ចំណេះដឹងហិរញ្ញវត្ថុជួយឱ្យមនុស្សម្នាក់ៗគ្រប់គ្រងលុយបានត្រឹមត្រូវ

ភ្នំពេញ ៖ ការយល់ដឹង និងការប្រើប្រាស់គំនិត និងសមត្ថភាពគ្រប់គ្រងហិរញ្ញវត្ថុប្រកបដោយប្រសិទ្ធភាពក្នុងជីវិតប្រចាំថ្ងៃរបស់បុគ្គលម្នាក់ៗ គឺសំដៅទៅលើចំណេះដឹងហិរញ្ញវត្ថុ។ ការរៀបចំផែនការថវិកា ការវិនិយោគ ការគ្រប់គ្រងឥណទាន និងការគ្រប់គ្រងហិរញ្ញវត្ថុ គឺជាសមត្ថភាពហិរញ្ញវត្ថុមូលដ្ឋាន ដែលមនុស្សគ្រប់គ្នាគួរតែមាន។ និយាយជារួម ចំណេះដឹងផ្នែកហិរញ្ញវត្ថុ គឺសំដៅទៅលើសមត្ថភាពគ្រប់គ្រងហិរញ្ញវត្ថុ។ ការសម្រេចបាននូវគោលដៅជីវិតរបស់ម្នាក់ៗ រួមទាំងការចូលនិវត្តន៍ ការសិក្សា និងការធ្វើដំណើរកម្សាន្ត នឹងអាចកាន់តែងាយស្រួលនៅពេលមានការរៀបចំផែនការហិរញ្ញវត្ថុបានល្អ។

គោលបំណងសំខាន់នៃចំណេះដឹងផ្នែកហិរញ្ញវត្ថុគឺជួយដល់បុគ្គលម្នាក់ៗយល់ដឹងអំពីសមត្ថភាពក្នុងការគ្រប់គ្រងហិរញ្ញវត្ថុរបស់ពួកគេ។ មនុស្សម្នាក់ៗអាចរស់នៅដោយមិនព្រួយបារម្ភពីបញ្ហាហិរញ្ញវត្ថុ ដោយសារមានការគ្រប់គ្រងប្រព័ន្ធហិរញ្ញវត្ថុបានល្អ។

មនុស្សម្នាក់ៗមានសមត្ថភាពក្នុងការគ្រប់គ្រងលុយបានត្រឹមត្រូវ គឺដោយសារមានការយល់ដឹងច្បាស់លាស់អំពីស្ថានភាពហិរញ្ញវត្ថុរបស់ខ្លួន។ បើគ្មានចំណេះដឹងផ្នែកហិរញ្ញវត្ថុទេ នោះសកម្មភាព និងការសម្រេចចិត្តរបស់បុគ្គលម្នាក់ៗអំពីការសន្សំ និងការវិនិយោគនឹងមានភាពចុះខ្សោយ ហើយគ្មានលទ្ធភាពក្នុងការគ្រប់គ្រងលុយបានត្រឹមត្រឹវនោះទេ។

 មនុស្សម្នាក់ៗអាចគ្រប់គ្រងហិរញ្ញវត្ថុរបស់ពួកគេបានប្រកបដោយប្រសិទ្ធភាព ដោយការរៀនគោលការណ៍ហិរញ្ញវត្ថុ។ លើសពីនេះ គោលការណ៍ហិរញ្ញវត្ថុជួយសម្រួលដល់ការសម្រេចចិត្ត ការគ្រប់គ្រងហិរញ្ញវត្ថុ និងស្ថិរភាពផ្នែកហិរញ្ញវត្ថុត្រឹមត្រូវ។ ដូចគ្នានេះផងដែរ ចំណេះដឹងផ្នែកហិរញ្ញវត្ថុផ្តល់នូវការយល់ដឹងស៊ីជម្រៅអំពីប្រព័ន្ធហិរញ្ញវត្ថុ ក៏ដូចជាភាពខុសគ្នានៃយុទ្ធសាស្ត្រសំខាន់ៗសម្រាប់ជំរុញកំណើនហិរញ្ញវត្ថុប្រកបដោយជោគជ័យ។

មនុស្សដែលមានចំណេះដឹងហិរញ្ញវត្ថុ និងយល់ច្បាស់ពីស្ថានភាពសេដ្ឋកិច្ច ក៏អាចប្រែក្លាយលុយទៅជាឧបករណ៍ហិរញ្ញវត្ថុផងដែរ ជាជាងការទុកវាឱ្យនៅទំនេរក្នុងគណនីធនាគារ។ ក្នុងន័យនេះ បើទោះការដាក់សន្សំនៅធនាគារ វាទទួលបានការប្រាក់ក្តី ប៉ុន្តែសម្រាប់អ្នកមានចំណេះដឹងហិរញ្ញវត្ថុ និងសេដ្ឋកិច្ចច្បាស់ គេអាចយកទៅវិនិយោគ ដើម្បីទទួលផលចំណេញច្រើនជាងការដាក់លុយធនាគារ។

ជារួម គោលដៅនៃទាំងការវិនិយោគ និងការសន្សំ គឺដើម្បីបង្កើនលុយ ហើយនឹងជួយឱ្យមនុស្សម្នាក់ៗអាចមានអនាគតប្រកបដោយសុវត្ថិភាពផ្នែកហិរញ្ញវត្ថុ និងសុភមង្គល។ នៅពេលវិនិយោគលុយជាមួយនឹងយុទ្ធសាស្រ្តត្រឹមត្រូវ វានឹងផ្តល់ផលចំណេញច្រើន តែត្រូវប្រាកដថា ការវិនិយោគនោះគឺមានភាពឆ្លាតវៃ និងមានផែនការច្បាស់លាស់។

សរុបមក ចំណេះដឹងផ្នែកហិរញ្ញវត្ថុគឺជាបំណិនជីវិតដ៏សំខាន់មួយដែលមនុស្សម្នាក់ៗត្រូវមាន ព្រោះវាជួយបង្កើនសមត្ថភាពក្នុងការគ្រប់គ្រងហិរញ្ញវត្ថុរបស់អ្នក។ ការសន្សំ ការរៀបចំផែនការថវិកា និងផែនការហិរញ្ញវត្ថុ គួរតែផ្សព្វផ្សាយ និងបញ្ជ្រាបឱ្យបានទូលំទូលាយសម្រាប់ប្រជាពលរដ្ឋ ដើម្បីជំរុញឱ្យសេដ្ឋកិច្ច-សង្គម កាន់តែមានភាពរីកចម្រើន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ