តោះ ! មកដឹងពីដើមកំណើតនៃក្រុមទាហានស៊ីឈ្នួល Wagner និងរបៀបនៃការរកប្រាក់ចំណូល

ការសម្រេចចិត្តដើរបញ្ច្រាសអំណាចនៃរដ្ឋាភិបាលទីក្រុងមូស្គូដោយក្រុមហ៊ុនទាហានស៊ីឈ្នួល Wagner Group ដែលជាក្រុមធ្លាប់គាំទ្រ និងបីបាច់ថែរក្សាដោយរដ្ឋាភិបាលរុស្ស៊ីអស់រយៈពេលជិតមួយទសវត្សរ៍មកហើយនោះ បានធ្វើឲ្យមានការភ្ញាក់ផ្អើលយ៉ាងខ្លាំងទាំងក្នុង និងក្រៅប្រទេសរុស្ស៊ីជាមួយនឹងគម្រោងចង់ធ្វើរដ្ឋប្រហារយោធាទៅលើអ្នកគាំទ្ររបស់ខ្លួន។

Wagner Group ជាក្រុមទាហានដ៏ស្មោះស្ម័គ្ររបស់រុស្ស៊ីដែលមិនថាទោះជាសង្គ្រាម ឬជម្លោះបែបណានោះទេ ប៉ុន្តែក្រោមការដឹកនាំរបស់លោក Yevgeny Prigozhin ក្នុងមួយរយៈពេលចុងក្រោយនេះ បានបង្ហាញពីការខឹងសំបារ មិនពេញចិត្តចំពោះការដឹកនាំរបស់រដ្ឋាភិបាលរុស្ស៊ីក្នុងប្រតិបត្តិការធ្វើសង្គ្រាមនៅអ៊ុយក្រែន ហើយវាគឺជាមូលហេតុតែមួយគត់ដែលមេដឹកនាំសេដ្ឋីរុស្ស៊ីរូបនេះធ្លាប់បានអះអាងមុនពេលសម្រេចចិត្តនិរទេសខ្លួនទៅកាន់ប្រទេសបេឡារូស និងបោះបង់ចោលការធ្វើរដ្ឋប្រហារកាលពីចុងសប្តាហ៍កន្លងទៅនេះ។

មានដឹងទេថា តើក្រុមហ៊ុនទាហានស៊ីឈ្នួលដ៏ល្បីមួយនេះកកើតឡើងដោយរបៀបណា ហើយពួកគេមានវិធីសាស្ត្រណាខ្លះក្នុងការរកប្រាក់ចំណូលដើម្បីផ្គត់ផ្កង់ប្រតិបត្តិការរបស់ខ្លួន?

កន្លងមកមានការចេញផ្សាយយ៉ាងច្រើននៅតាមបណ្តាញសារព័ត៌មាននានារបស់អន្តរជាតិអំពីប្រវត្តិ និងព័ត៌មានជាច្រើនទៀតរបស់ Wagner Group ដែលត្រូវបានបង្ហាញដូចខាងក្រោមនេះ៖

កាលពីឆ្នាំ២០១៤ ក្នុងពេលដែលរុស្ស៊ីចាប់ផ្តើមលុកលុយដណ្តើមយកតំបន់ Crimea ដោយខុសច្បាប់ពីអ៊ុយក្រែន ក្រុម Wagner បានចាប់កំណើតឡើងជាមួយនឹងឈ្មោះដំបូងថា Little Green Men ដោយអតីតយោធារុស្ស៊ី លោក Dmitry Utkin និងពាណិជ្ជករដ៏ល្បីឈ្មោះ លោក Yevgeny Prigozhin ហើយចាប់ផ្តើមមានឈ្មោះលេចធ្លោខ្លាំងនៅក្នុងភាពជោគជ័យលើការជួយគាំទ្រលើការប្រយុទ្ធជាមួយនឹងក្រុមសកម្មប្រយុទ្ធគាំទ្ររុស្ស៊ីនៅចន្លោះឆ្នាំ២០១៤ ដល់ឆ្នាំ២០១៥។

ក្រោយមកទៀត ក្រុមហ៊ុនទាហានស៊ីឈ្នួលដ៏ធំនេះបានបន្តចូលរួមក្នុងជម្លោះ និងធ្វើសង្គ្រាមធំ-តូចជាច្រើនស្ទើររាប់មិនអស់នៅជុំវិញពិភពលោក រួមទាំងសង្រ្គាមស៊ីវិលនៅក្នុងប្រទេសស៊ីរី, លីប៊ី, សាធារណរដ្ឋអាហ្រ្វិកកណ្តាល និងម៉ាលី ដែលជាទូទៅពួកគេបានប្រកៀកស្មាជាមួយនឹងកងកម្លាំងដែលមានការគាំទ្រ និងឧបត្ថម្ភដោយរដ្ឋាភិបាលរបស់ប្រទេសរុស្ស៊ី។

អង្គភាពស៊ីឈ្នួលធ្វើសង្គ្រាមនេះគឺជាក្រុមដែលមានការបណ្តុះបណ្តាលក្រុមទាហានដែលមានជំនាញខ្លាំង ហើយការចាប់ផ្តើមដំបូងពីកម្លាំងដែលមានត្រឹមតែ ១០០០នាក់មកទល់ឆ្នាំ២០២៣ ដែលគេជឿជាក់ថាអាចមានចន្លោះពី ២០ ០០០ ទៅ ៥០ ០០០នាក់ ហើយភាគច្រើនសុទ្ធតែជាក្រុមអ្នកទោសជនជាតិរុស្ស៊ី ។

គួរឲ្យដឹងដែរថា លោក Prigozhin ទើបតែបានប្រកាសខ្លួនជាផ្លូវការថា លោកគឺជាមេដឹកនាំនៃក្រុមទាហានដ៏មានឥទ្ធិពលកាលពីឆ្នាំ២០២២កន្លងមកប៉ុណ្ណោះ។

Wagner Group ត្រូវបានគេជឿជាក់ថា អាចរកចំណូលបានដល់ទៅរាប់ពាន់លានដុល្លារពីកុងត្រាដែលទទួលបានពីរដ្ឋាភិបាលទីក្រុងមូស្គូ និងច្រើនវិធី ច្រើនប្រភពផ្សេងទៀត។ ឧទាហរណ៍ដូចជា នៅសង្គ្រាមនៅអាហ្វ្រិក និងមជ្ឈឹមបូព៌ាជាដើម ដែលអស់រយៈពេល៤ឆ្នាំនៃប្រតិបត្តិការរបស់ខ្លួននៅទីនោះ Wagner Group អាចរកចំណូលបានរហូតទៅដល់ ២៥០លានដុល្លារ គិតតែពីប្រភពចំណូលនៃការលួចលក់ធនធានដូចជារ៉ែ និងមាសប៉ុណ្ណោះ ហើយពេលខ្លះទៀត Wagner Group ទទួលបានចំណែកពីការលក់ប្រេងរបស់ប្រទេសទាំងនោះដោះដូរ និងប្រតិបត្តិការលើកិច្ចការពារក្រុមប្រយុទ្ធ និងក្រុម ​ISIS ជាដើម។

ដោយឡែក នៅអាហ្វ្រិកកណ្តាលវិញ ក្រុមហ៊ុន Wagner Group ដែលមានតួនាទីជាក្រុមហ៊ុនរុករ៉ែ និងការពារព្រៃឈើផងនោះ បានទាញយកចំណូលដល់ទៅជិត ៣០០០លានដុល្លារ ហើយក្រៅពីនោះនៅមានចំណូលជាច្រើនមុខទៀត បូករួមទាំងកុងត្រាសរុបពីរដ្ឋាភិបាលទីក្រុងមូស្គូត្រឹមឆ្នាំ២០១៩ មានរហូតទៅដល់ ៣០០០លានដុល្លារផង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ