សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ អាកាសយានដ្ឋានអន្តរជាតិសៀមរាបអង្គរ ត្រូវបានសម្ពោធដាក់ឱ្យប្រើប្រាស់ជាផ្លូវការកាលពីព្រឹកថ្ងៃទី១៦ ខែវិច្ឆិកា ឆ្នាំ២០២៣ ក្រោមអធិបតីភាពសម្ដេច មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។ នៅក្នុងពិធីសម្ពោធនោះដែរ សម្ដេចធិបតី បានជំរុញលើកទឹកចិត្តឱ្យមានការអភិវឌ្ឍជុំវិញតំបន់អាកាសយានដ្ឋាននោះ ដើម្បីធ្វើយ៉ាងណាបង្កើតអត្ថប្រយោជន៍ដល់ប្រជាពលរដ្ឋក្នុងមូលដ្ឋាន និងផ្ដល់អត្ថប្រយោជន៍ដល់សេដ្ឋកិច្ចប្រទេសជាតិ ។
សម្ដេចធិបតីបានមានប្រសាសន៍ថា ៖
« បន្ទាប់ពីការសម្ពោធដាក់ឱ្យប្រើប្រាស់ កិច្ចការងារបន្តដែលយើងត្រូវយកចិត្តទុកដាក់គឺ ធ្វើឱ្យសមិទ្ធផលមួយនេះ ផ្ដល់អត្ថប្រយោជន៍ ដល់ប្រជាពលរដ្ឋ ក្នុងខេត្តសៀមរាបជាពិសេសប្រជាពលរដ្ឋក្នុងមូលដ្ឋាន ។ ត្រូវទាមទារឱ្យធ្វើការពិនិត្យ និងរៀបចំ ផែនការនិងជំរុញការភ្ជាប់និងទាញអត្ថប្រយោជន៍ពីព្រលានយន្តហោះថ្មីនេះទៅដល់អ្នកនៅក្នុងមូលដ្ឋានខេត្តសៀមរាបតែម្ដង តាមរយៈការបង្កើតការងារផ្សេងៗ»។
សម្ដេចធិបតីមានប្រសាសន៍ថា ៖
«ប្រជាពលរដ្ឋក្នុងតំបន់នេះ ទទួលបានអត្ថប្រយោជន៍មួយចំនួនរួចហើយ ដូច្នេះ យើងត្រូវតែខិតខំជំរុញការផ្ដល់ឱកាសការងារដល់ប្រជាពលរដ្ឋបន្តទៀត ដូចជាពលរដ្ឋនៅតំបន់រុនតាឯកធ្វើឱ្យយ៉ាងណាឱ្យពួកគាត់ទទួលអត្ថប្រយោជន៍ពីព្រលាយន្តហោះនេះ ។ មួយវិញទៀត ត្រូវបង្កលក្ខណៈ ទាក់ទាញការអភិវឌ្ឍនៅតំបន់ជុំវិញព្រលានយន្តហោះ និងលើកទឹកចិត្តឱ្យមានការវិនិយោគទាំងក្នុងនិងក្រៅប្រទេសហើយ យកតំបន់ព្រលានយន្តហោះជាចំណុចគោល ។ បើអាចអភិវឌ្ឍន៍ជាតំបន់ឧស្សាហកម្មរឹតប្រសើរទៅទៀត ។ សម្ដេចមានប្រសាសន៍« ដោយសារតែព្រលានយន្តហោះសៀមរាបអង្គរ មានទីតាំងឆ្ងាយពីទីក្រុងសៀមរាបប្រមាណ៤០គីឡូម៉ែត្រ ដូច្នេះ ក្នុងករណីភ្ញៀវខកជើងយន្តហោះឬពន្យាពេល គាត់អាចមកសម្រាកនៅសណ្ឋាគារដែលមានទីតាំងនៅជិតព្រលានយន្តហោះ ដូច្នេះហើយគេអាចបង្កើតជាសណ្ឋាគារ អាហារដ្ឋាន និងកន្លែងផ្ដល់សេវាផ្សេងៗដល់ភ្ញៀវទេសចរជាតិនិងអន្តរជាតិ » ។
បើតាមលោក កែវ សុធារ៉ា អ្នកជំនាញនិងអ្នកវិនិយោគលើវិស័យអចលនទ្រព្យមួយរូបប្រចាំខេត្តសៀមរាប បានមានប្រសាសន៍ឱ្យដឹងថា ក្រោយពីព្រលានយន្តហោះអន្តរជាតិសៀមរាបអង្គរបានដាក់ដំណើរការសាកល្បងចាប់តាំងពីពាក់កណ្ដាលខែតុលាមក ឃើញថាមានអ្នកវិនិយោគនិងធុរជនមួយចំនួនចាប់ផ្ដើម ចាប់អារម្មណ៍លើតំបន់ជុំវិញព្រលានយន្តហោះ និងនៅក្រុងសៀមរាបផងដែរ ។
លោកបន្តថា សមិទ្ធផលព្រលានយន្តហោះខ្នាតធំមួយនេះ នឹងធ្វើឱ្យខេត្តសៀមរាប កាន់តែមានសក្ដានុពល និងទាក់ទាញបន្ថែមទៀត ទាំងភ្ញៀវទេសចរ និងវិនិយោគិន ចូលមកទស្សនា និងមកបណ្ដាក់ទុនវិនិយោគនិងធ្វើធុរកិច្ចនៅក្នុងខេត្តសៀមរាប ស្របនឹងសមិទ្ធផលជាច្រើនទៀត នៅក្នុងក្រុងសៀមរាប ក៏បាននឹងកំពុងទាក់ទាញការវិនិយោគនិងទេសចររួចទៅហើយ ៕
Account
Security
Favourite Content