ម្ចាស់អាជីវកម្មក្នុងស្រុកយកចិត្តទុកដាក់លើការពង្រឹងស្តង់ដារផលិតផល សំដៅពង្រីកទីផ្សារបន្ថែម

ភ្នំពេញ ៖ ជាការពិត ការនាំចេញ-នាំចូលរបស់កម្ពុជាជាមួយនឹងទីផ្សារអន្តរជាតិកំពុងដេញតាមប្រកៀកប្រកិតគ្នា។ ជាក់ស្ដែងក្នុងឆ្នាំ២០២២ ទឹកប្រាក់​ដែល​កម្ពុជា​ប្រមូលបាន​ពី​ការនាំ​ទំនិញ​ទៅ​ទីផ្សារ​អន្តរជាតិមាន​ជាង ២២,៤​ ពាន់​លាន​ដុល្លារ កើន​ឡើង ១៦,៤ ភាគរយ និង​ទំនិញ​ដែល​កម្ពុជា​នាំចូល​ពី​ទីផ្សារ​អន្តរជាតិ​ជិត ៣០ ​ពាន់​លាន​ដុល្លារ កើនឡើង ៤,៣ ​ភាគរយ​។ នេះ​បើតាម​អគ្គនាយកដ្ឋាន​គយ និង​រដ្ឋាករ​កម្ពុជា​។

ក្នុងគោលបំណងជំរុញសេដ្ឋកិច្ចជាតិឱ្យកាន់តែប្រសើរ ការបង្កើនការនាំចេញទំនិញទៅកាន់ទីផ្សារអន្តរជាតិ គឺជារឿងដែលកម្ពុជាកំពុងផ្ដោតការយកចិត្តទុកដាក់។ ប៉ុន្តែដើម្បីធ្វើរឿងទាំងនោះបាន គេត្រូវគិតគូរពីស្តង់ដារនៃគុណភាពផលិតផលជាមុនសិន។

ស្តង់ដារនៃទំនិញនេះទៀតសោត សំដៅលើលក្ខណៈ​បច្ចេករបស់ផលិតផល ដំណើរការផលិតកម្ម និងសេវាកម្ម។ ផលិតផលមួយដែលមានស្តង់ដារ ជាផលិតផលដែលមានគុណភាព សុវត្ថិភាព ប្រសិទ្ធភាព កាត់បន្ថយចំណាយ និងមានភាពងាយស្រួលក្នុងការផលិតជាដើម។

អាជីវកម្មក្នុងស្រុកចំនួនពីរដែលចង់ចាប់យកឱកាសនាំចេញទំនិញទៅកាន់ទីផ្សារខាងក្រៅ បាន និងកំពុងតែគិតគូរអំពីការពង្រឹងស្តង់ដារនៃផលិតផលរបស់ខ្លួនឱ្យកាន់តែប្រសើរ។

មួយក្នុងអាជីវកម្មទាំងពីរគឺ «ប្រេងរិតស្លឹកម្លូ» ដែលអាជីវកម្មនេះបានស្រាវជ្រាវយកស្លឹកម្លូខ្មែរទៅកែច្នៃចេញជាប្រេងលាបបំបាត់ការឈឺចាប់ ដែលមិនប៉ះពាល់ដល់សុខភាពសាធារណៈ។ អាជីវកម្មនេះ ត្រូវបានធ្វើឡើងតាមលក្ខណៈវេជ្ជសាស្ត្រ ដែលឆ្លងកាត់ការពិសោធន៍ត្រឹមត្រូវ និងអាចប្រើប្រាស់បានយ៉ាងទូលំទូលាយផងដែរ។

និយាយដល់ស្តង់ដារ ឱសថការី អ៊ឹង សៀមគីម ម្ចាស់ផលិតផលប្រេងរិតស្លឹកម្លូបានឱ្យដឹងថា ខ្លួនបានគិតគូរពីស្តង់ដារផលិតផលនេះតាំងតែពីចេញលក់ដំបូងម្លេះ។ ការគិតគូរដល់ស្តង់ដារបែបនេះ ក៏ព្រោះតែអ្នកស្រីមានបំណងចង់នាំយកផលិតផលរបស់ខ្លួនទៅលក់នៅតាមឱសថស្ថាន ជាពិសេស នាំចេញទៅកាន់ទីផ្សារក្នុងតំបន់។

អ្នកស្រីបន្តថា៖

«មានត្រឹមតែផលិតផលល្អគឺមិនទាន់គ្រប់គ្រាន់និងឱ្យគេជឿជាក់បាននោះទេ ប៉ុន្តែ​ការបំពេញបានតាមលក្ខន្តិកៈស្តង់ដារដែលបានកំណត់ទើបជាការធានាភាពជឿជាក់ដ៏ពិតប្រាកដ»។

អាជីវកម្មក្នុងស្រុកមួយទៀត គឺអាជីវកម្ម «សៀង» ដែលជាប្រភេទមុខរបរប្រពៃណីរបស់ប្រជាជនខ្មែរនោះ ក៏បានវិវត្តខ្លួនទៅជាមុខរបរដែលមានស្តង់ដារត្រឹមត្រូវ។

លោក ចាន់ រដ្ឋា ដែលជាម្ចាស់សិប្បកម្មសៀងឆ្ងាញ់ ដែលមានទីតាំងស្ថិតនៅស្រុកអូរាំងឪ ខេត្តត្បូងឃ្មុំ បានឱ្យដឹងថា លោកចង់ឃើញផលិតផលបែបប្រពៃណីមួយនេះបានឈានជើងដើរចេញទៅដល់ទីផ្សារក្រៅស្រុក។

ដើម្បីសម្រេចបាននូវបំណងនេះ ម្ចាស់អាជីវកម្មខាងលើបានសម្រេចនូវការផលិតដែលមានស្តង់ដារ គុណភាព រសជាតិ និងអនាម័យ។ ទាំងការវេចខ្ចប់ ទាំងគុណភាព ទាំងសុវត្ថិភាពគឺសុទ្ធសឹងតែជាអ្វីដែលលោក និងក្រុមគ្រួសារខិតខំពង្រឹងពីមួយឆ្នាំទៅមួយឆ្នាំ។

មិនត្រឹមតែប៉ុណ្ណោះ ម្ចាស់អាជីវកម្មរូបនេះក៏តែងឆ្លៀតពេលដើម្បីរៀនបន្ថែមនូវការធ្វើផែនការអាជីវកម្មឱ្យបានច្បាស់លាស់ និងបង្កើនទំនាក់ទំនងជាមួយអ្នកពាក់ព័ន្ធដើម្បីអាចមានលទ្ធភាពនាំយកផលិតផលរបស់ខ្លួនចេញទៅកាន់ទីផ្សារខាងក្រៅនាពេលខាងមុខ។

ម្ចាស់អាជីវកម្មទាំងពីរសុទ្ធតែចង់ឃើញផលិតផលខ្មែរ មានវត្តមាននៅលើទីផ្សារក្រៅស្រុក ដែលបង្ហាញពីមោទនភាពខ្មែរជារួម ជាពិសេសជាការលើកទឹកចិត្តដល់អាជីវកម្មក្នុងស្រុកផ្សេងទៀត ចាប់ផ្ដើមគិតគូរពីស្តង់ដារនៃផលិតផលរបស់ពួកគេរៀងៗខ្លួន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់