សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតត្រឹមខែធ្នូ ឆ្នាំ២០២១ គណនីនៃកម្ចីផ្នែកអចលនទ្រព្យមាន ១១,៨២% ដែលចំនួនសមតុល្យទឹកប្រាក់កម្ចីទាំងនេះឈានទៅលើសពីពាក់កណ្ដាលនៃសមតុល្យឥណទានលក្ខណៈបុគ្គលដែលមាន ៥៤,១៥%។ នេះបើយោងតាមរបាយការណ៍នៃត្រីមាសទី៤ ឆ្នាំ២០២១ របស់ក្រុមប្រឹក្សាអភិវឌ្ឍន៍កម្ពុជា ដែលចេញផ្សាយកាលពីពេលកន្លងទៅ។
កំណើនដ៏ខ្លាំងក្លានៃប្រាក់កម្ចីសម្រាប់ប្រើប្រាស់លើវិស័យអចលនទ្រព្យនេះ បានបង្កជាការព្រួយបារម្ភថា ចំនួននេះអាចនឹងរំខានដល់ការរីកចម្រើននៃសេដ្ឋកិច្ចជាតិទាំងមូល ឬអាចនឹងទាញកម្ពុជាឲ្យធ្លាក់ចូលទៅក្នុងវិបត្តិហិរញ្ញវត្ថុនាថ្ងៃអនាគត។ យ៉ាងណាក៏ដោយ អ្នកជំនាញសេដ្ឋកិច្ចមួយរូបបានអះអាងពីទស្សនៈរបស់លោកថា ការធ្លាក់ចូលទៅក្នុងវិបត្តិហិរញ្ញវត្ថុហាក់នៅវែងឆ្ងាយពីស្ថានភាពសេដ្ឋកិច្ចបច្ចុប្បន្នណាស់ ហើយរឿងនេះទៀតសោតមិនទំនងនឹងកើតឡើងដូចគ្នា។
លោកបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិននៃរាជបណ្ឌិត្យសភាកម្ពុជា បានទទួលស្គាល់ថា វិស័យអចលនទ្រព្យនាពេលបច្ចុប្បន្នកំពុងស្ថិតក្នុងដំណាក់កាលជាប់គាំង ខណៈវិស័យផ្សេងបាន និងកំពុងរើបឡើងម្ដងបន្តិចៗទៅហើយនោះ។ លោកបន្តទៀតថា ការជាប់គាំងនេះ ក៏មិនទាន់អាចរកឃើញដំណោះស្រាយបាននាពេលឆាប់ៗនេះដែរ ពោលគឺត្រូវការពេលមួយរយៈទៀត។
លោកបណ្ឌិតមានប្រសាសន៍បញ្ជាក់យ៉ាងដូច្នេះថា ៖
“បើទោះបីជាបែបនេះក្ដី ខ្ញុំគិតថា យើងមិនទាន់ដល់ធ្លាក់ចូលទៅក្នុងកម្រិតនៃវិបត្តិហិរញ្ញវត្ថុនៅឡើយទេ! ព្រោះការផ្ដល់ឥណទាននេះត្រូវបានសិក្សាច្បាស់លាស់អំពីអ្នកខ្ចីឥណទានដើម្បីទៅទិញអចលនទ្រព្យនោះ ថាតើគាត់អាចមានលទ្ធភាពសងត្រលប់មកវិញដែរឬទេ?”
យ៉ាងណាមិញ មូលហេតុនៃការកើនឡើងប្រាក់កម្ចីយកទៅប្រើប្រាស់ក្នុងវិស័យអចលនទ្រព្យនេះ គឺកើតចេញពីមនុស្សមួយចំនួនបានបោះបង់អចលនទ្រព្យរបស់ខ្លួន ដោយមិនអាចទ្រទ្រង់ស្ថានការបាន។ ពួកគេត្រូវបង្ខំចិត្តលក់ដើម្បីយកប្រាក់ទៅសងធនាគារ ខណៈដែលខ្លួនមិនមានចំណូល ហើយក្នុងពេលជាមួយគ្នានេះ ប្រជាជនមួយចំនួនទៀតមើលឃើញពីឱកាសនៃការលក់អចលនទ្រព្យព្រោងព្រាតជាមួយនឹងតម្លៃធូរថ្លៃ ពួកគេក៏សម្រេចទិញយក ហើយក្នុងនោះក៏មានអ្នកប្រើប្រាស់ឥណទានផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content