សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អស់រយៈពេលជាច្រើនខែមកហើយដែលបណ្តាញសង្គមកំសាន្តដ៏ធំបំផុតរបស់ពិភពលោក TikTok បានធ្លាក់ចូលទៅក្នុងបញ្ហារឿងក្តីក្តាំដោយសារតែការចោទប្រកាន់ពីសំណាក់រដ្ឋាភិបាលអាមេរិកពាក់ព័ន្ធទៅនឹងការសង្ស័យថាបានផ្តល់ព័ត៌មានឯកជនភាពរបស់អ្នកប្រើប្រាស់ទៅឲ្យរដ្ឋាភិបាលទីក្រុងប៉េកាំង។
គិតមកត្រឹមខែកញ្ញានេះ តំណាងឲ្យក្រុមហ៊ុន TikTok នឹងត្រូវចូលរួមបើកសវនាការសាជាថ្មីដើម្បីធ្វើការតវ៉ាប្រឆាំងទៅនឹងច្បាប់ដែលបានកំណត់ដោយរដ្ឋាភិបាលអាមេរិកថា កម្មវិធីនេះនឹងត្រូវបិទចោលទាំងស្រុងនៅក្នុងប្រទេសអាមេរិក ឬជម្រើសក្នុងការលក់ក្រុមហ៊ុនទៅឲ្យក្រុមហ៊ុនណាមួយរបស់អាមេរិកឲ្យបានរួចរាល់ក្នុងរយៈពេល៩ខែគិតចាប់ពីពេលដែលវាត្រូវបានចូលជាធរមាន។
ទាំង TikTok និងក្រុមហ៊ុនមេ ByteDance តែងតែបន្តធ្វើការបដិសេធចំពោះការចោទប្រកាន់ទាំងនោះ និងបានពណ៍នាថា ការកំណត់ច្បាប់ដោយអាមេរិកនេះគឺជាការរំលោភបំពានទៅលើសិទ្ធិបញ្ចេញមតិ និងសេរីភាពក្នុងការនិយាយស្តី។
តាមដែលអ្វីដែលបានចេញផ្សាយដោយទូរទស្សន៍ BBC នៅថ្ងៃចន្ទដើមសប្តាហ៍នេះ TikTok និងក្រុមអ្នកផលិតមតិកាធំៗចំនួន៨ផ្សេងទៀតនឹងត្រូវចូលរួមក្នុងការសវនាកាជាមួយគ្នា ដោយសង្ឃឹមថានឹងអាចចូលរួមក្នុងការដោះស្រាយករណីនេះជាមួយនឹងតុលាការ ហើយបន្តដំណើរការកម្មវិធីជាធម្មតាជូនអតិថិជនដែលកំពុងប្រើប្រាស់បច្ចុប្បន្ននៅទូទាំងប្រទេសទាំង១៧០លាននាក់។
គួរឲ្យដឹងដែរថា កាលពីឆ្នាំ២០២៣ ប៉ុណ្ណោះ TikTok អាចរកចំណូលបានសរុបដល់ទៅ១៦ពាន់លានដុល្លារក្នុងនាមជាកម្មវិធីកំសាន្តដ៏ពេញនិយមបំផុតរបស់ពិភពលោក ខណៈដែលអាមេរិកមានអ្នកប្រើប្រាស់ប្រមាណជា១៧០លាននាក់។
តាមតួលេខ បច្ចុប្បន្នកម្មវិធីនេះវាត្រូវបានអ្នកប្រើប្រាស់ជាប្រចាំខែរហូតទៅដលជាង១ពាន់លានដង និងមើលឃើញកំណើនអ្នកប្រើប្រាស់ថ្មីរហូតទៅដល់១៣៧លាននាក់បន្ថែមទៀតគិតត្រឹមត្រីមាសដំបូងឆ្នាំ២០២៤នេះ៕
Account
Security
Favourite Content