សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមការចេញផ្សាយរបស់ទីភ្នាក់សារព័ត៌មាន Novinata កាលពីថ្ងៃទី៧ ខែមករា ឆ្នាំ២០២៥នេះបានឲ្យដឹងថា បណ្តាធនាគារទាំងអស់នៅក្នុងប្រទេសប៊ុលហ្គារី បាន និងកំពុងបន្តធ្វើការប្តូរក្រដាសប្រាក់ Lev ទៅជាលុយ Euro ជូនអតិថិជនដោយអត្រាថេរ មិនមានកាត់កម្រៃសេវាប្តូរប្រាក់ឡើយរហូតដល់ចុងខែមិថុនា នៃឆ្នាំនេះ។ ការអនុវត្តបែបនេះត្រូវបានធ្វើឡើងទៅតាមកម្មវត្ថុនៃតម្រូវការផ្លូវច្បាប់ និងអនុលោមតាមច្បាប់ស្តីពីការណែនាំលើការចាយប្រាក់ Euro នៅសាធារណរដ្ឋប៊ុលហ្គារីជាផ្លូវការ ឬហៅកាត់ថា ZVERB ដោយក្នុងនោះរួមទាំងការដាក់ប្រាក់បញ្ញើចូលទៅក្នុងគណនីប្រាក់ Euro ផងដែរ។
នៅក្នុងសេចក្តីថ្លែងការណ៍រួមមួយដោយសមាគមធនាគារប៊ុលហ្គារីបានបញ្ជាក់ថា៖ ចាប់តាំងពីទទួលបានការណែនាំពីធនាគារកណ្តាល ប៊ុលហ្គារី ស្ដីពីការប្ដូរប្រាក់ Lev ទៅជាប្រាក់ Euro រហូតមកដល់ល្ងាចថ្ងៃទី០៦ ខែមករា ឆ្នាំ២០២៦ មិនមានធនាគារណាមួយដែលគិតពីកម្រៃនៃការប្ដូរប្រាក់នោះទេ ហើយធនាគារទាំងអស់នឹងផ្តល់ការណែនាំដល់អតិថិជនរបស់ពួកគេក្នុងការដោះដូរក្រដាសប្រាក់ និងកាក់លុយ ក្នុងគោលបំណងសម្រួល និងផ្តល់សេវាឲ្យបានលឿនជាងមុន។ សូមជម្រាបថា ប្រទេសប៊ុលហ្គារី ទើបតែបានប្រកាសចូលជាសមាជិកចាយលុយអឺរ៉ូ Euro ចាប់ពីថ្ងៃទី១ ខែមករា ឆ្នាំ២០២៦ កន្លងមកនេះតែប៉ុណ្ណោះ ហើយព្រឹត្តិការណ៍នេះត្រូវបានចារជាប្រវត្តិសាស្ត្ររបស់ប្រទេស និងជាឱកាសដ៏សំខាន់សម្រាប់ប្រជាជនដែលជាអ្នករកស៊ី និងអាជីវកម្មនៅទូទាំងតំបន់អឺរ៉ុប។ ការផ្លាស់ប្តូរនេះដែរ នឹងនាំឱ្យមានស្ថិរភាពសេដ្ឋកិច្ចកាន់តែប្រសើរឡើង ប្រតិបត្តិការអាជីវកម្មកាន់តែរលូន និងមានសមាហរណកម្មកាន់តែរឹងមាំនៅទូទាំងទ្វីបអឺរ៉ុប៕
Account
Security
Favourite Content