សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្រឹមចុងឆ្នាំ២០២១ គម្រោងផ្លូវដែកចិន-ឡាវ (China-Laos railway) ត្រូវបានប្រកាសសម្ពោធដាក់ឲ្យប្រើប្រាស់ជាផ្លូវការក្រោយចំណាយពេលសាងសង់អស់រយៈពេល៦ឆ្នាំ ក្នុងនាមជាផ្លូវដែកសម្រាប់រថភ្លើងល្បឿនលឿនប្រើប្រាស់បម្រើទាំងការដឹកជញ្ជូនអ្នកដំណើរ និងទំនិញចេញចូលរវាងចិន និងឡាវ ហើយមិនត្រឹមតែប៉ុណ្ណោះ វាក៏ជាច្រកដ៏សំខាន់តភ្ជាប់រវាងតំបន់អាស៊ានទៅនឹងគម្រោងយក្សរបស់ចិនដែលមានឈ្មោះថា ផ្លូវសូត្រចិន ឬ BRI (Belt and Road Initiative) ។
ការតភ្ជាប់រវាងទីក្រុង Vientiane ទៅដល់តំបន់ព្រំដែនភាគខាងជើងនៃប្រទេសចិន Boten ក្នុងចំងាយផ្លូវដល់ទៅ៤១៤គីឡូម៉ែត្រ និងចំណាយថវិកាសរុបដល់ទៅជាង ៦ ០០០លានដុល្លារអាមេរិក។ ក្រៅតែពីការតភ្ជាប់រវាងចិន និងឡាវហើយនោះ គេជឿជាក់ថាគម្រោងនេះនឹងអាចបន្តទៅភ្ជាប់ប្រទេសផ្សេងទៀតក្នុងតំបន់ដែលមានដូចជាប្រទេសថៃ ប្រទេសម៉ាឡេស៊ី និងសិង្ហបុរីទៀតផងដែរនាពេលអនាគត។
សក្តានុពលដ៏សន្ធឹកសន្ធាប់ដែលជាកម្លាំងចលករជួយជំរុញកំណើនសេដ្ឋកិច្ច និងសកម្មភាពពាណិជ្ជកម្មក្នុងតំបន់តាមរយៈគម្រោង China-Laos railway នេះត្រូវបានអ្នកជំនាញជាច្រើនមើលឃើញថា បានប្រែក្លាយឡាវពីប្រទេសបែប Landlock (មិនជាប់សមុទ្រ) ទៅជាប្រទេសលក្ខណៈ Landlink ឬមានន័យថា ជាប្រទេសដែលជាទីកន្លែងសម្រាប់តភ្ជាប់ជាមួយនឹងបណ្តាប្រទេសផ្សេងទៀត។
តើនៅក្រោយពេលដែលប្រែក្លាយទៅជាប្រទេសបែប Landlink ហើយនោះ ឡាវ នឹងទទួលបានអត្ថប្រយោជន៍អ្វីខ្លះ?
ចាប់តាំងតែពីគម្រោងបានប្រកាសដំបូងភ្លាម ឡាវបានទាក់ចិត្តអ្នកវិនិយោគក្រៅ និងក្នុងប្រទេសជាច្រើន ជាពិសេសក្នុងតំបន់អាស៊ានផ្ទាល់។ សម្រាប់ការធ្វើដំណើរនឹងដឹកជញ្ជូនរវាងឡាវ និងចិននៅពេលនេះ បានកាត់បន្ថយស្ទើរមួយភាគបួន ពី១៥ម៉ោងដោយរថយន្តមកតិចជាង៤ម៉ោងតាមរថភ្លើង និងមានតម្លៃសំបុត្រធ្វើដំណើរត្រឹមតែ៣៣ដុល្លារប៉ុណ្ណោះសម្រាប់កៅអីប្រភេទ second-class seat។
ប្រទេសឡាវធ្លាប់ជាប្រទេសដែលក្រីក្រខាងហេដ្ឋារចនាសម្ព័ន្ធដោយកាលពីមុនមានផ្លូវដែកត្រឹមតែ៤គីឡូម៉ែត្រប៉ុណ្ណោះ មុនពេលដែលផ្លូវដែក China-Laos បានបញ្ចប់។ ក្រោយការការតភ្ជាប់វាបានធ្វើឲ្យកាន់តែប្រសើរឡើង នៃកិច្ចការងារធ្វើពាណិជ្ជកម្មនិងមានទំហំកាន់តែច្រើនរវាងខេត្តនិងខេត្ត រវាងឡាវនិងប្រទេសជិតខាងអាស៊ាន ក៏ដូចជាជាមួយប្រទេសចិន។
គួរឲ្យដឹងថា ទំហំធ្វើពាណិជ្ជកម្មរវាងចិន និងអាស៊ានតាមផ្លូវទឹកកាលពីឆ្នាំ២០២០មានរហូតទៅដល់៦០០ពាន់លានដុល្លារ ដូចនេះនៅពេលដែលផ្លូវដែករួចរាល់បែបនេះ ឡាវនឹងក្លាយទៅជាស្តុកទំនិញដ៏សំខាន់សម្រាប់តំបន់អាស៊ានទាំងមូល ជាក់ស្តែងធនាគារពិភពលោក World Bank បានធ្វើការព្យាករណ៍ថាទំហំដឹកជញ្ជូនទំនិញរវាងចិនឡាវនឹងមានការកើនឡើងទៅដល់៣,៩លានតោននៅត្រឹមឆ្នាំ២០៣០ខាងមុខខ្ពស់ជាងអ្វីដែលធ្លាប់ធ្វើបានកាលពីឆ្នាំ២០១៦ ត្រឹមតែ១,៦លានតោន ហើយនឹងទាញយកទំនិញដែលត្រូវដឹកតាមផ្លុវទឹកមកតាមផ្លូវដែកប្រមាណជា១,៥លានតោន។ ក្រៅតែពីវិស័យសេដ្ឋកិច្ច និងជំនួញក្នុងនាមជាប្រទេសតភ្ជាប់រវាងប្រទេសក្នុងតំបន់ ឬ Landlink ហើយនោះគេជឿជាក់ថាឡាវនឹងអាចទាគ់ទាញភ្ញៀវទេសចរចិនកាន់តែច្រើនឡើងពីចំនួនប្រហែលជា១លាននាក់កាលពីមុនវិបត្តិកូវីដទៅដល់ ១,៥លាននាក់នៅពេលដែលទ្វារប្រទេសបើកវិញភ្លាម។ ដោយឡែកសម្រាប់វិស័យអចលនទ្រព្យវិញនៅពេលនេះគេអាចមើលឃើញថាជនជាតិចិនជាច្រើនកំពុងសម្រុកចូលទៅកាន់ប្រទេសឡាវដើម្បីប្រមូលទិញដីធ្លីជាច្រើនទុកទោះបីជាមិនមានសិទ្ធិកាន់កាប់ដោយផ្ទាល់ក្តីពួកគេភាគច្រើនបានប្រើប្រាស់វិធីសាស្ត្រប្រើភាគីទី៣ដែលជាប្តី ឬប្រពន្ធ ឬដៃគូសហការក្នុងការវិនិយោគទៅលើវិស័យមួយនេះ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាម៉េរិក ត្រៀមដំឡើងពន្ធគយពី ១០% ទៅ ១២,៥% លើ ៦០ ប្រទេស ពាក់ព័ន្ធនឹងការនាំចូលទំនិញប្រើកម្លាំងពលកម្មបង្ខំ
Top News, ព្រឹត្តិការណ៍, សេដ្ឋកិច្ច
• 03/06/2026
ការិយាល័យតំណាងពាណិជ្ជកម្មអាម៉េរិក (USTR) ស្នើរដំឡើងពន្ធគយពីអត្រា ១០% ទៅ ១២,៥% លើសេដ្ឋកិច្ចចំនួន ៦០ ប្រទេស បន្ទាប់ពីទីក្រុងវ៉ាស៊ីនតោនបើកការស៊ើបអង្កេតលើដៃគូពាណិជ្ជកម្មដែលបរាជ័យក្នុងការហាមឃាត់នាំចូលទំនិញដែលប្រើប្រាស់កម្លាំងពលកម្មដោយបង្ខំ
ចិន- រុស្សី កាន់តែមានទំនាក់ទំនងស៊ីជម្រៅ ទល់នឹងសម្ពាធរបស់លោកខាងលិច
ព្រឹត្តិការណ៍, អាជីវកម្មថ្មី និងនវានុវត្ត
• 03/06/2026
ដោយមិនញញើតនឹងការដាក់ទណ្ឌកម្មកាន់តែខ្លាំងឡើងពីសំណាក់បស្ចិមប្រទេស រុស្ស៊ី និងចិន បានការពារសម្ព័ន្ធភាពសេដ្ឋកិច្ចរបស់ខ្លួនយ៉ាងមានប្រសិទ្ធភាព ដោយបានបង្វែរការទូទាត់ពាណិជ្ជកម្មទ្វេភាគីស្ទើរតែ ១០០ភាគរយ
រដ្ឋាភិបាល បានប្រែក្លាយតំបន់លិចទឹកក្នុងរាជធានីភ្នំពេញ ទៅជាទីក្រុងដ៏ទំនើប និងគួរឱ្យទាក់ទាញ
Top News, ព្រឹត្តិការណ៍, អចលនទ្រព្យ
• 03/06/2026
ភ្នំពេញ គឺជារាជធានីនៃព្រះរាជាណាចក្រកម្ពុជា ដែលកាលពីអតីតកាលសំបូរទៅដោយបឹងបួរ ប្រឡាយ ពោល គឺជាតំបន់លិចទឹក ប៉ុន្តែ បច្ចុប្បន្ន រាជរដ្ឋាភិបាល បានខិតខំអភិវឌ្ឍន៍ជាបន្តបន្ទាប់ ដើម្បីអាចប្រែក្លាយតំបន់ទាំងនោះទៅជាទីក្រុងរណបដ៏ទំនើប
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content