សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុរតនគិរី ៖ អគារមន្ទីររៀបចំដែនដី នគរូបនីយកម្ម និងសំណង់ និងសុរិយោដី ខេត្តរតនគិរី ត្រូវបានដាក់សម្ពោធឱ្យប្រើប្រាស់ជាផ្លូវការឡើងវិញក្រោយពេលជួសជុលកែលម្អយ៉ាងសម្រិតសម្រាំងអស់រយៈពេល ៦ឆ្នាំរួចមក ។ ពិធីសម្ពោធដាក់ឱ្យប្រើប្រាស់ឡើងវិញធ្វើឡើងកាលពីថ្ងៃទី២១ ខែកក្កដា ឆ្នាំ២០២៥ ក្រោមអធិបតីភាពឯកឧត្តម សាយ សំអាល់ ឧបនាយករដ្ឋ និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ។
ក្នុងឱកាសនោះដែរ ឯកឧត្តមឧបនាយករដ្ឋមន្ត្រី សាយ សំអាល់ បានចូលរួមអបអរសាទរចំពោះការដាក់សម្ពោធជាផ្លូវការនូវអគារមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរីនាពេលនេះ ដែលបានជួសជុលកែលម្អសោភ័ណ្ឌភាពយ៉ាងល្អស្អាត ស័ក្ដិសមជាទីកន្លែងសម្រាប់ផ្ដល់សេវាសាធារណៈជូនប្រជាពលរដ្ឋយ៉ាងល្អប្រសើរ។
ឯកឧត្តមឧបនាយករដ្ឋមន្ត្រី ក៏បានលើកទឹកចិត្តដល់ថ្នាក់ដឹកនាំ និងមន្ត្រីរាជការនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី ឱ្យបន្តកិច្ចខិតខំប្រឹងប្រែងរបស់ខ្លួនក្នុងការបំពេញការងារតាមតួនាទីភារកិច្ចបន្ថែមទៀត ដើម្បីផ្ដល់សេវាសាធារណៈជូនប្រជាពលរដ្ឋបានកាន់តែល្អប្រសើរ និងឆ្លើយតបតាមចក្ខុវិស័យរបស់ប្រមុខរាជរដ្ឋាភិបាលកម្ពុជា ។
ក្នុងឱកាសនោះដែរ ឯកឧត្តមឧបនាយករដ្ឋមន្ត្រី សាយ សំអាល់ បានឧបត្ថម្ភថវិកា២០០លានរៀលដល់មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី ទុកសម្រាប់ចាត់ចែងបំពេញតម្រូវការផ្សេងៗ ។ បន្ទាប់មកឯកឧត្តម ក៏បានអញ្ជើញកាត់ខ្សែបូរសម្ពោធដាក់ឱ្យប្រើប្រាស់អគារមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី នាពេលនោះផងដែរ។
សូមជម្រាបជូនថា តាមរបាយការណ៍របស់មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បានឱ្យដឹងថា អគារដែលត្រូវបានដាក់សម្ពោធជាផ្លូវការនាពេលនេះ ត្រូវបានជួសជុលកែលម្អយ៉ាងសម្រិតសម្រាំងអស់រយៈពេល ៦ ឆ្នាំ ចាប់ពីឆ្នាំ២០២០ ដល់ឆ្នាំ ២០២៥។ អគារនេះមានកម្ពស់ពីរជាន់ដែលមានទំហំ ១៧,៥ ម៉ែត្រ គុណនឹង ២៤ ម៉ែត្រ, មានកម្ពស់ ១៣,៩ ម៉ែត្រ ចែកចេញជាជាន់ផ្ទាល់ដីមាន ៤បន្ទប់ និងជាន់ទីមួយ មានបន្ទប់ធ្វើការ ២បន្ទប់ និងសាលប្រជុំមួយ។ ចំពោះជាន់ Eo និង E1 មានទំហំសរុប ៥៦៨ម៉ែត្រការ៉េ។ អគារនេះមានរបងមុខប្រវែង ៥០,៥ ម៉ែត្រ គុណនឹងកម្ពស់ ២ម៉ែត្រដែលមានទំហំសរុប ១០១ ម៉ែត្រការ៉េ, របងចំហៀងនិងពីក្រោយ១៥០ ម៉ែត្រគុណនឹង ២ ម៉ែត្រមានទំហំសរុប ៣០០ ម៉ែត្រការ៉េ, របងមុខ,ក្រោយ,ចំហៀងសរុប ២០០,៥ ម៉ែត្រ កម្ពស់ ២ ម៉ែត្រ មានទំហំសរុប ៤០១ ម៉ែត្រការ៉េ, ក្រាលម៉ាបក្រានីតចិញ្ចើមផ្លូវពីមុខ ៣០០ ម៉ែត្រការ៉េ ទីធ្លាខាងក្នុងមានទំហំ ១,១០០ ម៉ែត្រការ៉េ, ក្រាលម៉ាបសរុប ១,៤០០ម៉ែត្រការ៉េ, និងសួនច្បារក្នុងនិងក្រៅ សរុប ៣០០ ម៉ែត្រការ៉េ ៕
Account
Security
Favourite Content