមជាមួយនឹងបរិយាកាសនៃការរស់នៅកកកុញផងនោះ ភាពតានតឹងផ្នែកអារម្មណ៍ក៏ងាយនឹងកើតឡើងផងដែរ។

ជាអ្នកស្រឡាញ់ការដាំដុះរុក្ខជាតិ និងផ្កាតូចៗ យុវជនម្នាក់បានចាប់ផ្ដើមអាជីវកម្មលក់ផ្កា និងកូនរុក្ខជាតិតាមអនឡាញ។ ក្នុងការលក់ដោយពឹងផ្អែកទាំងស្រុងលើប្រព័ន្ធអ៊ីនធឺណេតនេះ យុវជនរូបនេះបានប្រើប្រាស់គំនិតច្នៃប្រឌិតក្នុងការផ្សព្វផ្សាយផលិតផលរបស់ខ្លួនយ៉ាងទាក់ទាញ។

ប្រាជ្ញ សិនជាលី ជាឈ្មោះរបស់យុវជន វ័យ២០ឆ្នាំប្លាយម្នាក់ ដែលយកចំណង់ចំណូលចិត្តរបស់ខ្លួនទៅធ្វើជាអាជីវកម្ម។ មិនត្រឹមតែប៉ុណ្ណោះ យុវជនរូបនេះចង់បណ្ដុះស្មារតីប្រជាជន ជាពិសេសប្រជាជនសកម្ម (វ័យធ្វើការ) ឱ្យស្រឡាញ់ធម្មជាតិ តាមរយៈការដាំដុះតិចតួចនៅតាមផ្ទះ។

ថ្វីត្បិតថាប្រើប្រាស់ទីធ្លាផ្ទះសម្រាប់ស្តុកទុក និងថែទាំ ប៉ុន្តែយុវជន ប្រាជ្ញ សិនជាលី តែងបង្កើតជាសកម្មភាពជិះកង់ជុំគ្នាដើម្បីជជែកពីវិធីសាស្ត្រដាំដុះ និងការលាយជីកំប៉ុស ក៏ដូចជាស្វែងយល់អំពីចំណេះដឹងពាក់ព័ន្ធនឹងប្រភេទ​រុក្ខជាតិនានា។

រៀបចំខ្ចប់ផ្កាបណ្ដើរ យុវជនរូបនេះរៀបរាប់បណ្ដើរថា ៖

«គោលបំណងសំខាន់របស់ខ្ញុំគឺចង់បង្កើតទម្លាប់ដាំដុះដំណាំតូចៗដល់ប្រជាជនយើង ព្រោះពីបទពិសោធន៍ខ្ញុំផ្ទាល់ ការដាំដុះនេះអាចជួយធ្វើឱ្យផ្លូវចិត្តខ្ញុំប្រសើរឡើង»។

មិនត្រឹមតែប៉ុណ្ណោះ ការដាំដុះដំណាំតូចៗនៅរានហាលផ្ទះ ឬកូនរុក្ខជាតិតូចៗនៅក្នុងបន្ទប់ធ្វើការ ជាការចាប់ផ្ដើមដ៏ល្អមួយដែលអាចឱ្យប្រជាជនចេះស្រឡាញ់ និងថែទាំធនធានធម្មជាតិក្នុងស្រុក។ នេះបើតាមការបញ្ជាក់បន្ថែមរបស់យុវជន ប្រាជ្ញ សិនជាលី។

យ៉ាងណាមិញ រូបភាពផ្កាស្រស់ៗ រុក្ខជាតិតូចៗដ៏ស្រស់ស្អាត តែងតែត្រូវបានយុវជនរូបនេះបង្ហោះលើ​បណ្ដាញសង្គមដែលមានឈ្មោះថា ReportDerm។ ជាមួយនឹងជំនាញក្នុងការថតផងនោះ បានធ្វើឱ្យមានការចាប់អារម្មណ៍ជាច្រើនពីសំណាក់អ្នកលេងបណ្ដាញសង្គម។ មិនត្រឹមតែរូបភាពប៉ុណ្ណោះទេ យុវជនរូបនេះក៏តែងថតជាវីដេអូពន្យល់អំពីប្រភេទរុក្ខជាតិ និងផ្កា នីមួយៗ ព្រមជាមួយនឹងលក្ខខណ្ឌនៃការដាំដុះផងដែរ។ 

តាមរយៈសកម្មភាពដែលយុវជន ប្រាជ្ញ សិនជាលី ធ្វើកន្លងមកនេះ មិនត្រឹមតែជាផលប្រយោជន៍អាជីវកម្មផ្ទាល់ខ្លួននោះទេ ប៉ុន្តែក៏ជាការរួមចំណែកជួយសង្គម ហើយអ្វីដែលសំខាន់បំផុតនោះគឺការចូល​រួមបង្កើតទម្លាប់ថ្មីមួយ ដែលអាចដោះស្រាយបញ្ហាស្មុគស្មាញពីការងារទៀតផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។