សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ អ្នកជំនាញនៅក្នុងវិស័យអចលនទ្រព្យបានលើកឡើងថា ឆ្នាំ២០២២នេះ គឺជាឆ្នាំដែលវិបត្តិកូវីដ១៩នៅក្នុងប្រទេសកម្ពុជាមានភាពធូរស្រាល និងចាត់ទុកថាជាឆ្នាំដែលវិស័យអចលនទ្រព្យមានសន្ទុះឡើងវិញ ប៉ុន្តែសម្រាប់តែទីផ្សារខុនដូ ហាក់នៅមិនទាន់មានភាពល្អប្រសើរទាំងស្រុងនៅឡើយនោះទេ ជាពិសេសប្រទេសខុនដូបែបប្រណីតដែលមានតម្លៃថ្លៃ។
លោកឧកញ៉ាបណ្ឌិត គីម ហ៊ាង ប្រធាន KW Cambodia បានមានប្រសាសន៍ឱ្យដឹងថា ឆ្នាំ២០២២នេះ ទីផ្សារខុនដូនៅក្នុងប្រទេសកម្ពុជានៅមិនទាន់បានល្អប្រសើរនៅឡើយទេ ដោយទីផ្សារនេះនៅពឹងផ្អែកលើវិនិយោគិនបរទេសច្រើនពេក ហើយនៅពេលដែលជនបរទេសមិនទាន់អាចចូលមកកម្ពុជាដើម្បីអភិវឌ្ឍន៍ខុនដូ ឬទិញខុនដូបាន វិស័យមួយនេះត្រូវពឹងលើទីផ្សារអ្នកទិញក្នុងស្រុក ហើយអ្នកទិញក្នុងស្រុកមិនអាចមានសន្ទុះល្អដូចវិនិយោគិនក្រៅប្រទេសនោះឡើយ។
លោកថា ៖
“ទីផ្សារខុនដូនៅក្នុងប្រទេសកម្ពុជាគឺពឹងផ្អែកច្រើនពេកទៅលើជនបរទេស ហើយបើទោះបីជាស្ថានភាពកូវីដ១៩នៅក្នុងប្រទេសកម្ពុជាយើងបានធូរស្រាលក៏ពិតមែន តែបណ្ដាប្រទេសមួយចំនួនទៀតនៅតែមានវិបត្តិនៅឡើយ ដូច្នេះភ្ញៀវបរទេសដែលមកស្រុកខ្មែរដើម្បីសាងសង់ ឬក៏ទិញខុនដូនៅក្នុងស្រុកខ្មែរអត់សូវមានច្រើនទេ”
លោកឧកញ៉ាបញ្ជាក់ថា សម្រាប់ទីផ្សារលំនៅឋានជាលក្ខណៈបុរី លោកមើលឃើញថាម្ចាស់បុរីដែលមានទុនគ្រប់គ្រាន់ក្នុងការអភិវឌ្ឍគឺមិនមានបញ្ហាអ្វីធំដុំនោះទេ តែសម្រាប់ម្ចាស់គម្រោងដែលមិនមានទុនគ្រប់គ្រាន់ក្នុងការអភិវឌ្ឍ ឬម្ចាស់គម្រោងដែលអភិវឌ្ឍន៍ដោយទុនពីអតិថិជនមកអភិវឌ្ឍន៍នោះទើបជាបញ្ហា ហើយវាក៏មានបញ្ហាដល់អិតិថិជនដែលទិញគម្រោងនោះផងដែរ ។
លោក ខន គង្គា អគ្គនាយកក្រុមហ៊ុនភ្នាក់ងារអចលនទ្រព្យ ERA Cambodia បានលើកឡើងពីទីផ្សារខុនដូនៅក្នុងប្រទេសកម្ពុជាថា ភាពល្អប្រសើរចាប់ផ្ដើមល្អប្រសើរឡើងវិញជាបណ្តើរ ដោយក្នុងនោះមានអតិថិជនក្នុងស្រុកជាច្រើនចាប់ផ្ដើមមាននិន្នាការក្នុងការទិញខុនដូដើម្បីស្នាក់នៅ និងវិនិយោគបន្តយកចំណេញ ដូច្នេះហើយទើបការលក់ខុនដូនៅតែមានជាហូរហែរ ហើយរំពឹងថានឹងមានកំណើនជាបន្តបន្ទាប់នៅឆ្នាំក្រោយៗ ។
លោកគង្គាបានឱ្យដឹងថា ៖
“បច្ចុប្បន្ននេះ អ្នកទិញខុនដូនៅកម្ពុជាភាគច្រើនជាអ្នកនៅក្នុងស្រុក ហើយពេលឆាប់ៗដ៏ខ្លីនេះជនបរទេសជាច្រើន ជាពិសេសជនជាតិចិននឹងត្រលប់មកកម្ពុជាវិញនៅចុងឆ្នាំ២០២២នេះ ឬដើមឆ្នាំ២០២៣ខាងមុខ ដោយរំពឹងថាទីផ្សារខុនដូនៅកម្ពុជានឹងមានកំណើនខ្ពស់ដូចមុនពេលមានកូវីដ១៩ ជាក់ជាមិនខាន៕”
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកជំនាញ មើលឃើញសេដ្ឋកិច្ចកម្ពុជាបន្តរឹងមាំ ទោះស្ថិតក្នុងវិបត្តិសេដ្ឋកិច្ចសកលក៏ដោយ
អ្នកជំនាញសេដ្ឋកិច្ចវិស័យឯកជនព្រមានពីការចំណាយរបស់ពលរដ្ឋអាម៉េរិកកើនឡើងខ្ពស់ ខណៈមន្ត្រីរដ្ឋាភិបាលនិយាយថា ជាសញ្ញាល្អរបស់សេដ្ឋកិច្ច
Account
Security
Favourite Content