មហាសេដ្ឋី Warren Buffet ប្រដូច AI ទៅនឹងគ្រាប់បែកនុយក្លេអ៊ែរដែលកំពុងផ្ទុះសាយភាយ

បរទេស ៖ ក្នុងដំណាក់កាលករីកចម្រើនឥតឈប់ឈរនៃបច្ចេកវិទ្យាវ៉ៃឆ្លាត AI នាពេលបច្ចុប្បន្ននេះ កំពូលមហាសេដ្ឋីដ៏ល្បីល្បាញ លោក Warren Buffet បានធ្វើការបង្ហាញពីការយល់ឃើញរបស់លោកចំពោះភាពគ្រោះថ្នាក់ ក៏ដូចជាឱកាសមាសសម្រាប់ពិភពលោក។

នៅក្នុងបទបង្ហាញរបស់គាត់នៅឯកិច្ចប្រជុំប្រចាំឆ្នាំមួយនៃក្រុមហ៊ុន Berkshire Hathway បុរសវ័យ៩៣ឆ្នាំរូបនេះបានសំដែងក្តីព្រួយបារម្ភខ្លាំងចំពោះមុខក្នុងការប្រឈមមុខទៅនឹងភាពគ្រោះថ្នាក់នៃបច្ចេកវិទ្យា AI ដោយក្នុងនោះលោកបានប្រដូចស្ថានភាពវិវត្តនៃបច្ចេកវិទ្យាវ៉ៃឆ្លាតនេះដូចទៅនឹងអាវុធប្រល័យលោកអាវុធនុយក្លេអ៊ែរ។

លោកបានពន្យល់ថា មនុស្សបានបង្កើតគ្រាប់បែកនុយក្លេអ៊ែរដោយមិនមានការគ្រប់គ្រង និងទប់ស្កាត់ការអនុវត្តឲ្យបានម៉ត់ចត់។ មកទល់ពេលនេះ AI ក៏បានកើតឡើង និងស្ថិតនៅក្នុងស្ថានភាពដូចគ្នាដែរ។ ទោះបីជាយ៉ាងណាក្តី លោកទទួលស្គាល់ថា ចំណេះដឹងរបស់គាត់មានតិចតួចណាស់ចំពោះបច្ចេកវិទ្យានេះ ដូច្នេះលោកតែងតែមានការព្រួយបារម្ភខ្លាំងអំពីផលប៉ះពាល់។

លោកបានលើកឧទាហរណ៍ជាក់ស្តែងដែលធ្លាប់មានការក្លែងបន្លំសម្លេងរបស់គាត់តាមរយៈ AI នាពេលកន្លងមកដែលវាអាចនឹងបង្កហានិភ័យធ្ងន់ធ្ងរដល់ក្រុមគ្រួសាររបស់លោកហើយកាន់តែគួរឲ្យខ្លាចគឺបច្ចេកវិទ្យា Deep Fake ។

បន្ថែមពីការយល់ឃើញជាអវិជ្ជមានទៅលើបច្ចេកវិទ្យា AI លោក Buffet ក៏បាននិយាយបែបលេងសើចដែរថា ៖

«ប្រសិនបើខ្ញុំចាប់អារម្មណ៍ក្នុងការវិនិយោគទៅលើអាជីវកម្មបែបក្លែងបន្លំបែបបច្ចេកវិទ្យា ឬ Scamming ម្ល៉េះវានឹងក្លាយទៅជាឧស្សាហកម្មដ៏រីកចម្រើន និងប្រាក់ចំណូលបានច្រើនបំផុតមួយមិនធ្លាប់មានលើពិភពលោកជាមិនខាន»។

យ៉ាងណាក្តីក្នុងពេលដែលក្តីបារម្ភចំពោះគ្រោះថ្នាក់របស់ AI នេះ ប៉ុន្តែក្រុមហ៊ុន Berkshire Hathaway ថ្មីៗនេះបានប្រកាសហើយថា កំពុងរៀបចំបញ្ចូលសង្វាក់ការងាររបស់ខ្លួនជាមួយនឹងបច្ចេកវិទ្យាដែលមានការគាំទ្រដោយ AI ដែរ ទោះមិនបានលំអិតអំពីដំណឹងនេះក្តី។

លោក Buffet ក៏បានទទួលស្គាល់អំពីផលវិជ្ជមានដែរនៅម្ខាងទៀតនៃឥទ្ធិពលរបស់ AI ចំពោះពិភពលោក។ លោកជឿជាក់ថាវានឹងអាចជួយផ្លាស់ប្តូរពិភពលោកឲ្យមានការអភិវឌ្ឍកាន់តែល្អប្រសើរឡើងដោយវានឹងអាចជំនួសការងាររាប់ពាន់ម៉ឺនកន្លែងពិតមែននៅដំណាក់ដំបូង ប៉ុន្តែវានឹងអាចបង្កើតឳកាសយ៉ាងច្រើនសម្រាប់គ្រប់គ្នានៅតាមក្រោយ។

គួរឲ្យដឹងដែរថា មកទល់ពលេនេះ AI ដែលត្រូវបានលោក Buffet ចាត់ទុកថាជាគ្រាប់នុយក្លេអ៊ែរនោះកំពុងផ្ទុះរីកសាយភាយស្ទើរពេញពិភពលោកដោយកន្លែងធ្វើការងារចំនួន៤០ភាគរយនឹងត្រូវបាត់បង់ហើយជំនួសមកវិញដោយបច្ចេកវិទ្យាស្វ័យប្រវត្តិនេះបើយោងតាមការការព្យាករណ៍ដោយ IMF ដែលក្នុងនោះមានរួមបញ្ចូលទាំងវិស័យថ្នាំពេទ្យតន្ត្រីហិរញ្ញវត្ថុនិងទៅដល់ឧស្សាហកម្ម។

យ៉ាងណាក៏ដោយ ស្របពេលជាមួយគ្នានេះគេសង្កេតឃើញថា ក្រុមហ៊ុនធំៗដែលមានបំពាក់បច្ចេកវិទ្យា AI កំពុងមានកំណើនទិផ្សារភាគហ៊ុនយ៉ាងខ្លាំងក្លាក្នុងរយៈពេល១២ខែចុងក្រោយដូចជា Microsoft (MSFT)ប្រមាណជា២៤ភាគរយនិង Nvidia (NVDA) កើនឡើងប្រមាណជា២១៥ភាគរយហើយ Berkshire Hathaway (BRK.A)ក៏មានកំណើនប្រមាណជា២២ភាគរយដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ