សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា តំបន់ប៉ែកខាងត្បូងរាជធានីភ្នំពេញ នឹងរីកដុះដាលកាន់តែខ្លាំង ហើយនឹងទាក់ទាញមនុស្សចូលទៅរស់នៅទីនោះកាន់តែច្រើនបន្ថែមទៀតនៅពេលឆាប់ៗនេះ ខណៈដែលបណ្តាញហេដ្ឋារចនាសម្ព័ន្ធនានាត្រូវបានកសាងយ៉ាងខ្វាត់ខ្វែង ។
ថ្លែងនៅក្នុងពិធីសម្ពោធសមិទ្ធផលកម្រោងអភិវឌ្ឍន៍ប្រព័ន្ធបង្ហូរទឹកកខ្វក់ក្នុងរាជធានីភ្នំពេញ នៅព្រឹកថ្ងៃទី២៧ ខែធ្នូ ឆ្នាំ២០២៣ សម្ដេចធិបតី ហ៊ុន ម៉ាណែត បានមានប្រសាសន៍ថា បច្ចុប្បន្ននេះ ផែនការមេបានពង្រីកគម្រោងមួយចំនួនទៅទិសខាងត្បូងរាជធានីភ្នំពេញ ដោយនៅជុំវិញតំបន់បឹងជើងឯក និងផ្លូវ៦០ម៉ែត្រ បានអភិវឌ្ឍន៍ហេដ្ឋារចនាសម្ព័ន្ធតភ្ជាប់ពីតំបន់ចាក់អង្រែទៅតំបន់មានជ័យ ដើម្បីជួយសម្រួលដល់ការធ្វើដំណើររបស់ប្រជាពលរដ្ឋមានភាពកាន់តែងាយស្រួលជាងមុន ។
សម្ដេចមានប្រសាសន៍ថា តំបន់ប៉ែកខាងត្បូងភ្នំពេញនឹងកាន់តែរីកធំ ដោយបានប្រែក្លាយពីបឹងទៅជាតំបន់ដែលមានសកម្មភាពសេដ្ឋកិច្ចកាន់តែមមាញឹក ក្នុងនោះមានសាលារៀន មានផ្សារទំនើបធំៗ បង្កើតការងារជូនប្រជាពលរដ្ឋរាប់ពាន់កន្លែង ហើយបន្តិចទៀតមនុស្សរាប់សែននាក់នឹងចូលទៅកាន់តំបន់នោះ ។ នៅពេលមនុស្សចូលទៅរស់នៅកាន់តែច្រើន នឹងធ្វើឱ្យការបញ្ចេញទឹកកខ្វក់កាន់តែច្រើន និងត្រូវការធ្វើប្រព្រឹត្តិកម្មទឹកកខ្វក់ ទឹកស្អា អភិវឌ្ឍន៍ហេដ្ឋារចនាសម្ព័ន្ធបន្ថែម ដើម្បីបម្រើដល់សេចក្ដីត្រូវការរបស់មនុស្ស ។
សម្ដេចបន្តថា តំបន់ប៉ែកខាងត្បូងនេះមានព្រលានយន្តហោះអន្តរជាតិថ្មី ដែលត្រូវដំណើរនៅពេលឆាប់ៗនេះ មានផ្សារទំនើប មានហេដ្ឋារចនាសម្ព័ន្ធ ដូច្នេះប្រជាពលរដ្ឋទាំងក្នុងរាជធានី និងបណ្ដាខេត្តនឹងចូលមករស់នៅបន្ថែមដើម្បីប្រកបរបរទទួលទានរកប្រាក់ចំណូលបន្ថែម ហើយរដ្ឋក៏ត្រូវតែផ្ដល់នូវអ្វិដែលជាតម្រូវការជាក់ស្ដែងរបស់ប្រជាពលរដ្ឋដែរ។
សម្ដេចបន្ថែមថា រាជរដ្ឋាភិបាលអាណត្តិទី៧នេះ ត្រូវបង្កើនការយកចិត្តទុកដាក់លើសុខុមាលភាពរបស់ប្រជាពលរដ្ឋ បង្កើតការងារជូនប្រជាពលរដ្ឋ ផ្ដល់ប្រាក់ចំណូលជូនប្រជាពលរដ្ឋ ដូច្នេះការដាក់ដំណើរការនូវអាងប្រព្រឹត្តិកម្មទឹកកខ្វក់មួយនេះ ក៏ជាការចូលរួមចំណែកមួយក្នុងសុខុមាលភាពរបស់ប្រជាពលរដ្ឋ ព្រោះថាប្រជាពលរដ្ឋមានសុខភាពល្អ នឹងមិនចាំបាច់ចំណាយថវិកាក្នុងការព្យាបាលជំងឺនោះទេ ។
អ្នកស្រី អាន សុធីតា នាយិកាប្រតិបត្តិនៃក្រុមហ៊ុន PropNex Cambodia បានលើកឡើងថា តំបន់ប៉ែកខាងត្បូងភ្នំពេញ នឹងមានសក្ដានុពលខ្ពស់លើការអភិវឌ្ឍលំនៅឋាន ជាពិសេសលំនៅឋានដែលមានតម្លៃមធ្យមឡើង។
អ្នកស្រីបន្តថា នៅពេលរដ្ឋាភិបាលអភិវឌ្ឍន៍ហេដ្ឋារចនាសម្ព័ន្ធកាន់តែច្រើន កាន់តែស្អាត ប្រជាពលរដ្ឋនឹងចូលទៅរស់នៅតំបន់នោះកាន់តែច្រើន ពីព្រោះមានផ្លូវធ្វើឱ្យពួកគាត់កាន់តែងាយស្រួលក្នុងការចេញចូលក្រុង ។ អ្វីដែលពិសេសនោះនៅតំបន់ប៉ែកខាងត្បូងក៏មានផ្សារទំនើបតូចធំរីកដុះដាលកាន់តែច្រើនជាបន្តបន្ទាប់ ដែលជាសេចក្ដីត្រូវការរបស់ប្រជាបលរដ្ឋ ៕
Account
Security
Favourite Content